Yocuwa 24:7 - The Holy Bible In Alur (Lur) Revised Orthography

⁷ E kinde ma gilwong’o Yehova, eketho mudho i kindwu wuku Jumisiri, man ekelo nam i wigi, e eumogi; man weng’wu neno gin m’atimo i Misiri: e wubedo i yamba ceng’ dupa.

Yocuwa 24:7 ပူးပေါင်းရင်းမြစ်များ

Ai 14:10

Man kinde ma Farao eoro ceng’ni, nyithindho mir Israel uting’o wang’gi malu, man, nen, Jumisiri ubino i tokgi; e lworo negogi dit: man nyithindho mir Israel giywak ba Yehova.

Ai 14:20

man ebino i kind gonjo mi Misiri ku gonjo mir Israel; e afuru ku mudho nuti, ento emio der ku diewor: man acel tundo kum wadi ngo diewor soro.

Ai 14:31

Man Israel uneno tic ma dit ma Yehova timo kum Jumisiri, e dhanune lworo Yehova: man giyio Yehova, ku jatic pare ma Musa.

Poi Mi Cik 1:46

Kum kumeno wubedo i Kadec nindo dupa, calku nindo ma wubedo kuca.

Poi Mi Cik 2:14

E nindo ma waai i ie ku i Kadec-barnea, maram wakadhu ko kulo Zered, en e rundi pier adek wi abora: cil ma dhanum’utuk ceke mi dhanu mir ali nyothri ko kud i die gonjo, calu Yehova ng’olo igi.

Poi Mi Cik 29:2

E Musa Lwong’o Israel ceke, man ewacu igi kumae, Wuneno gin ceke ma Yehova timo i weng’wu i ng’om Misiri kum Farao, man kum jutic pare ceke, man kum ng’om pare ceke;

Poi Mi Cik 4:34

Kadi Mu ngu ponjo cidho man egamu ire thek kud i die thek mange, ku lem ma tek, ku giranyutha, man ku musana, ku lwiny de, man ku cing’ ma tek, ku bot m’arieya de, man ku ng’oyondiri ma dit, calku gin ceke ma Yehova Mungu mu timo iwu i Misiri i weng’wu?

Juebrania 3:17

Man lembe ton i ie i kum ng’a rundi pier ang’weni? en e kum ju m’udubo, ma kumgi podho i yamba ngo?

Yocuwa 5:6

Kum nyithindho mir Israel giwotho rundi pier ang’wen i yamba, rama thek dho, ma gi dhanu mir ali m’uai i Misiri, ginyothri ko, kum giwinjo dwand Yehova ngo: ma Yehova kwong’o igi nia ebiweko ngo ginen ng’om ma Yehova kwong’o ni kwarugi ya ebimio iwa, ng’om ma molo cak ku kic.