Yocuwa 3:17 - The Holy Bible In Alur (Lur) Revised Orthography

¹⁷ E julam m’uyeyo sanduk mi lembariba pa Yehova gicungo ki wi ng’om m’uthwo i die Yordan; e Israel ceke kadhu lokaca ku wi ng’om m’uthwo, cil ma thek dho kadhu Yordan ceke.

Yocuwa 3:17 ပူးပေါင်းရင်းမြစ်များ

2 Ubimo 2:8

E Elia ting’o kanzu pare, man edole, egoyo ko pi, man gipokri kun ku kun, ketho nia gin ario gikadhu ku wi ng’om m’uthwo.

Zaburi 66:6

Eloko nam ni ng’om m’uthwo; Gikadhu kulo ma dit ku tiendgi: Anyong’a negow a keca ni kume.

Ai 14:21

E Musa rieyo cinge wi nam; man Yehova ketho nam udok cen ni kum yamu ma tek ma yo nyangu diewor soro, man edwoko nam ni ng’om m’uthwo, e pi pokre.

Ai 14:22

E nyithindho mir Israel umondo i die nam ku wi ng’om m’uthwo: e pi bedo ni gang’ igi yo ku cing’gi ma yor acwic, man yo ku cing’gi ma yor acam.

Ai 14:29

Ento nyithindho mir Israel uwotho ku wi ng’om m’uthwo i die nam; e pi bedo ni gang’ igi yo ku cing’gi ma yor acwic, man yo ku cing’gi ma yor acam.

Isaya 25:8

Emwonyo tho mi nja; e Rwoth Yehova biyweyo piwang’ kud i wang’ ceke; man ebikabu cac mi dhanu pare woko kud i ng’om ngung’: kum Yehova yero maeni.

Kitabu Mir Ang’wende Pa Musa Wel 33:51

Yer ni nyithindho mir Israel, man iwac igi kumae, Kinde ma wukadhu loka Yordan i ng’om mi Kanan,

Juebrania 11:29

Ni kum yioyic gikadhu kud i nam Makwar calu kud i ng’om m’uthwo: ma Jumisiri giponjo timo ci e gimwony.

Yocuwa 4:1

Man etimbre, ka thek dho kadhu Yordan kpo, nia Yehova weco ba Yocuwa, ewacu kumae,

Yocuwa 4:10

Kum julam m’uyeyo sanduk ucungo i die Yordan, cil ma gin ceke ma Yehova ng’olo ni Yocuwa ya eyer ni dhanu thum ko, calku gin ceke ma Musa ng’olo ni Yocuwa: e dhanune giruiri e gikadhu lokaca.

Yocuwa 4:11

Man etimbre, kinde ma dhanu ceke kadhu kpo lokaca nia sanduk pa Yehova de kadhu lokaca, ku julam, i vut dhanune.

Yocuwa 4:22

E wubilund ketho nyithindho mu ng’eyo, wubiwacu kumae, Israel ukadhu Yordan maeni ku wi ng’om m’uthwo.

Yocuwa 4:3

man wung’ol igi, wuwac kumae, Wuting’ kidi apar wi ario kud i die Yordan, kud i ka ma tiend julam ucungo i ie ti, man wuyeigi lokaca karacelo kudu, man wukethgi piny i kagonjo, ka ma wubigonjo i ie diewor ma tin.

Yocuwa 5:1

Man etimbre, kinde m’ubimo ceke mi Juamori, ma gini loka Yordan yo reto, kud ubimo ceke mi Jukanani, ma gini dhu nam, giwinjo maram Yehova dwono ko pi mi Yordan kud i wang’ nyithindho mir Israel, maram wakadhu ko lokaca, nia adundegi ng’oi ndiri, kadok cwinygi de mbe i igi kendo, kum nyithindho mir Israel.