Yocuwa 2:14 - The Holy Bible In Alur (Lur) Revised Orthography

¹⁴ E dhanune giwacu ire kumae, Kwo mwa kaka kwo mu, tek wuyero pi tic mwa maeni ngo; man ebibedo, kinde ma Yehova mio iwa ng’ombe, nia wabitimo ber man mandha i beng’i.

Yocuwa 2:14 ပူးပေါင်းရင်းမြစ်များ

Thangambere 24:49

Man kawono tek wubitimo ku bero man andha kum rwoth para, yer ira: man tek ungo, yer ira; kara alokra yo ku cing’ ma yor acwic, kadi yor acam.

Thangambere 47:29

E nindo dhingo ma Israel ubitho i ie be: man elwong’o Yusuf ma wode, ewacu ire de kumae, Tek kawono anwang’u bero i weng’i, akwei, keth cingi the bamba, man itim ber man mandha i bang’a: akwei, kud iyika i Misiri;

2 Samwil 2:5

E Daudi oro jukwenda ba dhanu mi Yabec-gilead, man ewacu igi kumae, Mugisa pa Yehova kwanywu, kum wunyutho bero maeni kum rwoth mu, en e ni Saul, man wuyike.

2 Samwil 2:6

Man kawono Yehova nyuth mer mi bero ku lemandha iwu man an bende abidwoko iwu wang’ bero maeni, kum wutimo gin maeni.

2 Samwil 9:1

Man Daudi wacu kumae, Fodi jumoko m’i ot pa Saul nuti, kara anyuth ire bero ni kum Yonathani?

1 Ubimo 20:39

E kinde m’ubimo kadhu, ekok bang’ ubimone; man ewacu kumae, Jatic peri cidho woko i kind lwiny; man, nen, ng’atu acel ulokre cen, man ekelo ng’atu moko i bang’a, e ewacu kumae, Gwok ng’atu maeni: tek erwinyo ku yo moko, kwo peri bilund bedo pi kwo pare, k adi ibiculo talanto acel mi mola ma tar.

Lembrieko 14:22

Ju ma poro dubo gikier ungo? Ento ldsa ku lemandha bibedo ni ju ma poro lem ma ber.

Lembrieko 18:24

Ng’atu ma maku jurimo dupa emaku ni nyoth ire; Ento jarimo nuti ma moko ki sagu umego.

Matayo 5:7

Mugisa ni ju ma kisa negogi: kum gibinwang’u kisa.

Tic Mi Jukwenda 23:22

Ka kumeno jego ma dit uweko nyiruno cidho, kan eng’olo ire kumae, Kud iwac ni ng’atu moko ki nia inyutho lem maeni ira.

Yocuwa 2:13

man nia wubibodho vwa ma kwo, ku ma, man utumira, ku nyimira, ku gin ceke ma gibedo ko, man wubibodho kwo mwa ni tho.

Yocuwa 2:15

Elund elurogi piny ku thol ku wang’ ot: kum ot pare ni wi ng’et gang’kidi, man ebedo wi gang’kidi.

Yocuwa 6:17

Man adhurane bibedo ni gin m’akwong’a ni Yehova, en ku gin ceke ma ni i ie: ndhu Rahab kende ma won asara e ma bibedo kwo, en ku ju ma gini kugi i ot ceke, kum ekanu jukwenda ma waoro.

Yocuwa 6:22

Man Yocuwa wacu ni dhanu ario ma gilibo ng’ombe kumae, Wucidh i ot pa won asara, man wuwodh dhakune woko kud i ie, ku gin ceke m’ebedo ko, calu wukwong’o ire.

Yocuwa 6:25

Ento Rahab ma won asara, ku juot pa won, ku gin ceke m’ebedo ko, Yocuwa bodho ma kwo; e ebedo i kind Israel cil i ceng’ ma tin, kum ekanu jukwenda, ma Yocuwa oro kara gilib Yeriko.

1 Samwil 20:8

Ka kumeno tim ku bero ku jatic peri; kum ikelo jatic peri i lembariba pa Yehova karacelo kudi: ento tek kier ni i ia, nega in giri; kum nedi ikela ba wuru?