Yocuwa 18:6 - The Holy Bible In Alur (Lur) Revised Orthography

⁶ Man wubiporo ng’ombe i ng’ete abiro, man wubikelo lembene keni i bang’a; e abigoyo gagi iwu keni i wang’ Yehova Mungu mwa.

Yocuwa 18:6 ပူးပေါင်းရင်းမြစ်များ

Zaburi 105:11

Ewacu kumae, Abimio ng’om Kanan iri, Gagi mir aba mu;

Lembrieko 16:33

Jugoyo gagi wi bamb; Ento ng’olne ceke en e pa Yehova.

Lembrieko 18:18

Gagi jigo piem, Man ekoyo kind ju ma tek.

Kitabu Mir Ang’wende Pa Musa Wel 33:54

E wubigamu ng’ombe ku gagi calku wat mu; ni ju ma dupa wubimio aba m’usagu, man ni ju ma nok wubimio aba ma nok: ka ma tek gagi podho i ie ni ng’atu moko, e maeno bibedo pare; calku suru pa kwaruwu wubimake.

Kitabu Mir Ang’wende Pa Musa Wel 34:13

E Musa ng’olo ni nyithindho mir Israel, ewacu kumae, Maeni ng’om ma wubimaku ku gagi, ma Yehova ng’olo ya jumi ni suru abung’wen, man ni ng’et suru:

Tic Mi Jukwenda 13:19

E kan enyotho thek abiro m’i ng’om Kanan, emio igi ng’ombe ni aba, mi rundi ma yenyo romo dak ang’wen ku pier abic:

Yocuwa 14:2

ku gagi mir aba migi, calu Yehova ng’olo ku dhu Musa, ni suru abung’wen, man ni ng’et suru.

Yocuwa 18:10

E Yocuwa goyo gagi igi i Cilo i wang’ Yehova: E Yocuwa poko ng’ombe keca ni nyithindho mir Israel calku makapiny migi.

Yocuwa 18:7

Kum Julawi gibedo ku makapiny migi ngo i kindwu; kum lamulam pa Yehova en e aba migi: man Gad ku Ruben ku ng’et suru pa Manase gidaru maku aba migi loka Yordan yo nyangu, ma Musa ma jatic pa Yehova mio igi.

Yocuwa 18:8

E dhanune giai man gicidho: man Yocuwa ng’olo igi gi ju ma gicidho niporo ng’om, ewacu kumae, Wuciwuwoth kud i ng’ombe, man wupore, man wudwog kendo i bang’a; e abigoyo gagi iwu keni i wang’ Yehova i Cilo.