Yocuwa 6:4 - The Holy Bible In Alur (Lur) Revised Orthography

⁴ Man julam abiro biting’o agwara abiro mi tung rombe i wang’ sanduk: e i ceng’ mir abirone wubitieko adhurane wang’ abiro, e julam gibikudho agwara.

Yocuwa 6:4 ပူးပေါင်းရင်းမြစ်များ

Thangambere 2:3

Man Mungu mio mugisa wi ceng’ mir abirone, man edwoke leng’; kum eyom i ie ni tic pare ceke ma Mungu cwio man etimo.

1 Ubimo 18:43

E ewacu ni jatic pare kumae, idh malu kawono, nen yo ba nam. Man eidho malu, eneno de, e ewacu kumae, Gin moko mbe. Man ewacu kumae, Cidh kendo wang’ abiro.

2 Ubimo 5:10

E Elica uoro jakwenda i bang’e, ewacu kumae, Cidh ilog i Yordan wang’ abiro, e ring’kumi bidwogo kendo i beng’i, man ibibedo leng’.

2 Ubimo 5:14

Elund eloro piny, man erony gire wang’ abiro i Yordan, calku lembe ma dhanu pa Mungu wacu; man ring’kume dwogo kendo calu ring’kum nyathin ma nok e ebedo leng’.

2 Lemkei 13:12

Man, nen, Mungu ni kudwa i wiwa, man julam pare kud agwara mir atwong’a kara uywak mir atwong’a i kumwu. E nyithindho mir Israel, kud wukied kum Yehova, Mungu pa kwaruwu; kum lembe mu bibedo miero ngo.

2 Lemkei 20:17

Can kiedo i lwiny maeni binegowu ngo: wuther giwu, wucung ling’, man wunen both pa Yehova ma ni kudwu, E Yuda ku Yerusalem; lworo kud unegwu: kadi cwinywu de kud ung’abre: urwo wucidh i kumgi; kum Yehova ni kudwu.

2 Lemkei 20:19

Man Julawi, mi nyithindho mi Jukohathi, man mi nyithindho mi Jukorahi, gicungo kara gipak Yehova, Mungu mir Israel, ku dwal ma tek apila.

2 Lemkei 20:21

Man kinde m’egamu porolembe ku dhanu, eketho ju ma gibiwer ni Yehova, man ma bimio pak i bero mi leng’, ka gicidho woko i wang’ njuru asikari, man gibiwacu kumae, Wumi foc ni Yehova; kum mer mi bero pare bedo mi nja.

Kitabu Pa Yob 42:8

Ka kumeno kawono, wugam thwoni dhiang’ abiro iwu man nyogi rombe abiro, man wucidh ba jatic para ma Yob, man wuthier lam m’awang’a piwu giwu; man jatic para ma Yob bikwayu piwu; kum abiyio en, kara kud atim i kumwu calku kasegu mu; kum wuyero pira gin m’atira ngo, calu jatic para ma Yob uyero.

Isaya 27:13

Man ebitimbre i ceng’ maeca, nia jubikudho agwara ma dit; e’gibibino ma gi ceng’ni rwinyo i ng’om mir Ascur, ku ju ma juriemo i ng’om mi Misiri; e gibirwo ni Yehova wi got ma leng’ i Yerusalem.

Lembe Mi Julawi 14:16

man jalam bilutho lwete ma yor acwic i mo ma ni i cinge ma yor acam, man ebikiro kum moje ku lwete wang’ abiro i wang’ Yehova.

Lembe Mi Julawi 4:6

man jalam biroyo lwete i rimo, man ebikiro kum rimone wang’ abiro i wang’ Yehova, i wang’ kusikabongu mi kamaleng’.

Zekaria 4:2

Man ewacu ira kumae, Ineno ang’o? Man awacu kumae, Aneno, man, nen, thethala mi mola ma kwar kwa, ku tabune i wie, ku thalane abiro i wie; man wendthalane abiro kubang’gi nzu, ma gini i wie;

Zekaria 4:6

Elund eloko lembe ewacu ira, ewacu kumae, Maeni lembe pa Yehova ni Zerubabel, kumae, Ku kero ngo, kadi ku tego de ngo, ento ku Tipona, Yehova mir udul uwacu.

Kitabu Mir Ang’wende Pa Musa Wel 23:1

E Balam uwacu ni Balak kumae, Gur ira pemblam abiro keni, man iyik ira thwoni dhiang’ abiro keni ku nyogi rombe abiro.

Yocuwa 6:13

Man julam abiro giting’o agwara abiro mi tung rombe gitelo ko yo i wang’ sanduk pa Yehova gicikucidho, e giwotho ku kudho agwara: e ju ma weg jamtho gitelo yo i wang’gi; man ju m’udong’ cen gilubo ng’ei sanduk pa Yehova, ma julam ke wotho ku kudho agwara.

Yocuwa 6:3

E wubitieko adhurane, dhanu ceke mir ali, wubitieko adhurane wang’ acel. Ibitimo kumeni ceng’ abusiel.

Yocuwa 6:5

Man ebibedo, nia, ka gikudho tung rombo hai, man ka wuwinjo, bang’ agwara, dhanu ceke bikok ku dwal ma dit; e gang’kidi mir adhurane birwombre kpe i ng’om, man dhanu biidho malu kubang’gi kubang’gi ng’atuman atira i wang’e.

Lembanyutha 1:20

giramung’a mi cero abiro m’ineno i cinga ma yor acwic, man mi thethala abiro mi mola ma kwar. Cero abirone gi malaika mi kanisa abiro: man thethala abirone gi kanisa abiro.

Lembanyutha 1:4

Yohana ni kanisa abiro ma tic i Asia: Bero iwu man kwiocwiny, m’uai ba ng’atu ma tic ma yang’ de etie m’ebibino de: m’uai de ba Tipo abiro ma gini nyim komker pare;

Lembanyutha 10:3

man ekok ku dwal ma dit, calu umvor m’ubeywak: man kan ekok, e morpolo abiro weco ku dwandgi.

Lembanyutha 15:1

Man aneno giranyutha mange i polo, ma dit ku ma wang’u ijo, malaika abiro ma weg masendi abiro, m’udong’ cen, kum i igi kwinyo pa Mungu thum.

Lembanyutha 15:7

Man ng’atu acel ma kind yedi ang’wen ma kwo umio ni malaika abiro tabu abiro mi mola ma kwar ma kwinyo pa Mungu pong’ i igi, en m’e kwo rondo ku rondo.

Lembanyutha 16:1

Man awinjo dwal ma dit uai kud i hekalu, uweco ni malaika abiro kumae, Wucidhi, wukonj tabu abiro mi kwinyo pa Mungu i ng’om.

Lembanyutha 5:1

Man aneno kitabu, ma jugoro ie ku yor i ng’eye de, m’emwondre ki kud ayi abiro, i cing’ ng’atu m’ujany wi komker ca ma yor acwic.

Lembanyutha 5:6

Man aneno Nyathi Rombo i kind komker man i kind yedi ma kwo ang’wen, man i kind judongo, ecungo, calu ma tek juthume, ma tunge abiro, wang’e de abiro ma gi Tipo abiro pa Mungu, ma juoro i ng’om yu.

Lembanyutha 8:2

Man aneno malaika abiro m’ucungo wang’ Mungu; man jumio igi agwara abiro.

Lembanyutha 8:6

Man malaika abiro ma weg agwara giyikri gigi mi kudho agwara.