Yocuwa 3:13 - The Holy Bible In Alur (Lur) Revised Orthography

¹³ Man ebitimbre, kinde ma die tiend julam m’uyeyo sanduk pa Yehova, ma Rwoth mi ng’om yu, biyom i pi mi Yordan, ya pi mi Yordan bing’oi, en e pi m’uai malu m’uloro piny; e gibicungo ni thuthu acel.

Yocuwa 3:13 ပူးပေါင်းရင်းမြစ်များ

I Lemkei 29:11

E Yehova, dit, man tego, man yung, man aloci, ku dwong’ en e peri: kum gin ceke ma ni i polo ku ma ni i ng’om en e peri; ker en e peri, E Yehova, man judodi calu wie wi gin ceke.

Zaburi 33:7

Ecoko pi mi nam karacelo calu ungu: Ekanu nam malu i odkan.

Zaburi 74:15

Ipoko kulo ku pi m’upong’: Idwono kulo ma dit.

Zaburi 78:13

Eng’enyo nam, man eketho gikadhu kud i ie; Man eketho pi cungo calu thuthu.

Ai 15:8

Man pi tingre ni kum lietho mi odi umi, Ngongo pi cungo atira ni thiro: Pi ma thuth umoko i adunde nam.

Isaya 54:5

Kum Jacwic peri en e nico peri; nyinge Yehova mir udul: man Ng’atu Maleng’ mir Israel en e Jawarni; jubilwong’e Mungu mi ng’om ngung’.

Habakuk 3:15

Inyono nam ku riuni peri, Ngongo mi pi ma tek.

Zekaria 4:14

Elund ewacu kumae, Maeni juario ma juwirogi, m’ucungo kum Rwoth mi ng’om ngung’.

Yocuwa 3:11

Nen, sanduk mi lembariba pa Rwoth mi ng’om ngung’ ubekadhu i weng’wu i Yordan.

Yocuwa 4:7

wubilund wacu igi kumae, Kum pi mi Yordan ung’ol woko i wang’ sanduk mi lembariba pa Yehova; kinde m’ekadhu ku wi Yordan, pi mi Yordan ung’ol: man kidi maeni bibedo ni lembapoya ni nyithindho mir Israel mi nja.