Yocuwa 22:18 - The Holy Bible In Alur (Lur) Revised Orthography

¹⁸ ma nia wulokru tin kum lubo Yehova? man ebibedo, kum wucamu co ni Yehova tin, nia urwo kwinyo binege kum udul ceke mir Israel.

Yocuwa 22:18 ပူးပေါင်းရင်းမြစ်များ

2 Samwil 24:1

E ng’ecwiny pa Yehova opo kum Israel kendo, man eting’o cwiny Daudi i kumgi, ewacu kumae, Cidhi, kwan Israel ku Yuda.

1 Ubimo 9:6

Ento tek wubilokru cen kum luba, wun kadi nyithindho mu, man wuworo lembang’ola para ngo ku cik para m’aketho i weng’wu, ento wubicidho wubitimo ni mungu mange, man wurwo i bang’gi;

2 Ubimo 17:21

Kum eng’enyo Israel kud i ot pa Daudi; e giketho Yeroboam ma wod Nebat ni ubimo: man Yeroboam unyebo Israel kum weko lubo Yehova, man eketho gidubo dubo ma dit.

I Lemkei 21:1

Man Jok ucungo wi Israel, man eting’o cwiny Daudi ya ekwan Israel.

I Lemkei 21:14

Kum kumeno Yehova oro thong’om wi Israel; man ju m’upodho mir Israel gi dhanu rubanga pier abiro.

2 Lemkei 25:27

Nie ugambre i nindo ma Amazia ulokre cen ku ba lubo Yehova gitimo lembapora i kume i Yerusalem; man eringo Lakic, ento gioro kwenda i toke i Lakic, e ginege kuca.

2 Lemkei 34:33

Man Yosia kabu ginmajudagu ceke woko kud i ng’om ceke ma piny mi nyithindho mir Israel, man eketho dhanu ceke mir Israel ma junwang’u gitim, gitim ndhu ni Yehova Mungu migi. I nindo pare ceke giweko lubo Yehova, Mungu pa kwarugi, ngo.

Lembe Mi Julawi 10:6

E Musa wacu ni Haran, man ni Eleazar, man ni Ithamar, ma wote kumae, Kud wukab girauma mi wiwu, kadok kendi mu de kud wuyeci; kara kud wutho, man kara kwinyo kud unege kum udul ceke: ento wek utumegwu, ma ot mir Israel dho, giywag wang’uwang’ ma Yehova cwinyo.

Kitabu Mir Ang’wende Pa Musa Wel 16:22

E gipodho arieba wang’gi, giwacu kumae, E Mungu, Mungu mi tipo mi kum ceke, tek ng’atu acel udubo, e iyenyo kwinyo negi kum udul ceke?

Kitabu Mir Ang’wende Pa Musa Wel 32:15

Kum tek wulokru cen ku lube, ebiwekogi i langa kendo; e wubinyotho dhanu maeni ceke.

Poi Mi Cik 7:4

Kum ebiloko wodi ku lubo an, kara gitim ni mungu mange: kum kumeno ng’ecwiny pa Yehova biopo i kumi, man ebinyothi pio.

Yocuwa 22:15

E gibino ba nyithindho pa Ruben, man ba nyithindho pa Gad, man ba ng’et suru pa Manase, i ng’om Gilead, e giyero igi, giwacu kumae,

Yocuwa 22:16

Udul ceke pa Yehova wacu kumae, En e kier ma nedi ma wukier ko ni Mungu mir Israel, ma wukiewo ko tin kum lubo Yehova, ma wuguro ko iwu pemblam, ma wujai ko tin ni Yehova?

Yocuwa 22:20

Akan ma wod Zera kier ungo i gin ma jukwong’o, e kwinyo podho wi udul Israel ceke ngo? e ng’atu maeno tho kende ngo i kier pare.

Yocuwa 7:1

Ento nyithindho mir Israel gikier i gin m’akwong’a; kum Akan, ma wod Karmi, ma wod Zabdi, ma wod Zera, mi suru pa Yuda, gamu kum gin m’akwong’a: man ng’ecwiny pa Yehova opo kum nyithindho mir Israel.

Yocuwa 7:11

Israel udubo; eyo, gikadhu ku wi lembariba para m’ang’olo igi: eyo, gigamu kum gin m’akwong’a, man gikwalu bende, man gimung’o bende; e gikethe i kind jamni migi ma dhe.

Yocuwa 7:21

kinde m’aneno kanzu ma ber mi Babeli i kind ayeki, man cekel mi mola ma tar dak ario, man jamb mola ma kwar ma pekne cekel pier abic, e aketho cwinya i kumgi, man agamugi; man, nen, gibedo akana i ng’om i die hema para, ku mola ma tar i there.

1 Samwil 12:14

Tek wubilworo Yehova, man wutim ire, wuwinj dwande de, man wujai ungo kum lembang’ola pa Yehova, man wun kud ubimo bende m’ucamu ker i wiwu wubed julub Yehova Mungu mu, e dre:

1 Samwil 12:20

E Samwil uwacu ni dhanune kumae, Lworo kud unegwu: wutimo dubo maeni ceke andha; ento kud wulokru cen kum lubo Yehova, ento wutim ni Yehova kud adundewu ceke: