Yocuwa 10:13 - The Holy Bible In Alur (Lur) Revised Orthography

¹³ E ceng’ ucungo tii, man dwi de cere, Maram thek uculo ko kwor kum judegi migi. Maeni gore ngo i kitabu pa Yacari? E ceng’ ucungo tii i die polo, man emwony pio ngo ma yenyo romo ceng’ acel bo.

Yocuwa 10:13 ပူးပေါင်းရင်းမြစ်များ

2 Samwil 1:18

(Man ewacu igi ya giponj nyithindho pa Yuda ku wer mir atum: nen, egore i kitabu pa Yacar):

2 Ubimo 20:10

E Hezekia loko lembe kumae, En e gin ma yot ni tipo tek ecidho acidha dakutielo apar: ungo, ento wek tipo dok cen dakutielo apar.

Ester 8:13

Wadi waraga mi lembagorane, nia juyer cikne i ng’etker ceke kubang’gi kubang’gi, uyere ni kodhidhanu ceke, man nia Juyahudi gibed ayika kum ceng’ maeca kara gicul kwor kum judegi migi.

Kitabu Pa Yob 9:7

M’eng’olo ni ceng’, e ewok ungo, M’emwono kum cero de;

Zaburi 148:3

Wupake, wu ceng’ ku dwi: Wupake, wu cero mi der.

Zaburi 19:4

Thondhgi cidho i ng’om ngung’, Man lembe migi cidho i tung’ ng’om. Eketho hema mi ceng’i igi,

Isaya 24:23

Cwiny dwi bilund ng’abre, man lewic bimaku ceng’: kum Yehova mir udul bicamu ker wi got Sayuni, man i Yerusalem; man dwong’ bibedo nuti wang’ judongo pare.

Isaya 38:8

nen, abidwoko tipopiny mi wel kendo, m’uloro piny i jampor mi ceng’ pa Ahaz, udok cen wel apar. Ka kumeno ceng’ udok cen wel apar i wel m’eloro ko piny.

Yoel 2:10

Ng’om uyengre i wang’gi; polo de yengre; ceng’ ku dwi de doko col, man cero de geng’o rieny migi.

Yoel 2:31

Ceng’ bilokre ni mudho, dwi de ni rimo, ma fodi ceng’ ma dit pa Yehova mi ndiri fok’uwok ungo.

Yoel 3:15

Ceng’ ku dwi giyutho, man cero gong’o rieny migi.

Habakuk 3:11

Ceng’ ku dwi gicungo ti i kabedo migi, Ni der mir athero peri ka gicidho, Ni rieny mi tong’ peri ka giriang’ni.

Kitabu Mir Ang’wende Pa Musa Wel 21:14

Kum kumeno juwacu i kitabu mi Lwiny pa Yehova kumae, Vaheb i Sufa, Ku poga mir Arnon,

Kitabu Mir Ang’wende Pa Musa Wel 31:2

Cul kwor mi nyithindho mir Israel kum Jumidiani: yo ku ng’eye jubicoki ba juthu.

Matayo 24:29

Ento ndhu ndhu yo ng’ei masendi mi ceng’ maeno ceng’ bidoko col, dwi de birieny ungo, cero de bioi kud i polo, tego mi polo de biyengre;

Matayo 5:45

kara wubed wot Wegwu ma ni i polo: kum eketho ceng’ pare dongo wi judubo ku jubero bende, man ekonjo koth wi ju ma pwe ku wi ju ma pwe ngo bende.

Luka 18:7

E Mungu biculo wang’ lembe mi ju m’egoyo wigi ngo m’uywak i bang’e dieceng’ ku diewor, ento fodi etwio cwinye i kumgi?

Tic Mi Jukwenda 2:20

Ceng’ bilokre ni mudho, Dwi ke ni rimo, Ma fodi ceng’ pa Rwoth ku wok ungo, Cenguno m’e dwong’ pire de dit:

Yocuwa 10:11

Man etimbre, ka giringo kud i wang’ Israel, kinde ma gini i ka m’alora mi Beth-horon, nia Yehova bolo kidi ma dit piny kud i polo i wigi cil kum Azeka, e githo: ju m’utho ku kidi mi pei gi dit ma sagu ju ma nyithindho mir Israel unego ku palamularu.

Yocuwa 10:14

Man ceng’ acel umbe calu maeno m’ular uwok i wang’e kadi m’ulubo ng’eye, nia Yehova winjo dwand dhanu: kum Yehova kiedo pir Israel.

Lembanyutha 21:23

Man adhurane can ceng’ umbe i kume, kadok mi dwi de, nia urieny i wie: kum dwong’ pa Mungu care, man thalane en e Nyathi Rombo.

Lembanyutha 6:10

man gikok ku dwandgi ma dit, giwacu kumae, Rokani, E Rwoth, m’i leng’ andha de, ipoko lembe man iculo wang’ rimbwa wi ju m’ubedo wi ng’om ungo?

Lembanyutha 6:12

Man aneno kan ealu ayi mir abusiende, e digidi ma dit uyengre; man ceng’ udoko col calu gonia mi yuk diel ma mujuga, man dwi ceke doko calu rimo;

Lembanyutha 8:12

Man malaika mir ang’wende kudho agwara, e jugoyo theng ceng’ mir adege, ku theng dwi mir adege, man theng cero mir adege; kara theng piny mir adege yuthi, man rupiny kud ubed nuti ni theng piny mir adege, man diewor de kumeca.

Jupoklembe 16:28

Man Samson ulwong’o Yehova, man ewacu kumae, E Rwoth Yehova, poi pira, akwei, man imi ira tego akwei, wang’ acel maeni kende, E Mungu, kara acul kwor kum Jufilisti pi wang’a ario.

Jupoklembe 5:2

Kum jutelwic gitelo wie i Israel, Kum dhanu githieri gigi ku berocwinygi, Wumi mugisa ni Yehova.