Yocuwa 4:11 - The Holy Bible In Alur (Lur) Revised Orthography

¹¹ Man etimbre, kinde ma dhanu ceke kadhu kpo lokaca nia sanduk pa Yehova de kadhu lokaca, ku julam, i vut dhanune.

Yocuwa 4:11 ပူးပေါင်းရင်းမြစ်များ

Isaya 52:12

Kum wubiwok woko ku ng’wec ungo, kadok aringa de wubicidho ngo: kum Yehova bicidho i weng’wu; man Mungu mir Israel bibedo ni jamgwok i ng’eiwu.

Yocuwa 24:11

E wucidho loka Yordan; man wuwok kum Yeriko; man dhanu m’i Yeriko gikiedo kudu, gi Jaamori, man Japerizi, ku Jakanani, man Jahiti, ku Jagirgaci, man Jahivi, man Jayebusi; man amiogi i cingwu.

Yocuwa 3:17

E julam m’uyeyo sanduk mi lembariba pa Yehova gicungo ki wi ng’om m’uthwo i die Yordan; e Israel ceke kadhu lokaca ku wi ng’om m’uthwo, cil ma thek dho kadhu Yordan ceke.

Yocuwa 3:8

E ibing’olo ni julam m’uyeyo sanduk mi lembariba, ibiwacu kumae, Ka wuwok dhu pi mi Yordan, wubicungo ti i Yordan.

Yocuwa 4:10

Kum julam m’uyeyo sanduk ucungo i die Yordan, cil ma gin ceke ma Yehova ng’olo ni Yocuwa ya eyer ni dhanu thum ko, calku gin ceke ma Musa ng’olo ni Yocuwa: e dhanune giruiri e gikadhu lokaca.

Yocuwa 4:12

E nyithindho pa Ruben man nyithindho pa Gad, ku ng’et suru pa Manase, gikadhu lokaca ma jamtho ni i kumgi i wang’ nyithindho mir Israel calu Musa yero igi:

Yocuwa 4:18

Man etimbre, kinde ma julam m’uyeyo sanduk mi lembariba pa Yehova ai kud i Yordan, man die tiend julam utingre malu wi ng’om m’uthwo, nia pi mi Yordan udok kakare, man epong’ ekadhu kieune ceke, calu ma naka.