Yocuwa 7:11 - The Holy Bible In Alur (Lur) Revised Orthography

¹¹ Israel udubo; eyo, gikadhu ku wi lembariba para m’ang’olo igi: eyo, gigamu kum gin m’akwong’a, man gikwalu bende, man gimung’o bende; e gikethe i kind jamni migi ma dhe.

Yocuwa 7:11 ပူးပေါင်းရင်းမြစ်များ

2 Ubimo 18:12

kum giworo dwand Yehova Mungu migi ngo, ento gidubo lembariba pare, en e gin ceke ma Musa ma jatic pa Yehova ng’olo, man gikwero winje, kadi time de.

2 Ubimo 5:24

E kan etundo ba got, egamugi kud i cing’gi, man ekethogi i ot; e eweko dhanu cidho, man gidok.

Isaya 24:5

Ng’om bende cido the ju m’ubedo i ie; kum gikadhu ku wi cik, gidubo lembang’ola, gituro lembariba mi nja.

Yeremia 31:32

calku lembariba m’atimo ku kwarugi ngo i ceng’ m’agamugi ie ku cing’ kara awodhgi woko kud i ng’om Misiri; ma lembaribane gituro, kadok an a nico migi, Yehova wacu.

Hoseya 6:7

Ento gin gituro lembariba calu Adamu: gitimo kud awondi i kuma kuca.

Lembe Mi Julawi 5:15

Tek ng’atu moko kadhu ku wi cik, man edubo aka ngo, kum gin ma leng’ pa Yehova; ebilund kelo lam pare mi kadhukuwicik ni Yehova, en e nyog rombo ma mulima mbe i kume ku kind udul rombe, calku kwanuwel peri mi mola ma tar ku cekel, calku cekel mi kamaleng’, ni lam mi kadhukuwicik:

Habakuk 2:6

Maeni ceke gibiting’o lembabola i kume ngo, man agore ma ton i ijo i kume, man gibiwacu kumae, Can i wi ng’atu m’unyayu gin ma pare ngo! rokani? man m’uketho ter mi mukwatu i wie!

Zekaria 5:4

Abiketho ecidho woko, Yehova mir udul uwacu, man ebimondo i ot pa jakwo, man i ot pa ng’atu m’ukwong’o ku nyinga ku ndra; man ebibedo i die ot pare, man ebiwang’e ku yende man kidine de.

Matayo 22:21

Giwacu ire kumae, Pa Kaisari. Elund ewacu igi kumae, Ka kumeno wumi ni Kaisari gin pa Kaisari; ni Mungu de gin ma pa Mungu.

Tic Mi Jukwenda 5:9

Ento Petro wacu ire kumae, Wugewuripo lembe ya wumul ko Tipo Rwoth nedi? nen, tiend ju m’uyiko cweri gi ni dhugola, man gibiteri woko.

Poi Mi Cik 17:2

Tek junwang’u nico kadi dhaku i kindi, yor i dhugang’ peri moko ma Yehova Mungu peri mio iri, m’utimo gin ma rac i wang’ Yehova Mungu peri, ku kadhu wi lembariba pare,

Juebrania 4:13

Man giracwia pa Mungu mbe ma kunyuthre ngo i wang’e: endre gin ceke gi muneru man gibedo ayaba ngbeng’ i wang’ ng’atu ma wabedo ku lembe wakugi.

Yocuwa 23:16

Ka wukadhu ku wi lembariba pa Yehova Mungu mu, m’eng’olo iwu, man wucidho wutimo ni mungu mange, man wurum giwu i bang’gi; e kwinyo pa Yehova bilund opo i kumwu, man wubinyothru pio kud i ng’om ma ber m’emio iwu.

Yocuwa 7:1

Ento nyithindho mir Israel gikier i gin m’akwong’a; kum Akan, ma wod Karmi, ma wod Zabdi, ma wod Zera, mi suru pa Yuda, gamu kum gin m’akwong’a: man ng’ecwiny pa Yehova opo kum nyithindho mir Israel.

Yocuwa 7:10

Man Yehova wacu ni Yocuwa kumae, Ai malu; pirang’o ipodho kumeno arieba weng’i?

Jupoklembe 2:20

E ng’ecwiny pa Yehova opo kum Israel; man ewacu kumae, Kum thek maeni turo lembariba para m’ang’olo ni kwarugi, man giwinjo dwanda ngo;

1 Samwil 14:38

Man Saul uwacu kumae, Wucor ceng’ni keni, wu judongo ceke mi dhanu; man wung’ei wunen ka ma dubo ni i ie i ceng’ maeni.