Yocuwa 2:11 - The Holy Bible In Alur (Lur) Revised Orthography

¹¹ E kinde ma wawinjo maeni, adundewa ng’oyo ndiri, kadok tipo moko mbe m’udong’ i ng’atu moko, piwu: kum Yehova Mungu mu, en e Mungu m’i polo ma malu, man i ng’om ma piny.

Yocuwa 2:11 ပူးပေါင်းရင်းမြစ်များ

1 Ubimo 8:60

kara kodhidhanu ceke m’i ng’om ung’ei nia Yehova, en e Mungu; mange mbe.

2 Ubimo 5:15

E edwogo ba dhanu pa Mungu, en kud udul pare ceke, e ebino, man ecungo i wang’e; ewacu de kumae, Nen, kawono ang’eyo nia Mungu moko mbe i ng’om ceke, ndhu i kind Israel: ka kumeno kawono, akwei, gam giramia ba jatic peri.

Nehemia 6:16

Man etimbre, kinde ma jukwojwa ceke giwinjo pire, nia thek ceke m’utiekowa lworo iriakugi, e gijwik i wang’gi gigi; kum ging’eyo nia tic maeni timbre ni kum Mungu mwa.

Ester 8:17

Man i ng’etker kubang’e kubang’e, i adhura de kubang’e kubang’e, ka ceke ma tek lembang’ola p’ubimo ku cik pare de wok i ie, Juyahudi gibedo ku mutoro kud anyong’a, kud agba man ceng’ ma ber. Man dhanu dupa ma kind kodhidhanu mi ng’om gidoko Juyahudi; kum lworo mi Juyahudi podho i wigi.

Zaburi 102:15

Kum kumeno thek bilworo nying’ Yehova, Man ju m’ubimo ceke m’i ng’om bilworo dwong’ peri.

Zaburi 22:14

Jukonja calu pi, Cogo para ceke lokre ku i ujonje: Adundena calu udok; Eleny yor i ia.

Zaburi 58:7

Wek gilui calu pi ma mol: Kinde m’eciko athero pare, wek gibed calu juthumogi woko.

Zaburi 83:18

Kara ging’ei nia in i kendi, ma nyingi Yehova, Ini Ng’atu ma Malu Ngbir wi ng’om ngung’.

Ai 15:14

Kodhidhanu winjo, kumgi miel: Ndiri maku jubedo mi Filistia.

Ai 15:15

Judongo mir Edom cwinygi lund ung’abre; Dhanu ma jukero mi Moab, mielkum umakugi: Dhanu m’ubedo i Kanan ceke giloi.

Isaya 13:7

Ka kumeno cing’ ceke binur, man adunde dhanu kubang’gi kubang’gi bing’oi:

Isaya 19:1

Ewolembe ma pi Misiri. Nen, Yehova wotho ku wi afuru ma wil wil, man ebino ba Misiri: e kum mungu m’araga mi Misiri bimiel i vute; man cwiny Misiri bing’oi i diere.

Ezekiel 21:15

Aketho palamularu mi cim kum dhugang’ migi ceke, kara cwinygi ng’oi, man kier migi medre: a! jutirac calu lukoth, ebith mi nek.

Nahum 2:10

Ie nanu, man uvuru, man nyoth; e adunde ng’oi ndiri, man cong utongre, can de ni i pier ceke, man wang’gi ceke miel.

Poi Mi Cik 1:28

Waidh kani? utumegwa ng’oyo ndiri i cwinywa, giwacu kumae, Dhanune gi dit man gi boco ma saguwa; adhurane gi dit man gitwodri cil i polo; man ke waneno Juanaki kuca.

Poi Mi Cik 20:8

E jegone biyero kendo ni dhanu, man gibiwacu kumae, Ng’a ma nuti ma lworo benege ma cwinye de ng’oi ndiri? wek ecidh edok i ot pare, cwiny wadi maru ng’oi ndiri calu cwinye.

Poi Mi Cik 4:39

Ka kumeno ng’ei tin, man iketh adundeni i kume, nia Yehova en e Mungu ma malu i polo man ma piny i ng’om; mange mbe.

Yocuwa 14:8

Ento utumira ma waidho malu wakugi ginyayu lworo i adunde dhanu: ento alubo ndhu Yehova Mungu para.

Yocuwa 2:24

Man giwacu ni Yocuwa kumae, Andha Yehova mio ng’ombe ceke i cingwa; mange ke dhanu ceke m’i ng’ombe ging’oi i wang’wa.

Yocuwa 5:1

Man etimbre, kinde m’ubimo ceke mi Juamori, ma gini loka Yordan yo reto, kud ubimo ceke mi Jukanani, ma gini dhu nam, giwinjo maram Yehova dwono ko pi mi Yordan kud i wang’ nyithindho mir Israel, maram wakadhu ko lokaca, nia adundegi ng’oi ndiri, kadok cwinygi de mbe i igi kendo, kum nyithindho mir Israel.

Yocuwa 7:5

Man dhanu mi Ai goyo kindgi ma yenyo romo dhanu pier adek wi abusiel; man giriemogi kud i wang’ dhugang’ cil kum Cebarim, man gigoyogi i ka m’alora: man adunde dhanu ng’oi ndiri, man gidoko calu pi.

Yocuwa 9:24

Man gidwoko lembe ni Yocuwa, giwacu de kumae, Kum eyere andha ni jutic peri, maram Yehova Mungu peri ng’olo ko ni jatic pare Musa ya emi ng’om maeni ceke iwu man enyoth dhanu ceke m’ubedo i ng’om maeno kud i weng’wu; ka kumeno lworo negowa dit pi kwo mwa ni kumwu, man watimo gin maeni.

Lembanyutha 6:16

man giwacu ni gudi man ni cana kumae, Podh i wiwa, umwa de kud i wang’ ng’atu m’ubedo wi komker man ni kwinyo pa Nyathi Rombo: