Yocuwa 2:9 - The Holy Bible In Alur (Lur) Revised Orthography

⁹ man ewacu ni dhanune kumae, Ang’eyo nia Yehova mio ng’ombuni iwu, man nia lworo mu podho i wiwa, man nia dhanu ceke m’i ng’ombuni ging’oi i weng’wu.

Yocuwa 2:9 ပူးပေါင်းရင်းမြစ်များ

Thangambere 35:5

E giwotho: man ndiri pa Mungu ni wi adhura m’utiekogi gbur, e gilubo tok wot Yakobo ngo.

2 Samwil 17:10

Man cil ng’atu ma en e jarukara, ma adundene calu adunde umvor, ndiri bing’oi i ie ceke; kum Israel ceke ng’eyo nia wuru en e ng’atu ma tek, man ju ma gini kude gi dhanu ma jurukara.

2 Ubimo 5:15

E edwogo ba dhanu pa Mungu, en kud udul pare ceke, e ebino, man ecungo i wang’e; ewacu de kumae, Nen, kawono ang’eyo nia Mungu moko mbe i ng’om ceke, ndhu i kind Israel: ka kumeno kawono, akwei, gam giramia ba jatic peri.

2 Ubimo 7:6

Kum Rwoth uketho udul Jucami uwinjo ba magali, man ba riuni, en e bang’ udul ma dit: e giwecri gigi kumae, Nen, ubimo mir Israel umio agama ni ubimo mi Juhiti, kud ubimo mi Jumisiri i kumwa, kara gibin i wiwa.

Nehemia 6:16

Man etimbre, kinde ma jukwojwa ceke giwinjo pire, nia thek ceke m’utiekowa lworo iriakugi, e gijwik i wang’gi gigi; kum ging’eyo nia tic maeni timbre ni kum Mungu mwa.

Ester 8:17

Man i ng’etker kubang’e kubang’e, i adhura de kubang’e kubang’e, ka ceke ma tek lembang’ola p’ubimo ku cik pare de wok i ie, Juyahudi gibedo ku mutoro kud anyong’a, kud agba man ceng’ ma ber. Man dhanu dupa ma kind kodhidhanu mi ng’om gidoko Juyahudi; kum lworo mi Juyahudi podho i wigi.

Kitabu Pa Yob 19:25

Ento an ang’eyo nia Jawama bedo kwo, Man ma cen ebicungo wi ng’om:

Zaburi 112:10

Jadubo binene, man can binege; Ebikayu lake, man ebing’oi: Yeny ma jadubo yenyo binyothre.

Zaburi 115:16

Polo gi polo pa Yehova; Ento ng’om emio ni nyithindho mi dhanu.

Ai 18:11

Kawono ang’eyo nia Mungu e dit ma sagu mungu ceke; eyo, i gin ma gitimo ie ku kuhaya i kumgi.

Ai 23:27

Abioro ndiri para i weng’i, man abisendo dhanu ceke m’ibibino i bang’gi, man abiketho judegini ceke loko ng’eigi iri.

Eklizia 8:12

Kadok jadubo dub lembe wang’ dak, man emed nindo pare, ento ang’eyo andha nia lembe bibedo ber ni ju ma lworo Mungu, ma lworo negogi i wang’e:

Isaya 19:1

Ewolembe ma pi Misiri. Nen, Yehova wotho ku wi afuru ma wil wil, man ebino ba Misiri: e kum mungu m’araga mi Misiri bimiel i vute; man cwiny Misiri bing’oi i diere.

Isaya 23:5

Kinde ma rwonglembe wok i Misiri, can binegogi dit kum rwonglembe mi Turo.

Yeremia 27:5

Acwio ng’om, dhanu ku yedi ma ni wi wang’ ng’om, ku tego para ma dit man ku bota m’arieya; man amie ni ng’atu m’emaku piny ira ya amie ire.

Nahum 2:10

Ie nanu, man uvuru, man nyoth; e adunde ng’oi ndiri, man cong utongre, can de ni i pier ceke, man wang’gi ceke miel.

