Yocuwa 22:5 - The Holy Bible In Alur (Lur) Revised Orthography

⁵ Ento wubed k’amora mi timo lembang’ola mi cik ma Musa ma jatic pa Yehova ng’olo iwu, ya wumar Yehova Mungu mu, man wuwoth i yo pare ceke, wuwor lembang’ola pare de, man wumok i kume, wutim ire de kud adundewu ceke, ku ng’eyong’ec mu ceke.

Yocuwa 22:5 ပူးပေါင်းရင်းမြစ်များ

Zaburi 106:3

Ju m’uworo lembapoka gi jumugisa, Man ng’atu ma timo bedopwe ku ba nindo ceke.

Zaburi 78:7

Kara giketh genogen migi ba Mungu, Man wigi kud uwu pi tic pa Mungu, Endre giwor lembang’ola pare.

Ai 15:26

man ewacu kumae, Tek ibiwinjo dwand Yehova Mungu peri cu, man ibitimo gin m’atira i wang’e man ibieiko ithi kum lembang’ola pare, e ibiworo cik pare de ceke, abiketho tho moko i kumi ngo m’aketho i kum Jumisiri: kum an a Yehova m’ukeyo kumi.

Ai 20:6

m’anyutho kisa ni rubanga mi ju m’umara m’uworo lembang’ola para.

Ai 23:13

Man wuketh cwinywu kum gin ceke m’ayero iwu: man kud wuwec pi nying’ mungu mange, kadi ku juwinj maeni i dhogi.

Ai 23:25

Man wutim ni Yehova Mungu mu, e ebimio mugisa kum kwen peri, man pi peri; man abikabu tho kud i kindi.

Lembrieko 4:23

Gwok adundeni kud amora ceke; Kum lembe mi kwo ai i ie.

Isaya 55:2

Pirang’o wulalu sente wi gin ma kwen ungo? man tic mu wi gin ma yeng’o jo ngo? wuwinj cu i bang’a, man wucam gin ma ber, man wek anyong’a neg ng’eyong’ec mu ku mio.

Yeremia 12:16

Man ebitimbre, tek gibiponjo ng’eyo yo mi dhanu para cu, ya gikwong’ kwong’ ku nyinga kumae, Calu Yehova bedo kwo; cil calu giponjo dhanu para ya gikwong’ kwong’ ku Bal, e gibilund gombri i kind dhanu para.

Matayo 22:37

Man ewacu ire kumae, Mar Rwoth Mungu peri kud adundeni ceke, ku ng’eyong’ec de ceke, man ku pidoii ceke.

Matayo 4:10

Yesu lund uwacu ire kumae, Ai kakeni, Jok: kum egore kumae, Rwo ni Rwoth Mungu peri, man itim ire kende.

Matayo 6:24

Ng’atu moko mbe ma copo timo ni judongo ario: kum ebidagu acel, ebidong’ maru mucelo; kadi ebimoko bang’ acel, man ebicayu mucelo. Wucopo timo ni Mungu ku ni lonyo de ngo.

Luka 1:74

Nia edwok iwa, wan ma waboth kud i cing’ judegiwa Ya watim ire ma lworo mbe,

Yohana 12:26

Tek ng’atu moko timo ira, wek elub ng’eya; man ka m’ani ie, jatic para bende bibedo keca: tek ng’atu moko timo ira, Vwa biyunge.

Yohana 14:15

Tek wumara wubiworo cik para.

Tic Mi Jukwenda 11:23

ma, kinde m’ewok, eneno bero pa Mungu de, mutoro nege; edong’ eponjogi ceke nia ku tego mir adundegi gimok ndhu kum Rwoth:

Tic Mi Jukwenda 27:23

Kum malaika pa Mungu ma an a pare, m’atimo ire bende, ecungo i vuta i diewor maeni,

Jurumi 1:9

Kum Mungu m’atimo ire yor i cwinya i lembanyong’a ma juboth ko pa Wode, en e jamulembe para, maram aweko lwong’o ko nyingwu ki ngo i rwo para thiri thiri

Jurumi 12:9

Dong’ mer ubed umbe umbili. Dag hai maeno m’e rac; mok kum maeno m’e ber.

Jurumi 8:28

Man wang’eyo nia gin ceke timbre karacelo mi bero ni ju ma gimaru Mungu, ni ju ma julwong’ogi calku yeny ma ie yenyo

Poi Mi Cik 10:20

Lwor Yehova Mungu peri; tim ire, mok i kume, man ikwong’ ku nyinge.

