Yocuwa 22:6 - The Holy Bible In Alur (Lur) Revised Orthography

⁶ Kum kumeno Yocuwa mio mugisa igi, man eketho gicidho; e gicidho ba hema migi.

Yocuwa 22:6 ပူးပေါင်းရင်းမြစ်များ

Thangambere 14:19

Man emio mugisa ire, man ewacu kumae, Mugisa pa Mungu ma Malu Ngbir, ma jacwi polo ku ng’om, ukwany Abram:

Thangambere 47:10

E Yakobo mio mugisa ni Farao, man eai kud i vut Farao.

Thangambere 47:7

E Yusuf ukelo Yakobo ma won, man ekethe i wang’ Farao: man Yakobo mio mugisa ni Farao.

2 Samwil 6:18

Man kinde ma Daudi daru thiero lam m’awang’a ku lam mi kwiocwiny, emio mugisa ni dhanu i nying’ Yehova mir udul.

2 Samwil 6:19

Man epoko kwen m’ang’ina, ku ring’o moko, ku kwend nyingulok m’uthwo, i kind dhanu ceke kubang’gi kubang’gi, i kind udul ceke mir Israel. Kum kumeno dhanu ceke giai ng’atuman ba ot pare man ba ot pare.

2 Samwil 6:20

Daudi lund udwogo kara emi mugisa ni juode. Man Mikal ma nya Saul uwok woko kara eromb ku Daudi, man ewacu kumae, Ane ka ba dwong’ mir ubimo mir Israel tin, m’uwanjre tin i wang’ bong’ mi jutic pare calu ng’atu moko ma kind dhanu ma s ai wanjre ma lewic umbe!

1 Ubimo 8:66

I ceng’ mir aborane elalu dhanu; man gimio mugisa ni ubimo, e gicidho ba hema migi ma mutoro kud anyong’a de nego adundegi kum bero ceke ma Yehova nyutho ni Daudi ma jatic pare, man ni Israel ma dhanu pare.

2 Lemkei 30:18

Kum udul mi dhanu, en e dhanu dupa mir Efraim ku Manase, man Isakar ku Zebulun, fodi gidwokri gigi leng’ ungo, ento gicamu kadhukuwijo tung’ ku m’egoro. Kum Hezekia rwo pigi, ewacu kumae, Yehova ma ber uwek lembe mi dhanu kubang’gi kubang’gi

Ai 39:43

E Musa neno tic ceke, man, nen, gitimo; calu Yehova ng’olo, gitime kumeca: e Musa mio mugisa igi.

Luka 2:34

man Simeon umio mugisa igi, man ewacu ni Mariamu ma min kumae, Nen, nyathin maeni kethre ni podho ku ai mi dupa i Israel; man pi giranyutha ma juyero pire rac:

Luka 24:50

Man etelo wigi woko i ng’et Bethania: man eting’o cinge malu, emio igi mugisa.

Yocuwa 14:13

E Yocuwa mio mugisa ire; man emio Hebron ni Kaleb ma wod Yefune ni aba.

Yocuwa 24:28

Kum kumeno Yocuwa oro dhanune gicidho, ng’atuman bang’ aba pare man bang’ aba pare.

1 Samwil 10:25

Samwil ulund uyero ni dhanune maram ker ubedo ko, man egore i kitabu, e ekane i wang’ Yehova. Man Samwil ulalu dhanune ceke, ng’atuman ba ot pare man ba ot pare.

1 Samwil 13:2

Saul ugoyo wi dhanu mir Israel rubanga adek ire, kind dhanu maeno rubanga ario gini karacelo ku Saul i Mikmac man wi got Beth-el, man rubanga acel gini karacelo ku Yonathan i Gibeya pa Benyamin: man dong’ dhanu eorogi kubang’gi kubang’gi ng’atuman ba hema pare.

1 Samwil 2:20

Man Eli mio mugisa ni Elkana ku dhaku pare, man ewacu kumae, Yehova mi iri kodhi ni kum dhaku maeni kum penji ma jukwayu ba Yehova. Man gicidho ba ot migi gigi.