Yocuwa 3:11 - The Holy Bible In Alur (Lur) Revised Orthography

¹¹ Nen, sanduk mi lembariba pa Rwoth mi ng’om ngung’ ubekadhu i weng’wu i Yordan.

Yocuwa 3:11 ပူးပေါင်းရင်းမြစ်များ

I Lemkei 29:11

E Yehova, dit, man tego, man yung, man aloci, ku dwong’ en e peri: kum gin ceke ma ni i polo ku ma ni i ng’om en e peri; ker en e peri, E Yehova, man judodi calu wie wi gin ceke.

Kitabu Pa Yob 41:11

Ng’a ma lar mio ira, ma nia acul wang’e ire? Gin ceke ma the polo dho en e para.

Zaburi 24:1

Ng’om en e pa Yehova, ku gin ceke m’upong’ i ie; Ng’om, ku ju m’ubedo i ie.

Zaburi 97:5

Gudi loi calu udok i wang’ Yehova, I wang’ Rwoth mi ng’om ngung’.

Isaya 3:12

Dhanu para, nyithindho gi jusend migi, man mon ubimo wigi. E dhanu para, ju m’utelo wii giketho ikier, man ginyotho yo mi woth peri.

Isaya 54:5

Kum Jacwic peri en e nico peri; nyinge Yehova mir udul: man Ng’atu Maleng’ mir Israel en e Jawarni; jubilwong’e Mungu mi ng’om ngung’.

Yeremia 10:7

Ng’a ma kulwori ngo, E Ubimo mi theki? kum maeni maku in; kum i kind jurieko ceke mi thek, man i bedo migi ceke mi ker, ng’atu moko mbe ma calu in.

Mika 4:13

Ai man ifodi, E nya Sayuni; kum abidwoko tung peri ni nyunyu, man abidwoko utweng tiendi ni mola; man ibigoyo kodhidhanu dupa nziki nziki: e abikoyo kuloka migi ni Yehova, man piny migi ni Rwoth mi ng’om ngung’.

Zefania 2:11

Yehova bibedo ni ng’oyondiri igi; kum ebimogo mungu ceke m’i ng’om; man dhanu birwo ire, ku ba dhanu ku ba dhanu ng’atuman i kakare, cil dhu wath ceke mi thek.

Zekaria 14:9

Man Yehova bibedo Ubimo wi ng’om yu: i ceng’ maeca Yehova bibedo acel, nyinge de acel.

Zekaria 4:14

Elund ewacu kumae, Maeni juario ma juwirogi, m’ucungo kum Rwoth mi ng’om ngung’.

Zekaria 6:5

E malaika loko lembe man ewacu ira kumae, Maeni yamu ang’wen m’i polo, m’ucidho woko kud i cungo m’ecungo ko i wang’ Rwoth mi ng’om ngung’.

Poi Mi Cik 9:3

Ka kumeno ng’ei tinimi, nia Yehova Mungu peri en e ng’atu m’ukadhu i weng’wu calu mac m’uwang’; ebinyothogi, man ebidiogi piny i weng’i: kum kumeno ibiriemogi woko, man ibiketho ginyothri pio, calu Yehova yero iri.

Yocuwa 3:13

Man ebitimbre, kinde ma die tiend julam m’uyeyo sanduk pa Yehova, ma Rwoth mi ng’om yu, biyom i pi mi Yordan, ya pi mi Yordan bing’oi, en e pi m’uai malu m’uloro piny; e gibicungo ni thuthu acel.