Yocuwa 7:19 - The Holy Bible In Alur (Lur) Revised Orthography

¹⁹ E Yocuwa wacu ni Akan kumae, Woda, akwei, mi dwong’ ni Yehova, Mungu mir Israel, man ituc ire; yer ira kawono pi gin m’itimo; kud imung’e ira.

Yocuwa 7:19 ပူးပေါင်းရင်းမြစ်များ

2 Ubimo 20:15

Man ewacu kumae, Gineno ang’o i ot peri? E Hezekia loko lembe kumae, Gineno gin ceke ma ni i ot para: gin moko mbe i kind piny m’akana para ma k’anyutho igi ngo.

2 Lemkei 30:22

E Hezekia yero lemjuk ni Julawi ceke ma gibedo ku ng’eyong’ec ma ber i timotim pa Yehova. Kum kumeno gicamu i agba ceke mi ceng’ abiro, ma gibethiero lam mi kwiocwiny, ma gibetuco de ni Yehova, Mungu pa kwaru migi.

Zaburi 32:5

Atuco dubo para iri, Man kier para amung’o ngo: Awacu kumae, Abituco camuco para ni Yehova: Man iweko kier mi dubo para.

Zaburi 51:3

Kum ang’eyo kier para; Man dubo para ni i wang’a thiri thiri.

Lembrieko 28:13

Ng’atu ma umo kier pare lembe pare bibedo miero ngo; Ento ng’atu ma tek utuco man ewekogi ebinwang’u kisa.

Isaya 13:12

Abiketho dhanu bedo lam ma sagu mola ma kwar ma leng’, en e dhanu ma sagu mola ma kwar ma leng’ mir Ofir.

Yeremia 13:16

Mi dwong’ ni Yehova Mungu mu, ma fok’ewodho mudho, man ma fodi tiendwu kukier ungo wi gudi mi mudho, man, kinde ma wukio der, eloke ni tipopiny mi tho, man edwoke ni mudho ma bii.

Daniel 9:4

Man a rwo ni Yehova Mungu para, man atimo lembatuca, awacu de kumae, A, Rwoth, Mungu ma dwong’ ma jang’oindiri, m’ugwoko lembariba man mer mi bero ku ju m’umare m’uworo lembang’ola pare de,

Luka 17:18

Ng’atu moko mbe ma junwang’u udwogo nimio yung ni Mungu, ndhu jakamange maeni?

Yohana 9:24

Ka kumeno gilwong’o ng’atu ma yang’ wang’e cor wang’ arionde, giwacu ire kumae, Mi yung ni Mungu: wang’eyo nia ng’atuni en e jadubo.

Jurumi 10:10

kum kud adunde dhanu yio ni bedopwe; man ku dhok lembatuca jutuco ni both.

2 Timoteo 2:25

ku ponjo ju ma piwu nge kugi ku molcwiny; kuno nyo Mungu bimio igi lokocwiny cil ku ng’eyong’ec mi lemandha,

Tito 2:2

ya co m’uti gidhir wi ava gin ceke, gibed umbe lele, gibed ku pidoic ma nger, ku yioyic m’ulil, ku mari, ku twiocwiny:

Yakobo 1:20

kum kwinyo mi dhanu timo bedopwe pa Mungu ngo.

Yocuwa 7:20

Man Akan uloko lembe ni Yocuwa, ewacu de kumae, Andha adubo ni Yehova, Mungu mir Israel, man atimo kuman kuman:

Lembanyutha 16:9

E dhanu wang’ ku lietho ma dit: man gicido nying’ Mungu m’e won tego wi masendi maeni; man giloko cwinygi ngo nimie dwong’.

1 Samwil 14:43

Saul ulund uwacu ni Yonathan kumae, Yer ira gin m’itimo. Man Yonathan uyero ire, ewacu kumae, Abilo nyathi kic andha ku dhu uluth ma ni i cinga; man, nen, ambe ngo ku tho be.

1 Samwil 6:5

Kum kumeno wubitimo ayi vur mu, man ayi uyo m’i lum mu m’unyotho ng’om; man wubimio dwong’ ni Mungu mir Israel: kuno nyo ebidwoko cinge yot kud i kumwu, man kud i kum mungu mu, man kud i kum ng’om mu.