Yocuwa 24:1 - The Holy Bible In Alur (Lur) Revised Orthography

¹ Man Yocuwa coko suru ceke mir Israel i Cekem, man elwong’o judongo mir Israel, man juwigi, ku jupoklembe migi, man jego migi; e githieri gigi i wang’ Mungu.

Yocuwa 24:1 ပူးပေါင်းရင်းမြစ်များ

Thangambere 12:6

Man Abram ukadhu kud i ng’om cil kum ka mi Cekem, utundo kum bongu mi More. Man Jakanani ni i ng’om i nindo maeca.

Thangambere 35:4

E gimio mungu ma juwirok ceke ma gini i cing’gi ba Yakobo, ku nzir ma ni i ithgi; e Yakobo yikogi the bongu ma ni i Cekem.

1 Ubimo 12:1

Man Rehoboam ucidho Cekem: kum Israel ceke bino i Cekem kara gikethe ni ubimo.

2 Ubimo 23:1

E ubimo oro kwenda, man gicoko judongo mi Yuda ceke man mi Yerusalem i bang’e.

Tic Mi Jukwenda 10:33

Ka kumeno aoro dhanu i beng’i mor mor; man itimo ber nia ibino. Nie ka kumeno wan ceke wanuti keni i wang’ Mungu, kara wawinj lembe ceke ma Rwoth ung’olo iri.

Poi Mi Cik 29:9

Ka kumeno wugwok lembe mi lembariba maeni, man wutimgi, kara gin ceke ma wutimo ubed miero.

Yocuwa 20:7

Man gikoyo Kedec i Galilaya i ng’om gudi pa Naftali, man Cekem ku ng’om gudi pa Efraim, man Kiriath-arba (ma en e Hebron) i ng’om gudi pa Yuda.

Yocuwa 23:2

nia Yocuwa Lwong’o Israel ceke, en e judongo migi man juwigi, ku jupoklembe migi ku jego migi, man ewacu igi kumae, Ati man oro para doko dit;

Jupoklembe 20:26

Nyithindho mir Israel ceke, ku dhanu ceke, giidho malu, man gibino Beth-el, e giywak, man gibedo keca i wang’ Yehova, man giweko cam i ceng’ maeca cil uthieno; man githiero lam m’awang’a ku lam mi kwiocwiny i wang’ Yehova.

1 Samwil 10:19

ento tinuni wukwero Mungu mu, ma en gire ebodhowu kud i ruvwa mu ceke ku can mu ceke; man wuwacu ire kumae, Ungo, ento keth ubimo i wiwa. Ka kumeno wuthieru giwu i wang’ Yehova ku ba suru mu, man ku ba rubanga mu.