Yocuwa 5:1 - The Holy Bible In Alur (Lur) Revised Orthography

¹ Man etimbre, kinde m’ubimo ceke mi Juamori, ma gini loka Yordan yo reto, kud ubimo ceke mi Jukanani, ma gini dhu nam, giwinjo maram Yehova dwono ko pi mi Yordan kud i wang’ nyithindho mir Israel, maram wakadhu ko lokaca, nia adundegi ng’oi ndiri, kadok cwinygi de mbe i igi kendo, kum nyithindho mir Israel.

Yocuwa 5:1 ပူးပေါင်းရင်းမြစ်များ

Thangambere 12:6

Man Abram ukadhu kud i ng’om cil kum ka mi Cekem, utundo kum bongu mi More. Man Jakanani ni i ng’om i nindo maeca.

Thangambere 48:22

Man ke amio iri makapiny acel ma sagu utumeru, m’akabu kud i cing’ Juamori ku palamularu para man kud atum para.

2 Samwil 21:2

Man ubimo Lwong’o Jugibeoni, e ewacu igi (nwang’u Jugibeoni gi kind nyithindho mir Israel ungo, ento mi dong’ Juamori; man nyithindho mir Israel gikwong’o igi: man Saul uponjo negogi, kum ngiri pare ma pi nyithindho mir Israel ku Yuda);

1 Ubimo 10:5

man cemo mi mesa pare, ku bedo mi jutic pare, man kur mi jutim pare, ku kendi migi, man juyei kikombe pare, ku lam m’awang’a pare m’ethiero i ot pa Yehova; tipo moko mbe kendo i ie.

Ezra 9:1

Nie ka maeni timbre, judongomawijo eoro ceng’ni an, giwacu kumae, Dhanu mir Israel, ku julam man Julawi, gikoiri gigi ni kodhidhanu m’i ng’om ungo, ma gitimo ko calku ginmajudagu migi, cil mi Jukanani, ku Juhiti, ku Juperizi, ku Juyebusi, ku Juamoni, ku Jumoabi, ku Jumisiri, man Juamori.

Zaburi 135:11

Sihon m’ubimo mi Juamori, Man Og m’ubimo mi Bacan, Man ker ceke mi Kanan,

Ai 23:28

Man abioro pino i weng’i, ma biriemo Jahivi woko, ku Jakanani, man Jahiti, kud i weng’i.

Isaya 41:5

Cula neno, man lworo negogi; tung’ ng’om uyengre; gicoro ceng’ni, man gibino.

Ezekiel 16:3

man iwac kumae, Rwoth Yehova wacu kumae ni Yerusalem; Thekri peri man nyol peri en e mi ng’om pa Jakanani; Jaamori en e wuru, man meru en e Nyahiti.

Ezekiel 21:7

Man ebibedo, kinde ma giwacu iri kumae, Pirang’o igamu cwinyi? nia ibiwacu kumae, Kum rwonglembe, kum ebino; man cwinygi bing’oi kubang’gi kubang’gi, man cing’ ceke bidoko ng’ic, man tipo ceke kubang’e kubang’e bivoc, man cong ceke bibedo ng’ic calu pi: nen, ebino, man ebitimbre, Rwoth Yehova wacu.

Daniel 5:6

Wang’ ubimo lund ulokre i ie, man pidoic pare ng’abre; man ujonj piere lokni, man conge goire ku wadi.

Amos 2:9

Ento anyotho Jaamori i wang’gi, ma kaborne calu kabor mi musonge, man e tek calu bongu; ento anyotho nyinge ku malu, man ulage ku piny.

Kitabu Mir Ang’wende Pa Musa Wel 13:29

Amalek ubedo i ng’om ma yor ariwa ma piny: man Jahiti, ku Jayebusi, man Jaamori, gibedo i ng’om gudi; man Jakanani bedo ceng’ni dhu nam, man i ng’et Yordan.

Yocuwa 17:12

Ento nyithindho pa Manase gicopo riemo dhanu mir adhura maeno woko ngo; ento Jukanani giceri i ng’om maeno.

Yocuwa 17:18

ento ng’om gudi bibedo peri; kum kadok en e luli, ibitong’e piny, man kawokne bibedo peri; kum ibiriemo Jukanani woko, kadok gi weg magali mi nyunyu, man kadok gi tek de.

Yocuwa 24:15

E tek ebedo rac iwu ya wutim ni Yehova, wufoi tinuni ng’atu ma wubitimo ire; tek ni mungu ma kwaruwu timo igi loka Kulo, kadi ni mungu mi Juamori, ma wubedo i ng’om migi: ento an ku ot para, wabitimo ni Yehova.

Yocuwa 3:16

nia pi m’uai malu loro piny ucungo, man edongo ni thuthu acel, ku bor cen, bang’ Adam, adhura ma i ng’et Zarethan; man maeni m’uloro piny yo ba nam mir Araba, en e Nam Kadu, ung’ol woko ceke: e dhanune kadhu ndhu kum Yeriko.

Yocuwa 3:17

E julam m’uyeyo sanduk mi lembariba pa Yehova gicungo ki wi ng’om m’uthwo i die Yordan; e Israel ceke kadhu lokaca ku wi ng’om m’uthwo, cil ma thek dho kadhu Yordan ceke.

Lembanyutha 18:10

ma gicungo ko ku bor ni lworo mi ndiba pare, ma giwacu ko kumae, Can, can, adhura ma dwong’, Babeli, adhura ma tek! kum i saa acel pokolembe peri wok.

Jupoklembe 1:1

Man etimbre yo ng’ei tho pa Yocuwa, nia nyithindho mir Israel gipenjo ba Yehova, giwacu kumae, Ng’a ma bilar idho malu piwa kum Jukanani, nikiedo kugi?

Jupoklembe 11:23

Kum kumeno kawono Yehova, Mungu mir Israel, ekabu Juamori woko ku ba piny migi i wang’ dhanu pare Israel, man maku in icam pinje?

Jupoklembe 3:3

thekne gi eni, rwodhi abic mi Jufilisti, ku Jukanani ceke, ku Jusidoni, ku Juhivi m’ubedo i got Lebanon, ugambre kum got Balhermon cil kum kamondo mi Hamath.

Jupoklembe 4:2

Man Yehova ng’iewogi i cing’ Yabin m’ubimo mi Kanan, m’ucamu ker i Hazor; ma jatel wi udul pare en e Sisera, m’ubedo i Haroceth mi Thekdhanumange.

1 Samwil 25:37

Man etimbre kugweno, kinde ma pigulok uthum i kum Nabal, nia dhaku pare yero ire lembe maeni, e adundene tho yor i ie, man edoko calu kidi.