Yocuwa 6:5 - The Holy Bible In Alur (Lur) Revised Orthography

⁵ Man ebibedo, nia, ka gikudho tung rombo hai, man ka wuwinjo, bang’ agwara, dhanu ceke bikok ku dwal ma dit; e gang’kidi mir adhurane birwombre kpe i ng’om, man dhanu biidho malu kubang’gi kubang’gi ng’atuman atira i wang’e.

Yocuwa 6:5 ပူးပေါင်းရင်းမြစ်များ

Ai 19:19

E kinde ma dwal mir agwara doko dit man esagre, Musa yero, man Mungu loko ire lembe ku dwal.

Isaya 25:12

Man ebirwombo ot ma tek mi gang’kidi peri piny, apedha piny, aredha de i ng’om, cil i utur.

Isaya 30:25

Man kulo ku kulo mi pi bibedo nuti wi gudi ma wiu kubang’e kubang’e, man wi ungulu gudi ma wiu kubang’e kubang’e, i ceng’ mi nek ma dit, kinde ma odkur upodho.

Yeremia 50:15

Wukok i kume gbur: ejwigre gire; odkur pare podho, juredho gang’kidi pare piny; kum en e culokwor pa Yehova: wucul kwor i kume; calu etimo, e wutim i kume kumeca.

Juebrania 11:30

Ni kum yioyic gang’ mi Yeriko urwombre, yo ng’ei lwor ma gilwore ko ceng’ abiro.

Yocuwa 6:16

Man etimbre i wang’ mir abirone, ka julam gikudho agwara, Yocuwa wacu ni dhanu kumae, Wuwoi; kum Yehova mio adhurane iwu.

Yocuwa 6:20

Kum kumeno dhanu giwoi, man julam gikudho agwara: e etimbre, ka dhanu giwinjo bang’ agwara, nia dhanu giwoi ku dwal ma dit, e gang’kidi podho kpe i ng’om, ketho nia dhanu giidho malu i adhura, ku ba dhanu ku ba dhanu ng’atuman atira i wang’e, e gimaku adhurane.

Yocuwa 6:4

Man julam abiro biting’o agwara abiro mi tung rombe i wang’ sanduk: e i ceng’ mir abirone wubitieko adhurane wang’ abiro, e julam gibikudho agwara.

Yocuwa 6:6

E Yocuwa ma wod Nun ulwong’o julam, man ewacu igi kumae, Wuting’ sanduk mi lembariba, man dong’ julam abiro giting’ agwara abiro mi tung rombe gitel ko yo i wang’ sanduk pa Yehova.

Jupoklembe 20:37

E weg adhi gitimo pio, man gicori i wi Gibeya; man weg adhi giywairi gigi, man gigoyo adhura ceke ku lak palamularu.

1 Samwil 17:20

E Daudi ai pir kugweno, man eweko rombe dong’ ku jakwac, man eting’o, ecidho de, calu Yese ng’olo ire; man etundo i ka ma magali ni ie, kinde ma udul asikari m’ubecidho nikiedo uwoi mir ali.

1 Samwil 17:52

E dhanu mir Israel ku pa Yuda de, giai malu, man giwoi, man gilubo tok Jufilisti, cil m’ibino ko ba Gai, man ba dhugang’ mir Ekron. Man Jufilisti ma jutong’o lero i kumgi gipodho piny dhu yo ma cidho Caraim, cu kum Gath, man kum Ekron.

1 Samwil 4:5

Man kinde ma sanduk mi lembariba pa Yehova ubino i kagonjo, Israel ceke giwoi ku woi ma dit, ketho nia ng’om umor kendo.