Yocuwa 6:1 - The Holy Bible In Alur (Lur) Revised Orthography

¹ Nwang’u adhura Yeriko twire ndhu ni kum nyithindho mir Israel: ng’atu moko mbe m’uwok woko, ng’atu moko mbe de m’umondo i ie.

Yocuwa 6:1 ပူးပေါင်းရင်းမြစ်များ

2 Samwil 10:5

Man ka giyero maeni ni Daudi eoro kwenda uromb kugi; kum lewic unego dhanune dit. Man Daudi wacu kumae, Wubed i Yeriko maram tikwu wob ko, e ka wudwogi.

2 Ubimo 17:4

Man ubimo mir Ascur unwang’u porolembe ma rac i Hoceya; kum eoro jukwenda ba So m’ubimo mi Misiri, man ethiero ajok ungo ni ubimo mir Ascur, calu naka ebedetimo ku ba rundi ku ba rundi: ka kumeno ubimo mir Ascur uciko bang’e, man etwie i odkol.

2 Ubimo 2:4

Man Elia wacu ire kumae, Elica, akwei, dong’ keni; kum Yehova ora ba Yeriko. Man ewacu kumae, Calu Yehova bedo kwo, man calu ng’eyong’ec peri bedo kwo, abiweki ngo. Kum kumeno gibino Yeriko.

Zaburi 127:1

Tek Yehova kugomo ot ungo, Nwang’u ju m’ugome gimuli ku tic mananu: Tek Yehova kugwoko adhura ngo, Nwang’u jakur kuro mananu.

Yocuwa 16:7

man eloro ku i Yanoa cil kum Ataroth, man kum Nara, man etundo kum Yeriko, man ejik i Yordan.

Yocuwa 18:21

Nie adhura mi suru mi nyithindho pa Benyamin calku wat migi en e Yeriko, man Beth-hogla, man Emek-keziz,

Yocuwa 2:1

Man Yocuwa ma wod Nun uoro dhanu ario kud i Citim ling’ ni julib, ewacu kumae, Wucidhi, wunen ng’ombe, ku Yeriko. Man gicidho, e gimondo i ot pa won asara ma nyinge Rahab, man givuto keca.

Yocuwa 2:24

Man giwacu ni Yocuwa kumae, Andha Yehova mio ng’ombe ceke i cingwa; mange ke dhanu ceke m’i ng’ombe ging’oi i wang’wa.

Yocuwa 2:7

E dhanu gilubo tokgi yo ba Yordan cil i ka ma jukadhu ku tielo: e kinde ma ju m’ulubo tokgi giai, giciko dhugang’.

Yocuwa 5:15

E jaditmawijo mir udul pa Yehova wacu ni Yocuwa kumae, Wodh wara peri kud i tiendi; kum ka m’icungo i ie e leng’. E Yocuwa timo kumeca.

Yocuwa 6:2

E Yehova wacu ni Yocuwa kumae, Nen, aketho Yeriko i cingi, kud ubimone de, ku dhanu ma tek ma jurukara.