Yocuwa 6:6 - The Holy Bible In Alur (Lur) Revised Orthography

⁶ E Yocuwa ma wod Nun ulwong’o julam, man ewacu igi kumae, Wuting’ sanduk mi lembariba, man dong’ julam abiro giting’ agwara abiro mi tung rombe gitel ko yo i wang’ sanduk pa Yehova.

Yocuwa 6:6 ပူးပေါင်းရင်းမြစ်များ

Ai 25:14

Man iroi yende i wend sanduk i ng’ete, ma juyei ko sandukne.

Tic Mi Jukwenda 9:1

Ento Saul, ma fodi ubewodho cim man nek kum julub Rwoth, ecidho ba jalam ma dit,

Yocuwa 24:11

E wucidho loka Yordan; man wuwok kum Yeriko; man dhanu m’i Yeriko gikiedo kudu, gi Jaamori, man Japerizi, ku Jakanani, man Jahiti, ku Jagirgaci, man Jahivi, man Jayebusi; man amiogi i cingwu.

Yocuwa 3:3

man ging’olo ni dhanu, giwacu kumae, Kinde ma wuneno sanduk mi lembariba pa Yehova Mungu mu, man julam ku Julawi m’uyeye, wubilund ai ku ka ma wubedo i ie, man wubilubo toke.

Yocuwa 3:6

E Yocuwa yero ni julam, ewacu kumae, Wuting’ sanduk mi lembariba, man wukadh lokaca i wang’ dhanu. E giting’o sanduk mi lembariba, man gitelo yo i wang’ dhanune.

Yocuwa 6:13

Man julam abiro giting’o agwara abiro mi tung rombe gitelo ko yo i wang’ sanduk pa Yehova gicikucidho, e giwotho ku kudho agwara: e ju ma weg jamtho gitelo yo i wang’gi; man ju m’udong’ cen gilubo ng’ei sanduk pa Yehova, ma julam ke wotho ku kudho agwara.

Yocuwa 6:5

Man ebibedo, nia, ka gikudho tung rombo hai, man ka wuwinjo, bang’ agwara, dhanu ceke bikok ku dwal ma dit; e gang’kidi mir adhurane birwombre kpe i ng’om, man dhanu biidho malu kubang’gi kubang’gi ng’atuman atira i wang’e.

Yocuwa 6:7

E giwacu ni dhanu kumae, Wukadh, man wutiek adhura, man dong’ weg jamtho gitel yo i wang’ sanduk pa Yehova.

Yocuwa 6:8

Man etimbre kumeno, nia, kinde ma Yocuwa daru yero ni dhanu, julam abiro m’uting’o agwara abiro mi tung rombe i wang’ Yehova gikadhu, man gikudho agwara: e sanduk mi lembariba pa Yehova lubo ng’eigi.

1 Samwil 4:3

Man kinde ma dhanu bino i kagonjo, judongo mir Israel uwacu kumae, Nedi Yehova goyowa tin i wang’ Jufilisti? Dong’ wagemu sanduk mi lembariba pa Yehova kud i Cilo i bang’wa, kara ebin i kindwa, man elarwa kud i cing’ judegi mwa.