Yocuwa 3:1 - The Holy Bible In Alur (Lur) Revised Orthography

¹ E Yocuwa ai pir kugweno; man giai i Citim, giwok de ba kulo Yordan en ku nyithindho mir Israel ceke; e gigonjo keca ma fodi gikukadhu lokaca ngo.

Yocuwa 3:1 ပူးပေါင်းရင်းမြစ်များ

Thangambere 21:14

Man Ibrahim uai malu pir kugweno, e egamu kwen ku cupa mi pi, man emie ni Hagar, ekethe wi goke de man emio nyathin ire, e eketho ecidho: man eai, man ewotho i yamba mi Ber-ceba.

Thangambere 22:3

Man Ibrahim uai pir kugweno, eketho jambwoth de wi kana pare, man egamu awobi pare ario gicidho gikugi, kud Isak ma wode; man etong’o yen mi lam m’awang’a, e eai malu, man ecidho ba ka ma Mungu yero pire ire.

Zaburi 119:60

Atimo pio, man agalu ngo, Kara awor lembang’ola peri,

Yeremia 25:3

Ugambre i rundi apar wi adege pa Yosia ma wod Amon, m’ubimo mi Yuda, cil i ceng’ maeni, rundi pier ario wi adek maeni, lembe pa Yehova bino i bang’a, man ayero iwu, m’aai pir man ayero; ento wuwinjo ngo.

Yeremia 26:5

ya wuwinj lembe mi jutic para ma jubila m’aoro i beng’wu, m’aai ko pir kugweno man aorogi, ento wuwinjo ngo;

Yeremia 7:13

E kawono, kum wutimo tic maeni ceke, Yehova wacu, man ayero iwu, m’aai ko pir man ayero, ento wuwinjo ngo; man alwong’owu, ento wuloko lembe ngo:

Mika 6:5

E dhanu para, poi kawono pi lembe ma Balak m’ubimo mi Moab uporo, man lembe ma Balam ma wod Beor udwoko ire; wupoi ugambre Citim cil kum Gilgal, kara wung’ei tic ma pwe pa Yehova.

Kitabu Mir Ang’wende Pa Musa Wel 25:1

E Israel ubedo i Citim; e dhanu gimaku timo tarwang’ ku nyig Moab:

Marko 1:35

Kugweno, ma fodi piny nyambiambia, eai malu ewok woko, ecidho ka ma ngele, e erwo keca.

Yocuwa 2:1

Man Yocuwa ma wod Nun uoro dhanu ario kud i Citim ling’ ni julib, ewacu kumae, Wucidhi, wunen ng’ombe, ku Yeriko. Man gicidho, e gimondo i ot pa won asara ma nyinge Rahab, man givuto keca.

Yocuwa 6:12

Man Yocuwa ai malu pir kugweno, e julam giting’o sanduk pa Yehova.

Yocuwa 6:15

E etimbre i ceng’ mir abirone, nia giai ka mombwa mi rupiny uthumo, e gilworo adhurane kumeca wang’ abiro: ento i ceng’ maeca gilworo adhurane wang’ abiro.

Yocuwa 7:16

Kum kumeno Yocuwa ai malu pir kugweno, man ekelo Israel ceng’ni ku ba suru migi ku ba suru migi; man jugamu suru pa Yuda:

Yocuwa 8:10

E Yocuwa ai malu pir kugweno, man ecoko dhanu, man eidho malu i Ai, en ku judongo mir Israel, i wang’ dhanu.

Jupoklembe 20:19

E nyithindho mir Israel giai malu kugweno, man gigonjo kum Gibeya.

1 Samwil 17:20

E Daudi ai pir kugweno, man eweko rombe dong’ ku jakwac, man eting’o, ecidho de, calu Yese ng’olo ire; man etundo i ka ma magali ni ie, kinde ma udul asikari m’ubecidho nikiedo uwoi mir ali.