Yocuwa 15:8 - The Holy Bible In Alur (Lur) Revised Orthography

⁸ man kieu idho malu ng’et poga pa wod Hinom cil kum ng’et Jaye’ousi yor ariwa ma piny (ma en e Yerusalem); man kieu idho malu wi got m’ubedo i wang’ poga mi Hinom yo reto, ma en e ng’ete ma yo woko ni longro mi Refraim yor ariwa ma malu;

Yocuwa 15:8 ပူးပေါင်းရင်းမြစ်များ

2 Samwil 5:18

Nwang’u Jufilisti gibino man gimoiri gigi i poga mi Refaim.

2 Samwil 5:22

E Jufilisti giidho malu kendo asu, man gimoiri gigi i poga mi Refaim.

2 Ubimo 23:10

Man ecido Tofeth, ma ni i poga mi nyithindho pa Hinom, kara ng’atu moko kud uketh wode kadi nyare ukadh kud i mac ba Molek.

I Lemkei 11:4

Man Daudi kud Israel ceke gicidho Yerusalem (en e Yebus); man Juyebusi, dhanu m’ubedo i ng’om, gini keca.

2 Lemkei 28:3

Man ke ewang’u udok ma ng’wice ng’ar i poga pa wod Hinon, man ewang’u nyithindho pare i mac, calku ginmajudagu mi thek ma Yehova bayu woko i wang’ nyithindho mir Israel.

Nehemia 11:30

man Zanoa kud Adulam, ku pacunegi, man Lakic ku pothine, man Azeka ku pacune. Ka kumeno gigonjo ugambre Ber-ceba cil kum poga mi Hinom.

Isaya 17:5

Man ebibedo calu kinde ma janyar mwoka coko cam ma wi tiende, man bote nyaru withe; eyo, ebibedo calu kinde ma ng’atu moko beko with cam i poga mi Refaim.

Yeremia 19:14

Yeremia lund uai kud i Tofeth, ka ma Yehova ore i ie kara ceu lembaewa; man ecungo i lelagang’ mi ot pa Yehova, man ewacu ni dhanu ceke kumae:

Yeremia 19:2

man iwok woko i poga pa wod Hinom, ma ni i ng’et kamondo mi dhugang’ ma Harsith, man iyer lembe m’abiyero iri kuca;

Yeremia 19:6

ka kumeno, nen, ceng’ ubino, Yehova wacu, nia jubilwong’o kakeni Tofeth kendo ngo, kadi Poga pa wod Hinom de ngo, ento Poga mi Nek.

Yocuwa 15:63

Man Juyebusi re, ju m’ubedo i Yerusalem, nyithindho pa Yuda copo riemogi woko ngo: ento Juyebusi gibedo karacelo ku nyithindho pa Yuda i Yerusalem cil i ceng’ maeni.

Yocuwa 18:16

E kieu loro cil kum kajik mi got ma ni i wang’ poga pa wod Hinom, ma ni i poga mi Refaim yor ariwa ma malu: man eloro piny ba poga pa Hinom, ba ng’et Jayebusi yor ariwa ma piny, man eloro piny kum En-rogel;

Yocuwa 18:28

man Zela ku Elef, man Jayebusi (ma en e Yerusalem), man Gibeath, ku Kiriath; adhura apar wi ang’wen ku pacune. Maeni en e aba mi nyithindho pa Benyamin calku wat migi.

Jupoklembe 1:21

Man nyithindho pa Benyamin giriemo Juyebusi m’ubedo i Yerusalem woko ngo; ento Juyebusi gibedo karacelo ku nyithindho pa Benyamin i Yerusalem cil i ceng’ maeni.

Jupoklembe 1:8

Man nyithindho pa Yuda gitimo ali kum Yerusalem, e gimake, man gigoye ku lak palamularu, gicwinyo adhura de ku mac.

Jupoklembe 19:10

Ento ng’atuca yio ngo ebed ku diewor maeno, ento eai malu ecidho, manewok kum Yebus (ma en e Yerusalem): man kana ario ni kude m’ubedo ayika mi woth; dhaku pare m’araga bende ni karacelo kude.