Yocuwa 1:9 - The Holy Bible In Alur (Lur) Revised Orthography

⁹ Ang’olo iri ngo? Bed tek man ku tegocwiny ma ber; lworo kud unegi, kadok cwinyi de kud ung’abre: kum Yehova Mungu peri ni i beng’i i ka ceke ma tek icidho i ie.

Yocuwa 1:9 ပူးပေါင်းရင်းမြစ်များ

Thangambere 28:15

Man, nen, wanuti wakudi, man abigwoki ka ma tek icidho i ie, e abikeli kendo i ng’om maeni: kum abiweki ngo, ma fok’atimo lembe m’ayero pire iri ngo.

Thangambere 39:2

E Yehova ni karacelo ku Yusuf; en e ng’atu ma won mierolembe; man eni i ot pa jadit pare ma Jamisiri.

Thangambere 39:3

Man jadit pare neno nia Yehova ni kude, man nia Yehova ketho gin ceke m’etimo bedo miero i cinge.

2 Samwil 13:28

Man Absalom ung’olo ni jutic pare, ewacu kumae, Wunen kawono, kinde ma pigulok umero adunde Amnon; man kinde m’awacu iwu kumae, Goi Amnon, e wunege; lworo kud unegwu; ang’olo iwu ngo? wubed ku tegocwiny, man wubed jiurukara.

I Lemkei 28:20

Man Daudi wacu ni Suleman ma wode kumae, Bed tek man ku tegocwiny ma ber, man itime: kud ilwor, kadi cwinyi de kud ung’abre; kum Yehova Mungu, en e Mungu para, eni kudi; ebirem iri ngo, kadi akuna de ebikuni ngo, cil ma tic ceke mi timotim mi ot pa Yehova bithum ko.

2 Lemkei 15:7

Ento dong’ wubed tek, man kud wuwek cingwu bed ng’ic; kum tic mu binwang’u sukulia.

Zaburi 46:7

Yehova mir udul ni i bang’wa; Mungu pa Yakobo en e kapondo mwa. [Sela.

Isaya 41:10

lworo kud unegi, kum wanuti wakudi; cwinyi kud ung’abre, kum an a Mungu peri; abimio iri tego; eyo, abikonyi; eyo, abijengi ku cing’ ma yor acwic mi bedopwe para.

Isaya 43:1

Ento kawono Yehova m’ucwii wacu kumae, E Yakobo, man ng’atu m’ung’ini, E Israel: Lworo kud unegi, kum aweri; alwong’i ku nyingi, in i para.

Isaya 43:5

Lworo kud unegi; kum wanuti wakudi: abigamu kodhini ku yo nyangu, man abicoki ku yo reto;

Isaya 8:12

Kud wuwac kumae, Rop, kum gin ceke ma dhanu maeni biwacu pire kumae, Rop; kadi kud wulwor lworo migi, kadi bebe de kud umakwu pire.

Daniel 10:19

Man ewacu kumae, E ng’atu ma jumaru dit, lworo kud unegi: kwiocwiny ubed iri, bed ku tego, eyo, bed ku tego. E kinde m’eyero ira, judwoka tek, man awacu kumae, Wek rwoth para weci, kum idwoka tek.

Hagai 2:4

Ento kawono wubed tek, E Zerubabel, Yehova wacu; man bed tek, E Yocuwa, ma wod Yehozadak, ma jalam ma dit; man wubed tek, wu dhanu ceke mi ng’om, Yehova wacu, man wutim tic: kum wanuti wakudu, Yehova mir udul uwacu,

Hagai 2:5

calku lembe ma waribo wakudu ka wuai kud i Misiri, man Tipona bedo i kindwu: kud wulwor.

Tic Mi Jukwenda 4:19

Ento Petro giku Yohana gidwoko lembe giwacu igi kumae, Tek en e atira i wang’ Mungu ya wawinj i beng’wu ma sagu ma ba Mungu, wupok wun:

Poi Mi Cik 1:21

Nen, Yehova Mungu peri ketho ng’om i weng’i; idh malu, e imwony, calu Yehova, Mungu pa kwaru, uyero iri; lworo kud unegi, kadok cwinyi de kud ung’abre.

Poi Mi Cik 20:1

Kinde m’icidho ba lwiny kum judegi peri, man ineno riuni, ku magali, man dhanu ma welgi segi, lworo kud unegi i kumgi; kum wunuti wuku Yehova Mungu perigi, m’uwodhi woko kud i ng’om Misiri.

Poi Mi Cik 31:23

Man emio km ni Yocuwa ma wod Nun, ewacu de kumae, Bed jakero man ku tegocwiny ma ber; kum ibitero nyithindho finir Israel i ng’om m’akwong’o igi: e wabibedo wakudi.

Poi Mi Cik 31:28

Wucok judongo ceke mi suru mu i bang’a, ku juwitic mu, kara ayer lembe maeni i ithgi, man alwong’ polo ku ng’om ni jumulembe i kumgi.

Yocuwa 1:10

Yocuwa lund ung’olo ni jego mi dhanu, ewacu kumae,

Yocuwa 1:17

Calu wawinjo ba Musa i gin ceke, wabiwinjo i beng’i kumeca: ento Yehova Mungu peri re bed kudi, calu naka ebedo ku Musa.

Yocuwa 1:18

Ng’atu ma tek bijai kum lembang’ola peri, man ebiwinjo lembe peri ngo i gin ceke m’ing’olo ire, jubinege: ento ibed tek man ku tegocwiny ma ber.

Yocuwa 10:25

Man Yocuwa wacu igi kumae, Kud wulwor, kadi cwinywu kud ung’abre: wubed tek man cwinywu bed tek: kum Yehova bitimo kumeni kum jukwojwu ceke ma wukiedo wukugi.

Yocuwa 10:8

E Yehova wacu ni Yocuwa kumae, Kud ilworgi: kum amiogi i cingi: ng’atu moko mbe m’i kindgi ma bicungo i weng’i.

Yocuwa 3:7

Man Yehova wacu ni Yocuwa kumae, I ceng’ maeni abimaku yungi i wang’ Israel ceke, kara ging’ei nia, calu naka abedo ku Musa, abibedo kudi kumeca.

Yocuwa 6:27

Kum kumeno Yehova bedo karacelo ku Yocuwa; man pire yik i ng’ombe ceke.

Yocuwa 8:1

Man Yehova wacu ni Yocuwa kumae, Kud ilwor, kadi cwinyi de kud ung’ abre: gam dhanu ceke mir ali karacelo kudi, man wuai, wuidh malu ba Ai; nen, amio ubimo mi Ai i cingi, ku dhanu pare, man adhura pare, ku ng’om pare;

Jupoklembe 6:14

E Yehova neno i bang’e, man ewacu kumae, Cidh i tego peri maeni, man ibodh Israel kud i cing’ Midian: aori ngo?

1 Samwil 10:7

Man wek ebed, kinde ma giranyutha maeni bibino i beng’i, nia itim calu cingi binwang’u; kum Mungu ni karacelo kudi.