Yocuwa 7:13 - The Holy Bible In Alur (Lur) Revised Orthography

¹³ Ai malu, dwok dhanu leng’, man iwac kumae, Wudwokru giwu leng’ mir urwo: kum Yehova, Mungu mir Israel uwacu kumae, Gin ma jukwong’o ni i kindi, E Israel; icopo cungo ngo i wang’ judegini, ma fodi wukukabu gin m’akwong’a woko ngo kud i kindwu.

Yocuwa 7:13 ပူးပေါင်းရင်းမြစ်များ

Thangambere 34:27

Wot Yakobo giwok wi ju ma junego, man giyaku adhurane, kum gicido nyameggi.

2 Lemkei 28:10

Man kawono wukeco ya wugwok nyithindho mi Yuda ku Yerusalem iwu ni ng’eca ma co ku ma mon: ento dubo ma mu giwu nuti ngo kum Yehova Mungu mu?

Matayo 7:5

In i won ambili, ilar ikab riu kud i weng’i in; e ibilund neno cu nikabu ng’iline kud i wang’ umeru.

Poi Mi Cik 13:6

Tek umeru, ma wod meru, kadi wodi, kadi nyeri, kadi dhaku m’i kori, kadi jarimbi, m’ubedo calu ng’eyong’ec peri ma dhe, ubidhi lwe lwe, ewacu kumae, Wek wacidh watim ni mungu mange, ma fodi ing’eyo ngo, in, kadi kwaru;

Yocuwa 3:5

E Yocuwa wacu ni dhanune kumae, Wudwokru giwu leng’; kum urwo Yehova bitimo gin ma wang’u ijo i kindwu.

Yocuwa 6:18

Ento wun, ndhu wugwokru giwu ni gin m’akwong’a, kara ka wukwong’e, kud wugam kum gin m’akwong’a; wumaru ketho udul mir Israel ubed akwong’a, man wusende.

Yocuwa 7:11

Israel udubo; eyo, gikadhu ku wi lembariba para m’ang’olo igi: eyo, gigamu kum gin m’akwong’a, man gikwalu bende, man gimung’o bende; e gikethe i kind jamni migi ma dhe.