Yocuwa 14:6 - The Holy Bible In Alur (Lur) Revised Orthography

⁶ Nyithindho pa Yuda gilund gicoro ceng’ni kum Yocuwa i Gilgal: man Kaleb ma wod Yefune ma Jakenizi wacu ire kumae, Ing’eyo gin ma Yehova yero ni Musa ma dhanu pa Mungu pira man piri i Kadec-barnea.

Yocuwa 14:6 ပူးပေါင်းရင်းမြစ်များ

Kitabu Mir Ang’wende Pa Musa Wel 14:30

andha wubimondo i ng’ombe ngo, m’akwong’o pire nia abiketho wubed i ie, ndhu Kaleb ma wod Yefune, man Yocuwa ma wod Nun.

Kitabu Mir Ang’wende Pa Musa Wel 14:24

ento jatic para ma Kaleb, kum ebedo ku tipo mange kude, man eluba ku cwinye ceke, abitere i ng’om m’emondo i ie; man kodhine bimwonye.

Kitabu Mir Ang’wende Pa Musa Wel 13:6

Mi suru pa Yuda, Kaleb ma wod Yefune.

Yocuwa 14:14

Ka kumeno Hebron udoko aba pa Kaleb ma wod Yefune ma Jakenizi cil i ceng’ ma tin; kum elubo ndhu Yehova, Mungu mir Israel.

Kitabu Mir Ang’wende Pa Musa Wel 14:6

Man Yocuwa ma wod Nun man Kaleb ma wod Yefune, ma gi kind ju m’ulibo ng’ombe, giyeco kendi migi:

Yocuwa 15:17

Man Othniel ma wod Kenaz, m’umin Kaleb, emake: man emio Aksa ma nyare ire ni dhaku.

Kitabu Mir Ang’wende Pa Musa Wel 32:12

ndhu Kaleb ma wod Yefune ma Jakenizi, ku Yocuwa ma wod Nun; kum gilubo Yehova ku cwinygi ceke.

Kitabu Mir Ang’wende Pa Musa Wel 13:26

E gicidho gibino ba Musa, man ba Harun, man bang’ udul ceke mi nyithindho mir Israel, ba langa mi Paran, ba Kadec; man gidwoko lembe i bang’gi, man bang’ udul ceke, e ginyutho igi nying’ piny m’i ng’ombe.

Zaburi 90:1

Rwoth, ibedo ni kabedo mwa Kum dhanum’utuk ceke.

2 Timoteo 3:17

kara dhanu pa Mungu copo romo kakare, m’eyikre ndhu kum tic ceke ma ber kubang’gi kubang’gi.

1 Timoteo 6:11

Ento in re, in i dhanu pa Mungu, ring gini; man ilub peri tok bedopwe, ku bedo ma ayi Mungu ni kume, ku yioyic, ku mer, ku twiocwiny, ku molcwiny.

2 Ubimo 8:11

Man enene tel, maram lewic umake ko: e dhanu pa Mungu ywak.

2 Ubimo 8:7

Man Elica bino Dameski; e Ben-hadad m’ubimo mi Cami kume lith; man juyero pire ire, juwacu kumae, Dhanu pa Mungu bino keni.

2 Ubimo 4:42

E ng’atu moko ai kud i Bakalica, man ekelo kwen mi mwoka ni dhanu pa Mungu, kwen m’ang’ina mi nganu pier ario, man cam ma nyen ma wizi i usau pare. Man ewacu kumae, Mi ni dhanu, kara gicam.

2 Ubimo 4:16

Man ewacu kumae, Kar unyoni, kinde ma nindo romo, ibigwaku nyathin ma nico. Man ewacu kumae, Ungo, rwoth para, in i dhanu pa Mungu, kud icwai ndra ni bong’ peri.

2 Ubimo 4:9

Man ewacu ni cware kumae, Kawono nen, ang’eyo nia ng’atu maeni en e dhanu pa Mungu ma leng’, ma bekadhu kud i bang’wa thiri thiri.

1 Ubimo 13:14

E elubo tok dhanu pa Mungu, man enwang’e m’ebedo the bongu m’ujany; e ewacu ire kumae, In i dhanu pa Mungu m’uai kud i Yuda? Man ewacu kumae, An a en.

1 Ubimo 13:1

Man, nen, dhanu pa Mungu ai kud i Yuda ku lembe pa Yehova i Beth-el: e Yeroboam ucungo ng’et pemblam kara ewang’ udok ma ng’wice ng’ar.

Yocuwa 10:43

E Yocuwa dwogo, ku Israel ceke gikugi, ba kagonjo i Gilgal.

Yocuwa 4:19

E dhanu giidho malu ku i Yordan i ceng’ mir apaje mi dwi ma kwon’ane, man giguro hema i Gilgal, i kieu Yeriko ma yo nyangu.

Poi Mi Cik 34:10

Man jabila fodi uwok ungo i kind Israel ma calu Musa, ma Yehova ng’eyo wang’ ku wang’,

Poi Mi Cik 34:5

Kum kumeno Musa ma jatic pa Yehova tho kuca i ng’om mi Moab, calku lembe pa Yehova.

Poi Mi Cik 33:1

Man mugisa maeni en e mugisa ma Musa ma dhanu pa Mungu mio ni nyithindho mir Israel ma fodi etho ngo.

Kitabu Mir Ang’wende Pa Musa Wel 13:30

E Kaleb ujuko dhanu gi ling’ i wang’ Musa, man ewacu kumae, Wek waidhu kawono, man wagame iwa: kum wacopo sage andha.

Kitabu Mir Ang’wende Pa Musa Wel 26:65

Kum Yehova wacu pigi kumae, Gibitho i langa andha. Man ng’atu acel de mbe i kindgi m’udong’, ndhu Kaleb ma wod Yefune, man Yocuwa ma wod Nun.

Yeremia 35:4

e akelogi i ot pa Yehova, i kusika mi wot Hanan ma wod Igdalia, ma dhanu pa Mungu, ma ni i ng’et kusika mi judongomawijo, ma ni malu wi kusika pa Maseya ma wod Calum, ma jagwok kamondo.

I Lemkei 23:14

Ento pi Musa ma dhanu pa Mungu, julwong’o wote kind suru pa Lawi.