Yocuwa 12:1 - The Holy Bible In Alur (Lur) Revised Orthography

¹ Nie maeni gi ju m’ubimo mi ng’ombe, ma nyithindho mir Israel gigoyo, man gimwonyo ng’om migi loka Yordan yo ku wokceng’, ugambre kum poga mir Arnon cil kum got Hermon, man ng’om Araba pet yo nyangu:

Yocuwa 12:1 ပူးပေါင်းရင်းမြစ်များ

1 Ubimo 4:19

Geber ma wod Uri, i ng’om Gilead, ng’om pa Sihon m’ubimo mi Juamori man pa Og m’ubimo mi Bacan; man en e jego e kende m’eni i ng’ombe.

Zaburi 133:3

Calu thoi mi Hermon, M’uloro piny wi gudi mi Sayuni: Kum Yehova ng’olo mugisa kuca, En e kwo mi nja.

Zaburi 136:21

Man emio ng’om migi ni aba; Kum mer mi bero pare bedo mi nja;

Zaburi 89:12

Yor ariwa ma malu man yor ariwa ma piny, iewiogi: Anyong’a nego Tabor man Hermon ni kum nyingi.

Isaya 16:2

Kum ebibedo, calu winyo m’uberingo swa, calu odwinyo ma jung’enyo, nyig Moab bibedo kumeca i kakadhu mir Arnon.

Kitabu Mir Ang’wende Pa Musa Wel 21:13

Giwotho ugambre kuca, man gigonjo loka Arnon, ma eni i langa, m’uai kud i kieu mi Juamori: kum Arnon en e kieu mi Moab, i kind Moab ku Juamori.

Kitabu Mir Ang’wende Pa Musa Wel 21:21

E Israel uoro jukwenda ba Sihon m’ubimo mi Juamori, ewacu kumae,

Kitabu Mir Ang’wende Pa Musa Wel 21:24

Man Israel ugoye ku lak palamularu, e emwonyo ng’om pare ugambre Arnon cil kum Yabok, cik ba nyithindho mir Arnon; kum kieu mi nyithindho mir Amon e tek.

Kitabu Mir Ang’wende Pa Musa Wel 32:19

Kum wabinwang’u aba karacelo kugi ngo loka Yordan, man yor i wang’gi; kum aba mwa podho iwa lokani ng’et Yordan yo nyangu.

Kitabu Mir Ang’wende Pa Musa Wel 32:32

Wabikadhu lokaca aronya ku jamtho i wang’ Yehova i ng’om mi Kanan man piny mir aba mwa bidong’ karacelo kudwa loka Yordan.

Kitabu Mir Ang’wende Pa Musa Wel 32:33

E Musa mio igi, en e ni nyithindho pa Gad, man ni nyithindho pa Ruben, man ni ng’et suru pa Manase ma wod Yusuf, ker pa Sihon m’ubimo mi Juamori, man ker pa Og m’ubimo mi Bacan, en e ng’om, calkud adhurane ku kieune, cil adhura mi ng’om m’utieke gbur.

Poi Mi Cik 2:24

Wuai malu, wutug woth mu, man wukadh loka poga mir Arnon: nen, amio Sihon ma Jaamori, m’ubimo mi Hecbon, ku ng’om pare, i cingi; wumak mwonye, man wuii kude i lwiny.

Poi Mi Cik 2:32

E Sihon ulund uwok woko i kumwa, en ku dhanu pare ceke, i lwiny i Yahaz.

Poi Mi Cik 3:1

Walund walokra, man waidho yo mi Bacan: e Og m’ubimo mi Bacan uwok woko i kumwa, en ku dhanu pare ceke, ni lwiny i Edrei.

Poi Mi Cik 4:44

Man maeni cik ma Musa ketho i wang’ nyithindho mir Israel:

Poi Mi Cik 4:46

loka Yordan, i poga yo ba Beth-peor, i ng’om pa Sihon m’ubimo mi Juamori, m’ubedo i Hecbon, ma Musa ku nyithindho mir Israel gigoyo, kinde ma giai kud i Misiri.

Poi Mi Cik 4:48

ugambre Aroer, ma ni dhu poga mir Arnon, cil kum got Sayuni (en e Hermon),

Yocuwa 1:15

cil ma Yehova mio ko yom ni juwedu, calu emio iwu, man gin bende gimwonyo ng’om ma Yehova Mungu mu mio igi: ka wubilund dwogo i ng’om ma piny mu, e wubimwonye, ma Musa ma jatic pa Yehova mio iwu loka Yordan yo ku wokceng’.

Yocuwa 11:17

ugambre kum got Halak, m’uidho malu kum Seir, cil kum Bal-gad i poga mi Lebanon the got Hermon: man emaku ubimo migi ceke, egoyogi de, man enegogi.

Yocuwa 11:3

man ba Jakanani yo nyangu ku yo reto, man ba Jaamori, ku Jahiti, man Japerizi, ku Jayebusi i ng’om gudi, man Jahivi the got Hermon i ng’om mi Mizpa.

Yocuwa 13:8

Karacelo kude Jurubeni ku Jugadi gimaku aba migi, ma Musa mio igi, loka Yordan yo nyangu, cil calu Musa ma jatic pa Yehova mio igi:

Yocuwa 22:4

E kawono Yehova Mungu mu mio yom ni utumegwu, calu eyero igi: ka kumeno kawono wudoki, man wuci ba hema mu, i ng’om ma piny mu, ma Musa ma jatic pa Yehova mio iwu loka Yordan.

Jupoklembe 11:18

Gilund gicidho kud i yamba, man gidhoko ng’om mir Edom, ku ng’om mi Moab, man gibino yor i ng’et ng’om mi Moab yo nyangu, man gigonjo yo loka Arnon; ento gimondo ngo i kieu mi Moab, kum Arnon en e kieu mi Moab.