Yocuwa 7:12 - The Holy Bible In Alur (Lur) Revised Orthography

¹² Ka kumeno nyithindho mir Israel ucopo cungo ngo i wang’ judegi migi; giloko ng’eigi i wang’ judegi migi, kum gidoko ju ma kwong’ ni i wigi: wabibedo wakudu kendo ngo, tek wunyotho gin m’akwong’a ngo kud i kindwu.

Yocuwa 7:12 ပူးပေါင်းရင်းမြစ်များ

Zaburi 44:10

Iketho waloko ng’eiwa ni jasend: Man ju m’udaguwa biyaku ayeki igi gigi.

Zaburi 60:10

En e in ungo, E Mungu, m’ibayuwa? Man icidho woko ngo, E Mungu, kud udul mwa.

Lembrieko 28:1

Ng’atu ma rac ringo ka ng’atu moko mbe m’urieme; Ento ng’atu ma pwe bedo ku tegocwiny pamir umvor.

Isaya 59:2

ento kier mu poko kindwu ku Mungu mu, man dubo mu panu wang’e iwu, ketho nia ebiwinjo ngo.

Yeremia 23:33

Man kinde ma dhanu maeni, kadi jabila, kadi jalam, bipenji, biwacu kumae, Ewolembe pa Yehova en e ang’o? ibilund wacu igi kumae, Ewolembe ma nedil Abibayuwu cen, Yehova wacu.

Yeremia 6:8

Winj ponji, E Yerusalem, ng’eyong’ec para maru koc kudi; amaru dwoki ni uvuru, ni ng’om ma jubedo i ie ngo.

Hoseya 9:12

Kadok gitungo nyithindhgi, ento abimayugi, ketho nia ng’atu moko mbe ma bidong’; eyo, can i wigi bende kinde m’awekogi!

Habakuk 1:13

In m’ibedo ku wang’ ma leng’ njwa ketho kud inen dubo, m’icopo neno camuco de ngo, nedi ineno wi ju m’utimo abombi, man ibedo ling’ ka jadubo mwonyo ng’atu ma pwe ma sagu en;

Kitabu Mir Ang’wende Pa Musa Wel 14:39

E Musa yero lembe maeni ni nyithindho mir Israel ceke: man dhanu giywak dit.

Kitabu Mir Ang’wende Pa Musa Wel 14:42

Kud wuidhi, kum Yehova ni i kindwu ngo; kara kud wugoiru piny i wang’ judegi mu.

Kitabu Mir Ang’wende Pa Musa Wel 14:43

Kum Jaameleki ku Jakanani ni kuca i weng’wu, man wubipodho ku palamularu: kum wulokru cen ku lubo Yehova, ka kumeno Yehova bibedo karacelo kudu ngo.

Kitabu Mir Ang’wende Pa Musa Wel 14:45

Jaameleki lund uloro piny, ku Jakanani m’ubedo wi got maeca, man gigoyogi gifodogi piny de, cil kum Horma.

Poi Mi Cik 7:26

Man kud ikel ginmajudagu i ot peri, man idok ni gin ma jukwong’o calu en: dage ma olo olo; man ikece mandha; kum en e gin ma jukwong’o.

Yocuwa 6:18

Ento wun, ndhu wugwokru giwu ni gin m’akwong’a, kara ka wukwong’e, kud wugam kum gin m’akwong’a; wumaru ketho udul mir Israel ubed akwong’a, man wusende.

Jupoklembe 16:20

Man ewacu kumae, Jufilisti ni i wii, Samson. Man eceu ku wang’ nindo pare, man ewacu kumae, Abicidho woko calu nindo mange, man abigonjra gira. Ento eng’eyo ngo nia Yehova ai kud i bang’e.

Jupoklembe 2:14

E ng’ecwiny pa Yehova opo kum Israel, man ekethogi i cing’ junyoth m’unyothogi; man eng’iewogi i cing’ judegi migi m’utiekogi gbur, ketho nia gicopo cungo kendo ngo i wang’ judegi migi.

Jupoklembe 2:4

Man etimbre, kinde ma malaika pa Yehova yero lembe maeni ni nyithindho mir Israel ceke, nia dhanune ting’o dwandgi malu, man giywak.

1 Samwil 14:38

Man Saul uwacu kumae, Wucor ceng’ni keni, wu judongo ceke mi dhanu; man wung’ei wunen ka ma dubo ni i ie i ceng’ maeni.