Yocuwa 11:11 - The Holy Bible In Alur (Lur) Revised Orthography

¹¹ E gigoyo ng’eyong’ec ceke ma gini i ie ku lak palamularu, ma ginyotho kogi kot; moko mbe m’udong’ ma yuyo: e ewang’u Hazor ku mac.

Yocuwa 11:11 ပူးပေါင်းရင်းမြစ်များ

Poi Mi Cik 20:16

Ento mir adhura mi kodhidhanu maeni, ma Yehova Mungu peri mio iri ni aba, kud ibodh gin moko ma yuyo ma kwo;

Poi Mi Cik 3:7

Ento lim ceke, kud ayeki mir adhura, wagamu ni amaci iwa giwa.

Poi Mi Cik 7:2

man kinde ma Yehova Mungu peri bimiogi i weng’i, man ibigoyogi; dong’ inyothgi pet: kud itim lembariba kugi, kadi kud inyuth kisa igi;

Yocuwa 10:40

Kum kumeno Yocuwa goyo ng’om maeno ceke, man ng’om gudi, ku ng’om ma yor ariwa ma piny, ku ng’om poga, ku ng’om m’alora, kud ubimo migi ceke; eweko moko ngo m’udong’, ento enyotho gin ceke m’uyuyo kot, calu Yehova, Mungu mir Israel, ung’olo.

Yocuwa 6:21

E ginyotho gin ceke ma ni i adhura kot, co ku mon bende, nyithindho ku judongo de, man dhiang’ ku rombe, ku kana ginegogi ceke ku lak palamularu.

Yocuwa 6:24

Man giwang’u adhurane ku mac, ku gin ceke ma ni i ie; ndhu mola ma tar, ku mola ma kwar, man agulu mi mola ku mi nyunyu, e ma giketho i kakanpiny mi ot pa Yehova.