Yocuwa 3:4 - The Holy Bible In Alur (Lur) Revised Orthography

⁴ Ento kindwu biliero kude, calu bot rubanga ario ku por: kud wubin ceng’ni i kume, kara wung’ei yo ma wubiwotho i ie; kum naka fodi wukadhu kud i yo maeni ngo.

Yocuwa 3:4 ပူးပေါင်းရင်းမြစ်များ

Thangambere 31:2

Man Yakobo neno wang’ Laban, man, nen, eni yor i bang’e ngo calu ma naka.

I Lemkei 11:2

I nindo m’ukadhu, cil ka Saul ubedo ubimo, en e in m’utelo wi Israel man m’udwokogi de; man Yehova Mungu peri wacu iri kumae, Ibibedo jakwac mi dhanu para Israel, man ibibedo jatelwic wi dhanu para Israel.

Zaburi 25:12

Ng’atu ma kani ma lworo Yehova? Ebiponje i yo m’ebifoyo.

Zaburi 89:7

Mungu ma jang’oindiri ma dit i dilo mi jumaleng’, Ma maku julwore ma sagu dhanu ceke m’utieke gburi?

Ai 19:12

Man ibiguro kieu gbur kum dhanune, ibiwacu kumae, Wukuru giwu, kara kud wuidh malu kor got, kadi kud wumul kume de: ng’atu ma tek umulo kum got jubiketho etho andha:

Ai 3:5

Man ewacu kumae, Kud icor ceng’ni keni: wodh wara peri kud i tiendi, kum ka m’icungo i ie en e ng’om ma leng’.

Ai 4:10

E Musa wacu ni Yehova kumae, A, Rwoth, dwanda leng’ ungo, ugambre con, kadok yo ng’ei lembe m’iyero ni jatic peri; kum an a ming’ mi wec, man leba de pek.

Isaya 30:33

Kum Kanyoth juyiko con; eyo, juyiko ni ubimo; etime thuth man lac; udhurune en e mac ku yen ma dit; yuyo pa Yehova, calu kulo mi muganga, ubecwinye.

Isaya 48:17

Yehova, Jawarni, Ng’atu Maleng’ mir Israel uwacu kumae: An a Yehova Mungu peri, m’aponji ni kuloka, m’atelo wii kud i yo ma maku iwoth i ie.

Yocuwa 3:3

man ging’olo ni dhanu, giwacu kumae, Kinde ma wuneno sanduk mi lembariba pa Yehova Mungu mu, man julam ku Julawi m’uyeye, wubilund ai ku ka ma wubedo i ie, man wubilubo toke.

Yocuwa 3:5

E Yocuwa wacu ni dhanune kumae, Wudwokru giwu leng’; kum urwo Yehova bitimo gin ma wang’u ijo i kindwu.