Yocuwa 14:4 - The Holy Bible In Alur (Lur) Revised Orthography

⁴ Kum nyithindho pa Yusuf gi suru ario, Manase ku Efraim: man gimio makapiny ungo ni Julawi i ng’ombe, ndhu adhura ma gibed i ie, ku ng’et ng’ombe mi lim migi man mi piny migi.

Yocuwa 14:4 ပူးပေါင်းရင်းမြစ်များ

Thangambere 41:51

Man Yusuf ulwong’o nying’ ma kayu Manase: Kum, ewacu, Mungu ketho wia wil kum muli mi tic para ceke, ku ot pa vwa ceke.

Thangambere 41:52

Man nying’ mir arionde elwong’o Efraim: Kum Mungu ketho acego nying’ i ng’om mi masendi para.

Thangambere 46:20

Man junyolo Manase giku Efraim ni Yusuf i ng’om Misiri, ma Asenath ma nyar Potifera ma jalam mi On, unyolo ire.

Thangambere 48:1

Man etimbre yo ng’ei gin maeni, nia ng’atu acel uwacu ni Yusuf kumae, Nen, kum wuru lith: man egamu wote ario gikugi, Manase gikud Efraim.

Thangambere 48:5

Man kawono woti ario, ma junyolo iri i ng’om Misiri ma fodi abino i beng’i ngo i Misiri, gi para; Efraim giku Manase, cil calu Ruben ku Simeon, gibibedo para.

Thangambere 48:6

Man kodhi peri, m’ibinyolo yo ng’eigi, bibedo peri; gibilwongri tok nying utumeggi i aba migi.

2 Lemkei 30:1

Man Hezekia oro kwenda bang’ Israel ku Yuda ceke, man egoro waraga bende ni Efraim ku Manase, nia maku gibin ba ot pa Yehova i Yerusalem, kara gikwir kadhukuwijo ni Yehova, Mungu mir Israel.

Kitabu Mir Ang’wende Pa Musa Wel 26:28

Wot Yusuf tok wat migi gi eni: Manase gikud Efraim.

Yocuwa 16:4

Man nyithindho pa Yusuf, en e Manase kud Efraim, gimaku aba migi.