Yocuwa 6:2 - The Holy Bible In Alur (Lur) Revised Orthography

² E Yehova wacu ni Yocuwa kumae, Nen, aketho Yeriko i cingi, kud ubimone de, ku dhanu ma tek ma jurukara.

Yocuwa 6:2 ပူးပေါင်းရင်းမြစ်များ

2 Samwil 5:19

Man Daudi penjo ba Yehova, ewacu kumae, Abiidho malu kum Jufilisti? ibimiogi i cinga? E Yehova wacu ni Daudi kumae, Idh malu; kum abimio Jufilisti i cingi andha.

Nehemia 9:24

Ka kumeno nyithindho gimondo man gimwonyo ng’ombe, e isagu dhanu m’ubedo i ng’om, en e Jukanani, i wang’gi, man imiogi i cing’gi, kud ubimo migi, ku kodhidhanu m’i ng’ombe, kara gitim calu giyenyo i kumgi.

Daniel 2:21

Man eloko nindo ku oro; ekabu ju m’ubimo, man eketho ju m’ubimo; emio rieko ni jurieko, man ng’eyong’ec ni ju ma ng’eyothelembe ni kugi;

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 4:17

Lembapoka en e ni kum cik mi jukur, man lembakwaya en e ni kum lembe mi ju ma leng’; kara ju m’ubedo kwo ging’ei nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo, man eketho i wie ng’atu ma kite mbe i kind dhanu.

Daniel 4:35

man dhanu ceke m’ubedo wi ng’om jukwanugi calu gin moko ngo; man etimo calu ie yenyo i udul m’i polo, man kind ju m’ubedo i ng’om; man ng’atu moko mbe ma copo cero cinge, kadi ma wacu ire kumae, Itimo ang’o?

Daniel 5:18

E in ubimo, Mungu ma Malu Ngbir umio ker ni Nebukadnezar ma wuru man yung ku lonyo man dwong’;

Poi Mi Cik 7:24

Man ebimio ubimo migi i cingi, e ibiketho nying’gi rwinyo ku the polo: ng’atu moko mbe ma bicopo cungo i weng’i, cil m’inyotho kogi.

Yocuwa 12:9

ubimo mi Yeriko, acel; ubimo mir Ai, ma i ng’et Beth-el, acel;

Yocuwa 2:24

Man giwacu ni Yocuwa kumae, Andha Yehova mio ng’ombe ceke i cingwa; mange ke dhanu ceke m’i ng’ombe ging’oi i wang’wa.

Yocuwa 2:9

man ewacu ni dhanune kumae, Ang’eyo nia Yehova mio ng’ombuni iwu, man nia lworo mu podho i wiwa, man nia dhanu ceke m’i ng’ombuni ging’oi i weng’wu.

Yocuwa 20:1

Man Yehova yero ni Yocuwa, ewacu kumae,

Yocuwa 6:1

Nwang’u adhura Yeriko twire ndhu ni kum nyithindho mir Israel: ng’atu moko mbe m’uwok woko, ng’atu moko mbe de m’umondo i ie.

Yocuwa 6:3

E wubitieko adhurane, dhanu ceke mir ali, wubitieko adhurane wang’ acel. Ibitimo kumeni ceng’ abusiel.

Yocuwa 8:1

Man Yehova wacu ni Yocuwa kumae, Kud ilwor, kadi cwinyi de kud ung’ abre: gam dhanu ceke mir ali karacelo kudi, man wuai, wuidh malu ba Ai; nen, amio ubimo mi Ai i cingi, ku dhanu pare, man adhura pare, ku ng’om pare;

Jupoklembe 11:21

Man Yehova, Mungu mir Israel, uketho Sihon, ku dhanu pare ceke i cing’ Israel, e gigoyogi: kum kumeno Israel umwonyo ng’om ceke mi Juamori, gi ju m’ubedo i ng’om maeno.

Jupoklembe 11:24

Ibicamu maeno ngo ma Kemoc ma mungu peri mio iri icami? Kum kumeno ng’atu ma Yehova Mungu mwa kabu piny pare woko kud i bang’e i wang’wa, maeno wabicamu.