Yocuwa 11:20 - The Holy Bible In Alur (Lur) Revised Orthography

²⁰ Kum Yehova dwoko adundegi nwang’, kara gibin kum Israel i lwiny, kara enyothgi kot, kara ku ginwang’ bero, ento kara enyothgi, calu Yehova ng’olo ni Musa.

Yocuwa 11:20 ပူးပေါင်းရင်းမြစ်များ

2 Samwil 17:14

E Absalom ku dhanu mir Israel ceke giwacu kumae, Lembapora pa Hucai ma Jaarki e ber ma sagu lembapora pa Ahithofel. Kum Yehova ketho ya junyoth lembapora ma ber pa Ahithofel, kara Yehova kel lem ma rac kum Absalom.

1 Ubimo 12:15

Kum kumeno ubimo winjo dwand dhanu ngo; kum en e lembe ma Yehova ketho uwoki, kara eketh lembe pare cungi, ma Yehova yero ku dhu Ahija ma Jaciloni ni Yeroboam ma wod Nebat.

2 Lemkei 22:7

Nwang’u nyoth pa Ahazia ai ba Mungu, kum ecidho ba Yoram: kum kinde m’ebino, ewok woko giku Yehoram kum Yehu ma wod Nimci, ma Yehova wiro kara ekab juot pa Ahab.

2 Lemkei 25:16

Man etimbre, kinde m’eweco kude, nia ubimo wacu ire kumae, Wakethi kind juporlembe p’ubimo? bed ling’; iyenyo jugoi nedi? Jabilane lund uling’, man ewacu kumae, Ang’eyo nia Mungu keco nia enyothi, kum itimo maeni, man iwinjo lembapora para ngo.

Ai 10:1

E Yehova wacu ni Musa kumae, Mond ba Farao: kum adwoko adundene nwang’, kud adunde mi jutic pare, kara anyuth giranyutha para maeni i kindgi,

Ai 11:10

Man Musa giku Harun gitimo musana maeni ceke i wang’ Farao: e Yehova dwoko adunde Farao nwang’, man eyio ngo ya nyithindho mir Israel uai kud i ng’om pare.

Ai 14:17

Man an, nen, abidwoko adunde Jumisiri nwang’, man gibimondo i tokgi: man abinwang’u yung ni kum Farao, man ni kum udul pare ceke, man kum magali pare, man kum weg riuni pare.

Ai 14:4

E abidwoko adunde Farao nwang’ man ebilubo tokgi; man abinwang’u yung ni kum Farao, man kum udul pare ceke; e Jumisiri bing’eyo nia an a Yehova. E gitimo kumeca.

Ai 14:8

E Yehova dwoko adunde Farao m’ubimo mi Misiri nwang’, man elubo tok nyithindho mir Israel: kum nyithindho mir Israel giwok woko ku cing’ ma tek.

Ai 4:21

Man Yehova wacu ni Musa kumae, Kan idok i Misiri, nen nia itim musana ceke m’aketho i cingi i wang’ Farao: ento abidwoko cwinye nwang’, e ebiweko dhanu cidho ngo.

Ai 9:12

E Yehova dwoko adunde Farao nwang’, man ewinjo gi ngo; calu Yehova yero ni Musa.

Ai 9:16

ento andha pi lembe maeni aketho icungo, kara anyuth iri tego para, man kara juyer pi nyinga i ng’om ngung’.

Isaya 14:24

Yehova mir udul ukwong’o kwong’, ewacu kumae, Andha, calu ia pido, ebitimbre kumeca; man calu akeco, ebicungo kumeca:

Isaya 34:2

Kum ng’ecwiny unego Yehova kum thek ceke, man kwinyo kum udul migi ceke: enyothogi kot, emiogi mi nek.

Jurumi 9:18

Kum kumeno kisa nege kum ng’atu m’eyenyo; man edwoko cwiny ng’atu m’eyenyo tek.

Poi Mi Cik 2:30

Ento Sihon m’ubimo mi Hecbon uyio ngo wakadh ku yor i bang’e; kum Yehova Mungu peri dwoko cwinye tek, man edwoko adundene tek kara emie i cingi, calu i ceng’ ma tin.

Poi Mi Cik 7:16

Man ibinyotho kodhidhanu ceke ma Yehova Mungu peri bimio iri; ngisi kud uneg weng’i i kumgi: kadok mungu migi de kud itim igi; kum maeno bibedo ni uwic iri.

Jupoklembe 14:4

Ento won ku min ging’eyo ngo nia maeni ai ba Yehova; kum eyenyo kalembe wi Jufilisti. Nwang’u i nindo maeca Jufilisti gibimo wi Israel.

1 Samwil 2:25

Tek ng’atu acel udubo ni wadi, Mungu bipoko lembe i wie; ento tek ng’atu moko dubo ni Yehova, ng’a ma bikwayu pire? Ento, giwinjo dwand weggi ngo, kum Yehova yenyo eneggi.