Yocuwa 10:1 - The Holy Bible In Alur (Lur) Revised Orthography

¹ Nie etimbre, kan Adonizedek m’ubimo mi Yerusalem uwinjo maram Yocuwa maku ko Ai, man maram enyothe ko pet (calu etimo kum Yeriko kud ubimo pare, etimo kum Ai kud ubimo pare kumeca), man maram dhanu m’ubedo i Gibeon gitimo ko kwiocwiny kud Israel, man nia gini i kindgi;

Yocuwa 10:1 ပူးပေါင်းရင်းမြစ်များ

Thangambere 14:18

Man Melkizedek ubimo mi Salem ukelo kwen ku pigulok: man en e jalam pa Mungu ma Malu Ngbir.

Juebrania 7:1

Kum Melkizedek maeni, ubimo mi Salem, jalam pa Mungu ma Malu Ngbir, m’erombo kud Ibrahim nwang’u ebedwogo m’eai i nek mir ubimo man emio ire mugisa,

Yocuwa 10:3

Kum kumeno Adonizedek m’ubimo mi Yerusalem uoro kwenda ba Hoham m’ubimo mi Hebron, man ba Piram m’ubimo mi Yarmuth, man ba Yafia m’ubimo mi Lakic, man ba Debir m’ubrmo mi Eglon, ewacu kumae,

Yocuwa 6:21

E ginyotho gin ceke ma ni i adhura kot, co ku mon bende, nyithindho ku judongo de, man dhiang’ ku rombe, ku kana ginegogi ceke ku lak palamularu.

Yocuwa 8:2

man ibitimo kum Ai kud ubimo pare calu m’itimo kum Yeriko kud ubimo pare: ento ayekine, ku lim mir adhurane, wubigamu ni giramaci iwu giwu: dong’ iketh weg adhi i ng’ei adhurane.

Yocuwa 8:21

E kinde ma Yocuwa kud Israel ceke gineno nia ju m’ukanu adhi gimaku adhurane, man nia yiro mir adhurane winjre malu, gilund gilokri kendo, man ginego dhanu mi Ai.

Yocuwa 9:3

Ento ka dhanu m’ubedo i Gibeon giwinjo gin ma Yocuwa timo kum Yeriko man kum Ai,