Yocuwa 7:21 - The Holy Bible In Alur (Lur) Revised Orthography

²¹ kinde m’aneno kanzu ma ber mi Babeli i kind ayeki, man cekel mi mola ma tar dak ario, man jamb mola ma kwar ma pekne cekel pier abic, e aketho cwinya i kumgi, man agamugi; man, nen, gibedo akana i ng’om i die hema para, ku mola ma tar i there.

Yocuwa 7:21 ပူးပေါင်းရင်းမြစ်များ

Thangambere 10:10

Man thekri mi ker pare en e Babel, man Erek, man Akad, man Kalne, i ng’om Cinar.

Thangambere 3:6

Man ka dhakune neno nia yen ubedo ber mi cemo, man nia enyayu mutoro i wang’, man nia juketho cwiny kum yende; kara udwok jo riek, egamu kum nying’ yende, e ecamu; man emio ni cware bende ma ni karacelo kude, e ecamu.

Thangambere 34:27

Wot Yakobo giwok wi ju ma junego, man giyaku adhurane, kum gicido nyameggi.

Thangambere 6:2

nia wot Mungu gineno nyir mi dhanu nia wang’gi leng’; man gigamu igi mon mi ceke ma gifoyo.

2 Samwil 11:2

Man etimbre i kinde mir uthieno, nia Daudi ai malu ku wi kavuto pare, man ewotho wi ot p’ubimo: man eneno dhaku moko m’ubejom ku wi ot; e dhakune leng’ hai mir anena.

2 Ubimo 7:8

E kinde ma weg joi maeni gibino ba ng’et kagonjo ma yo woko, gimondo i hema acel, e gicamu gimadhu de, man gicoko mola ma tar, ku mola ma kwar keca, ku kendi, e gicidho gikane; man gidwogo gimondo i hema mange de, e gicoko ma keca bende, man gicidho gikane.

Kitabu Pa Yob 31:1

Atimo lembariba ku wang’a; Ka kumeno acopo neno nyaku ma sumba nenedi?

Zaburi 119:37

Lok wang’a cen kum neno lem ma kite mbe, Man yep cwinya i yo peri.

Ai 20:17

Kud iketh cwinyi hai kum ot pa wedu, kud iketh cwinyi hai kum ci wedu, kadi kum jamiru pare, kadi kum bong’ pare, kadi dhiang’ pare, kadi kana pare, kadi gin moko ma wedu bedo ko.

Lembrieko 1:19

Ku ba dhanu ceke ma ketho cwinygi hai kum kuloka yo migi bedo kumeni; Ekabu kwo migi gi ju ma gibedo ko.

Lembrieko 23:31

Kud inen pigulok kinde m’e kwar, Kinde m’ethuthni i kikombe, Kinde m’emwonjre lwe:

Lembrieko 28:22

Ng’atu ma won wang’ ma rac rikni kum lonyo, Man eng’eyo ngo nia canpiny biwok i wie.

Lembrieko 4:23

Gwok adundeni kud amora ceke; Kum lembe mi kwo ai i ie.

Isaya 28:15

Kum wuwacu kumae, Watimo lembariba ku tho, man waripo lembe ku liel; kinde ma goc m’ucore bikadhu kud i ie, ebiwok i kumwa ngo; kum waketho ndra ni kapondo mwa, man wapondo the lemndra:

Isaya 29:15

Can wi ju m’upanu lembapora migi thuth ni Yehova, man ma tic migi ni i mudho, m’uwacu de kumae, Ng’a m’unenowa? man ng’a m’ung’eyowa?

Habakuk 2:9

Can wi ng’atu m’ugamu kuloka mi dubo mi ot pare, kara eketh ot pare malu, kara egonjre kud i cing’ mi dubo!

Luka 12:15

Ewacu igi kumae, Wubed ku weng’wu, man wukuru giwu ni gin ceke mi kethocwiny hai kum piny: kum kwo pa dhanu mbe i gin m’esagre kudo.

Luka 12:2

Ento gin moko mbe ma umbre, ma ku binyuthre ngo; ma kandre de ma ku bing’eire ngo.

Juefeso 5:3

Ento tarwang’, ku sasa ceke, ku kethocwiny hai kum piny, dong’ kud elwongre i kindwu ki, calu m’umaku jumaleng’;

Juefeso 5:5

Kum maeni wung’eyo andhandha, nia won tarwang’, kadok jasasa de, kadok ng’atu ma ketho cwinye hai kum piny, ma en e jarwo ma ni ayi gin ma acwia, umbe ku camupacu i ker pa Kristu ku pa Mungu.

Poi Mi Cik 7:25

Ayi gin m’ang’ika mi mungu migi wuwang’ ku mac: kud iketh cwinyi kum mola ma tar kadi mola ma kwar ma ni i kumgi, kadi kud igame iri, imaru moko i ie i uwic; kum en e ginmajudagu ni Yehova Mungu peri.

Jukolosai 3:5

Ka kumeno wuneg wathkumwu ma gini i ng’om: tarwang’, sasa, awanya ma rac, ayiri, ku ketho cwiny hai kum piny, ma en e rwo ma ni gin m’acwia;

Juebrania 13:5

Bed agonya kum mer ma jumaru ko jukupiny; dong’ cwinywu cung kum wagi gin ma wubedo ko: kum en gire ewacu kumae, Abiweki ki ngo, kadok akuna de abikuni ki ngo.

Yakobo 1:15

Awanyane ma rac, kan egamu ie, elund enyolo dubo: e dubone, kan eteng’ni, ekelo tho.

Yocuwa 7:20

Man Akan uloko lembe ni Yocuwa, ewacu de kumae, Andha adubo ni Yehova, Mungu mir Israel, man atimo kuman kuman:

Yocuwa 7:22

Kum kumeno Yocuwa oro jukwenda, man giringo ba hema; man, nen, ebedo akana i hema pare, man mola ma tar ni i there.

2 Petro 2:15

ma giweko ko yo ma atira gikiewo, ma gikwanyu ko yo pa Balam wod Bosor, m’umaru sukulia mi timorac;