Poi Mi Cik 11:1

Ka kumeno mar Yehova Mungu peri, man igwok kur pare, ku cik pare, man lembapoka pare, ku lembang’ola pare thiri thiri.

Poi Mi Cik 11:13

Man ebitimbre, tek wubiwinjo cu ba lembang’ola para m’ang’olo iwu tin, kara wumar Yehova Mungu mu, man wutim ire kud adundewu ceke man ku ng’eyong’ec mu ceke,

Poi Mi Cik 11:22

Kum tek wu gwoko lembang’ola maeni ceke cu m’ang’olo iwu, kara wutime, kara wumar Yehova Mungu mu, kara wuwoth i yo pare ceke, man kara wumok i kume de;

Poi Mi Cik 13:4

Wulub tok Yehova Mungu mu, man wulwore, wugwok lembang’ola pare de, man wuwor dwande, wutim ire de, man wumok i kume.

Poi Mi Cik 4:29

Ento ku kuca ibiyenyo Yehova Mungu peri, e ibinwang’e, kinde m’iyenye kud adundeni ceke man ku ng’eyong’ec peri ceke.

Poi Mi Cik 4:4

Ento wun ma wumoko kum Yehova Mungu mu wubedo kwo i ceng’ maeni kubeng’wu kubeng’wu.

Poi Mi Cik 4:6

Ka kumeno wuwor man wutimgi; kum maeni en e rieko mu man ng’eyothelembe mu i wang’ kodhidhanu, ma biwinjo cik maeni ceke, man gibiwacu kumae, Andha thek maeni ma dit en e dhanu ma riek man weg ng’eyothelembe.

Poi Mi Cik 4:9

Ndhu ibed ku weng’i i kumi giri, man igwok ng’eyong’ec peri cu, kara wii kud uwil kum gin ma weng’i neno, man kara ku giai kud i adundeni i nindo mi kwo peri ceke; ento keth ging’eiri ni nyithindhoperi man ni nyithindho mi nyithindho peri;

Poi Mi Cik 5:10

m’anyutho kisa de ni dhanum’utuk rubanga ni ju m’umara man m’ugwoko cik para.

Poi Mi Cik 6:17

Wugwok lembang’ola pa Yehova Mungu mu, ku lembatuca pare, man cik pare, m’eng’olo iri.

Juebrania 12:15

ma wubed ko ku weng’wu kara ng’atu moko kud urem kum bero pa Mungu; kara ulag akece kud uwok m’unyai can i iwu, man uketh dupa gicid ni kume;

Yakobo 1:12

Ng’atu m’uciro abidhe mugisa kwanye; kum ka judaru mulo ie, ebinwang’u jamkermiwic mi kwo, ma Rwoth ung’olo ni ju m’umare.

Yakobo 2:5

Wuwinji, juwada ma jumerna; Mungu foyo ju ma gi jucan m’i ng’om ungo ya gilony i yioyici, ma gibed ni jucampacu mi ker m’eng’olo ni ju m’umare?

Yocuwa 23:8

ento wumok kum Yehova Mungu mu, calu wutimo cil i ceng’ maeni.

Lembanyutha 15:3

Man giwero wer pa Musa ma jamiru pa Mungu, ku wer pa Nyathi Rombo, giwacu kumae, Tic peri gi dwong’ ma wang’u ijo de, E Rwoth Mungu, ma Jategokpo; yo peri bedopwe man andha de, in Ubimo mi nja.

1 Samwil 12:20

E Samwil uwacu ni dhanune kumae, Lworo kud unegwu: wutimo dubo maeni ceke andha; ento kud wulokru cen kum lubo Yehova, ento wutim ni Yehova kud adundewu ceke:

1 Samwil 12:24

Ndhu wulwor Yehova, man wutim ire andha kud adundewu ceke; kum wupoi pi gin ma dit m’etimo iwu.

1 Samwil 7:3

Man Samwil uyero ni ot mir Israel ceke, ewacu kumae, Tek wulokru ba Yehova kud adundewu ceke, e dong’ wukab mungu ma juwirok kud Actaroth cen kud i kindwu, man wudwok adundewu ba Yehova, man wutim ire kende; e ebibodhowu kud i cing’ Jufilisti.