Yocuwa 5:6 - The Holy Bible In Alur (Lur) Revised Orthography

⁶ Kum nyithindho mir Israel giwotho rundi pier ang’wen i yamba, rama thek dho, ma gi dhanu mir ali m’uai i Misiri, ginyothri ko, kum giwinjo dwand Yehova ngo: ma Yehova kwong’o igi nia ebiweko ngo ginen ng’om ma Yehova kwong’o ni kwarugi ya ebimio iwa, ng’om ma molo cak ku kic.

Yocuwa 5:6 ပူးပေါင်းရင်းမြစ်များ

Zaburi 107:4

Giwotho i langa i yoj ng’om ngele; Ginwang’u adhura moko ngo mi bedo.

Ai 3:17

man awacu kumae, Abiwodhowu woko kud i masendi mi Misiri man abiterowu i ng’om pa Jakanani, man Jahiti, ku Jaamori, ku Japerizi, man Jahivi, ku Jayebusi, i ng’om ma molo cak ku kic.

Ai 3:8

man aloro piny kara alargi kud i cing’ Jumisiri, man kara awodhgi woko kud i ng’om maeno atergi i ng’om ma ber ma lac de, ba ng’om ma molo cak ku kic; i ka Jakanani, man Jahiti, man Jaamori, man Japerizi, man Jahivi, ku Jayebusi.

Yeremia 2:2

Cidhi, man ikok i ith Yerusalem, iwac kumae, Yehova wacu kumae, Apoi piri kum bero mir aradu peri, kum mer mi gambri peri; maram ilubo ko toka i langa, i ng’om ma jucoyo ngo.

Ezekiel 20:15

Mange ke akwong’o igi i langa bende, nia abikelogi i ng’om m’amio igi ngo, ma molo cak ku kic, ma en e dwong’ mi ng’om ceke;

Ezekiel 20:6

i nindo maeca akwong’o igi, ya akelgi woko kud i ng’om Misiri i ng’om m’ayenyo igi, ma molo cak man kic, ma en e dwong’ mi ng’om ceke.

Yoel 3:18

Man ebitimbre i ceng’ maeca, nia gudi bitono pigulok ma lim lim, man ungulu gudi bimolo cak man kulo ceke mi Yuda bimolo pi; man kulo mi pi bidhenjre kud i ot pa Yehova, man ebidwoko poga mi Citim ng’ic.

Kitabu Mir Ang’wende Pa Musa Wel 14:23

andha gibineno ng’om m’akwong’o ni kwarugi ngo, kadok jumoko m’i kindgi de mbe m’ucaya ma gibinene:

Kitabu Mir Ang’wende Pa Musa Wel 26:63

Maeni gi ju ma Musa giku Eleazar ma jalam gikwanu, ma gikwanu nyithindho mir Israel i poga mi Moab dhu Yordan ba Yeriko.

Poi Mi Cik 1:3

Man etimbre i rundi pier ang’wende, i dwi apar wi acende, i ceng’ ma kwong’ane mi dwije, nia Musa yero ni nyithindho mir Israel, calku gin ceke ma Yehova mio ire ku lembang’ola igi;

Poi Mi Cik 2:14

E nindo ma waai i ie ku i Kadec-barnea, maram wakadhu ko kulo Zered, en e rundi pier adek wi abora: cil ma dhanum’utuk ceke mi dhanu mir ali nyothri ko kud i die gonjo, calu Yehova ng’olo igi.

Poi Mi Cik 2:7

Kum Yehova Mungu peri mio mugisa iri i tic ceke mi cingi; eng’eyo woth peri kud i langa maeni ma dit: rundi pier ang’wen maeni Yehova Mungu peri bedo kudi: gin moko mbe m’urem iri.

Poi Mi Cik 8:4

Kendi peri ti ngo i kumi, kadok tiendi de kwot ungo, rundi pier ang’wen maeni.

Juebrania 3:11

Calu akwong’o i kwinyo para kumae, Gibimondo i yom para ngo.

Yocuwa 1:6

Bed tek man ku tegocwiny ma ber; kum ibiketho dhanu maeni gicam pacu mi ng’om m’akwong’o ni kwaru gi nia abimio igi.

Yocuwa 24:7

E kinde ma gilwong’o Yehova, eketho mudho i kindwu wuku Jumisiri, man ekelo nam i wigi, e eumogi; man weng’wu neno gin m’atimo i Misiri: e wubedo i yamba ceng’ dupa.

Yocuwa 5:5

Kum dhanu ceke ma giai nwang’u jutimo yaa i kumgi; ento dhanu ceke ma junyolo i yo i yamba ka giai kud i Misiri, e jutimo yaa ngo i kumgi.

Yocuwa 5:7

Man nyithindhgi, m’eting’o malu kakagi, e ma Yocuwa timo yaa i kumgi: kum fodi jutimo yaa i kumgi ngo, kum gitimo yaa i kumgi ngo i yo.