Yocuwa 18:16 - The Holy Bible In Alur (Lur) Revised Orthography

¹⁶ E kieu loro cil kum kajik mi got ma ni i wang’ poga pa wod Hinom, ma ni i poga mi Refaim yor ariwa ma malu: man eloro piny ba poga pa Hinom, ba ng’et Jayebusi yor ariwa ma piny, man eloro piny kum En-rogel;

Yocuwa 18:16 ပူးပေါင်းရင်းမြစ်များ

2 Ubimo 23:10

Man ecido Tofeth, ma ni i poga mi nyithindho pa Hinom, kara ng’atu moko kud uketh wode kadi nyare ukadh kud i mac ba Molek.

Isaya 30:33

Kum Kanyoth juyiko con; eyo, juyiko ni ubimo; etime thuth man lac; udhurune en e mac ku yen ma dit; yuyo pa Yehova, calu kulo mi muganga, ubecwinye.

Yeremia 32:35

Man gigomo ka ma malu pa Bal, ma ni i poga pa wod Hinom, kara uketh wotgi ku nyiggi kadh kud i mac ba Molek; m’ang’olo igi ngo, kadi emondo i pidoic para de ngo, ma nia gitim ginmajudagu maeni, kara uketh Yuda dubi.

Yeremia 19:11

man ibiwacu igi kumae, Yehova mir udul uwacu kumae, Abituro dhanu maeni kud adhura maeni kumeni, calu ng’atu moko turo agulu pa jacwiagulu, ma jucopo dwoko dho kendo ngo; e gibiyiko i Tofeth, maram ka moko bibedo umbe ma juyik i ie.

Yeremia 19:6

ka kumeno, nen, ceng’ ubino, Yehova wacu, nia jubilwong’o kakeni Tofeth kendo ngo, kadi Poga pa wod Hinom de ngo, ento Poga mi Nek.

Yeremia 19:2

man iwok woko i poga pa wod Hinom, ma ni i ng’et kamondo mi dhugang’ ma Harsith, man iyer lembe m’abiyero iri kuca;

2 Lemkei 33:6

Eketho nyithindho pare bende ukadh kud i mac i poga pa wod Hinom; man etimo lembe ku weg jogi, elamu bila de, man etimo ajoga, e etimo ku ju ma weg tipo, man ku weg ajoga: etimo dubo dit i wang’ Yehova, kara unyai ng’ecwiny i ie.

2 Lemkei 28:3

Man ke ewang’u udok ma ng’wice ng’ar i poga pa wod Hinon, man ewang’u nyithindho pare i mac, calku ginmajudagu mi thek ma Yehova bayu woko i wang’ nyithindho mir Israel.

I Lemkei 14:9

Nie Jufilisti gibino giyaku piny de i poga mi Refaim.

1 Ubimo 1:9

Man Adonija nego rombe ku koni dhiang’ ku lim ma ful ful ng’et kidi pa Zoheleth, ma ni i ng’et En-rogel; man elwong’o utumin mire ceke, ma wot ubimo, ku dhanu ceke mi Yuda, ma jutic p’ubimo:

2 Samwil 17:17

Nie Yonathan ku Ahimaz gibedo ng’et En-rogel; man bong’ moko cikucidho yero igi; e gicidho giyero ni Daudi m’ubimo: kum ecopre ngo nia junen gimondo i adhurane.

Jupoklembe 19:10

Ento ng’atuca yio ngo ebed ku diewor maeno, ento eai malu ecidho, manewok kum Yebus (ma en e Yerusalem): man kana ario ni kude m’ubedo ayika mi woth; dhaku pare m’araga bende ni karacelo kude.

Jupoklembe 1:21

Man nyithindho pa Benyamin giriemo Juyebusi m’ubedo i Yerusalem woko ngo; ento Juyebusi gibedo karacelo ku nyithindho pa Benyamin i Yerusalem cil i ceng’ maeni.

Jupoklembe 1:8

Man nyithindho pa Yuda gitimo ali kum Yerusalem, e gimake, man gigoye ku lak palamularu, gicwinyo adhura de ku mac.

Yocuwa 18:28

man Zela ku Elef, man Jayebusi (ma en e Yerusalem), man Gibeath, ku Kiriath; adhura apar wi ang’wen ku pacune. Maeni en e aba mi nyithindho pa Benyamin calku wat migi.

Yocuwa 15:63

Man Juyebusi re, ju m’ubedo i Yerusalem, nyithindho pa Yuda copo riemogi woko ngo: ento Juyebusi gibedo karacelo ku nyithindho pa Yuda i Yerusalem cil i ceng’ maeni.

2 Samwil 5:18

Nwang’u Jufilisti gibino man gimoiri gigi i poga mi Refaim.