Kitabu Mir Ang’wende Pa Musa Wel 20:14

E Musa oro jukwenda uai Kadec ucidho bang’ ubimo mir Edom, uwacu kumae, Israel m’umeru wacu kumae, Ing’eyo sendri ceke m’upodho i kumwa:

Kitabu Mir Ang’wende Pa Musa Wel 20:24

Jubicoko Harun ba dhanu pare; kum ebimondo ngo i ng’om m’amio ni nyithindho mir Israel, kum wujai kum lembe para ba pi mi Meriba.

Matayo 20:15

Cik uyio ira ngo ya atim gin m’ayenyo ku para ma dhe? kadi weng’i bedo rac, kum an a beri?

Poi Mi Cik 11:25

Ng’atu moko mbe ma bicopo cungo i weng’wu: Yehova Mungu mu biketho lworo wu man ndiri wu wi ng’om ceke ma wunyono, calu eyero iwu.

Poi Mi Cik 2:25

Tinuni abimaku ketho ndirini man lworoni wi kodhidhanu ma gini the polo ngung’, ma biwinjo rwongi, e kumgi bimiel, man ndiba binegogi i kumi.

Poi Mi Cik 28:10

E kodhidhanu ceke m’i ng’om bineno nia ilwongri ku nying Yehova; e lworo binegogi i kumi.

Poi Mi Cik 32:8

Kinde ma Ng’atu ma Malu Ngbir umio aba migi ni thek, Kinde m’ekoyo nyithindho mi dhanu, Eketho kieu mi kodhidhanu Calku wel mi nyithindho mir Israel,

Juebrania 11:31

Ni kum yioyic Rahab ma won asara tho ngo karacelo ku ju ma gicamu co, kum ejolo julib ku kwiocwiny.

Yocuwa 2:11

E kinde ma wawinjo maeni, adundewa ng’oyo ndiri, kadok tipo moko mbe m’udong’ i ng’atu moko, piwu: kum Yehova Mungu mu, en e Mungu m’i polo ma malu, man i ng’om ma piny.

Yocuwa 2:24

Man giwacu ni Yocuwa kumae, Andha Yehova mio ng’ombe ceke i cingwa; mange ke dhanu ceke m’i ng’ombe ging’oi i wang’wa.

Yocuwa 2:8

E ka fodi givuto piny ungo, ebino malu i bang’gi wi ot;

Yocuwa 5:1

Man etimbre, kinde m’ubimo ceke mi Juamori, ma gini loka Yordan yo reto, kud ubimo ceke mi Jukanani, ma gini dhu nam, giwinjo maram Yehova dwono ko pi mi Yordan kud i wang’ nyithindho mir Israel, maram wakadhu ko lokaca, nia adundegi ng’oi ndiri, kadok cwinygi de mbe i igi kendo, kum nyithindho mir Israel.

Yocuwa 6:2

E Yehova wacu ni Yocuwa kumae, Nen, aketho Yeriko i cingi, kud ubimone de, ku dhanu ma tek ma jurukara.

Yocuwa 9:10

man gin ceke m’etimo kum ubimo ario mi Juamori, ma gini loka Yordan, kum Sihon m’ubimo mi Hecbon, man kum Og m’ubimo mi Bacan, m’ubedo Actaroth.

Yocuwa 9:24

Man gidwoko lembe ni Yocuwa, giwacu de kumae, Kum eyere andha ni jutic peri, maram Yehova Mungu peri ng’olo ko ni jatic pare Musa ya emi ng’om maeni ceke iwu man enyoth dhanu ceke m’ubedo i ng’om maeno kud i weng’wu; ka kumeno lworo negowa dit pi kwo mwa ni kumwu, man watimo gin maeni.

Yocuwa 9:9

Man giwacu ire kumae, Jutic peri giai kud i ng’om ma bor ngbir kum nying’ Yehova Mungu peri: kum wawinjo rwonglembe pare, ku gin ceke m’etimo i Misiri,

Jupoklembe 7:14

Man jal wadi loko lembe man ewacu kumae, Maeni gin mange ngo ndhu palamularu pa Gideon ma wod Yoac, ma dhanu mir Israel: Mungu ketho Midian, kud udul dhanu ceke i cinge.