Yocuwa 1:7 - The Holy Bible In Alur (Lur) Revised Orthography

⁷ Ento bed tek man ku tegocwiny ma dit, kara ikur itim de calku cik kpo, ma Musa ma jatic para ng’olo iri: kud ilokri kud i bang’e yo ku cingi ma yor acwic kadi ma yor acam, kara ibed ku mierolembe ka ceke ma tek icidho i ie.

Yocuwa 1:7 ပူးပေါင်းရင်းမြစ်များ

1 Ubimo 2:2

Abecidho i yo ma ng’om ceke cidho i ie: ka kumeno bed tek, man inyuthri giri nia in i nico;

1 Ubimo 2:3

man igwok lembang’ola pa Yehova Mungu peri, kara iwoth i yo pare, kara igwok cik pare, ku lembang’ola pare, man lembapoka pare, ku lembatuca pare, calku maeno m’ugore i cik pa Musa, kara gin ceke m’itimo bed miero, man ka ceke ma tek ilokri i ie giri;

2 Ubimo 22:2

E etimo gin m’ubedo atira i wang’ Yehova, man ewotho i yo pa Daudi ma kwaru mire ceke, e elokre cen i cing’ ma yor acwic kadi ma yor acam de ngo.

I Lemkei 22:13

E lembe bilund bedo miero iri, tek ibiketho weng’i kum timo cik man lembapoka ma Yehova ng’olo ni Musa pir Israel: bed tek, man mi tegocwiny ma ber; lworo kud unegi, kadok cwinyi de kud ung’abre.

2 Lemkei 15:7

Ento dong’ wubed tek, man kud wuwek cingwu bed ng’ic; kum tic mu binwang’u sukulia.

2 Lemkei 26:5

E ekethre gire ya eyeny Mungu i ceng’ pa Zekaria, m’ebedo ku ng’eyong’ec i ginmawokiwang’ pa Mungu: man i nindo m’eyenyo ie Yehova ceke, Mungu ketho lembe pare bedo miero.

Kitabu Pa Yob 1:8

E Yehova wacu ni Jok kumae, Iparu pi jatic para ma Yobi? kum ng’atu moko mbe ma calu en i ng’om, ng’atu ma ndhu cu man atira, ng’atu ma lworo Mungu, man ma lokre cen ni dubo.

Zaburi 80:19

Lokwa kendo, E Yehova Mungu mir udul; Keth weng’i rieny, e wabiboth.

Lembrieko 4:27

Kud ilokri yo ku cing’ ma yor acwic kadi yor acam: Kab tiendi kum lem ma rac.

Lembrieko 8:20

Awotho i yo mi bedopwe, I die yo mi pokolembe;

Daniel 10:19

Man ewacu kumae, E ng’atu ma jumaru dit, lworo kud unegi: kwiocwiny ubed iri, bed ku tego, eyo, bed ku tego. E kinde m’eyero ira, judwoka tek, man awacu kumae, Wek rwoth para weci, kum idwoka tek.

Kitabu Mir Ang’wende Pa Musa Wel 27:23

man eketho cinge i wie, emio ire kur de, calu Yehova yero ni kum Musa.

Poi Mi Cik 11:8

Ka kumeno wugwok lembang’ola ceke m’ang’olo iri tin, kara wubed tek, man wumond wumwony ng’om, ka ma wukadhu kara wumwonye;

Poi Mi Cik 12:32

Gin ceke ma tek ang’olo iwu, wuketh cwiny wu mi time: kud imed kume, kadi kud ikab kume.

Poi Mi Cik 28:14

man ilokri cen ungo kum lembe moko m’ang’olo iri tin, yo ku cing’ ma yor acwic, kadi ma yor acam, ya ilub tok mungu mange kara itim igi.

Poi Mi Cik 29:8

e wagamu ng’om migi, man wamie ni aba ni Jurubeni, man ni Jugadi, man ni ng’et suru mi Jumanase.

Poi Mi Cik 29:9

Ka kumeno wugwok lembe mi lembariba maeni, man wutimgi, kara gin ceke ma wutimo ubed miero.

Poi Mi Cik 31:7

E Musa Lwong’o Yocuwa, man ewacu ire i wang’ Israel ceke kumae, Bed ku kero man cwinyi bed tek: kum ibicidho ku dhanu maeni i ng’om ma Yehova kwong’o ni kwarugi ya ebimio igi; e ibiketho gigame ni aba.

Poi Mi Cik 4:2

Kud wumed kum lembe m’ang’olo iwu, kadok kume moko de kud wukabi, kara wuwor lembang’ola pa Yehova Mungu mu m’ang’olo iwu.

Poi Mi Cik 5:32

Ka kumeno wuketh cwinywu kum timo calu Yehova Mungu mu ng’olo iwu: kud wulokru cen i cing’ ma yor acwic kadi ma yor acam.

Yocuwa 1:1

Nie etimbre yo ng’ei tho pa Musa ma jatic pa Yehova, nia Yehova weco ku Yocuwa ma wod Nun, ma jatic pa Musa, ewacu kumae,

Yocuwa 1:8

Kitabu maeni mi cik biai kud i dhogi ngo, ento ibipido pire dieceng’ ku diewor, kara ibed ku weng’i m’itim ko calku gin ceke m’ugore i ie: kum tek kumeno ibiketho yo peri bed miero, man ibilund timo ku rieko.

Yocuwa 1:9

Ang’olo iri ngo? Bed tek man ku tegocwiny ma ber; lworo kud unegi, kadok cwinyi de kud ung’abre: kum Yehova Mungu peri ni i beng’i i ka ceke ma tek icidho i ie.

Yocuwa 11:15

Calu Yehova ng’olo ni Musa ma jatic pare, e Musa ng’olo ni Yocuwa kumeca: man Yocuwa timo kumeca; eweko gin moko ngo ma fokutimbre ngo ni gin ceke ma Mungu ng’olo ni Musa.

Yocuwa 23:6

Ka kumeno cwinywu bed tek dit kara wugwok man wutim gin ceke m’ugore i kitabu mi cik pa Musa, kara kud wulokru ku ba lembene yor acwic kadi yor acam;