Yocuwa 1:6 - The Holy Bible In Alur (Lur) Revised Orthography

⁶ Bed tek man ku tegocwiny ma ber; kum ibiketho dhanu maeni gicam pacu mi ng’om m’akwong’o ni kwaru gi nia abimio igi.

Yocuwa 1:6 ပူးပေါင်းရင်းမြစ်များ

Thangambere 12:7

Man Yehova nyuthre ni Abram, ewacu de kumae, Abimio ng’om maeni ni nyikwei: e eguro pemblam keca ni Yehova, m’unyuthre ire.

Thangambere 26:3

bed ni umondo i ng’om maeni, man wabibedo wakudi, man abimio mugisa iri; kum abimio iri ng’om maeni ceke, man ni nyikwei, man abiketho kwong’ m’akwong’o ni Ibrahim ma wuru ucungi;

2 Samwil 10:12

Wubed ku tegocwiny, man dong’ wadwok cwinywa tek pi dhanu mwa, man pir adhura pa Mungu mwa: man Yehova tim gin m’ubedo ber ire.

1 Ubimo 2:2

Abecidho i yo ma ng’om ceke cidho i ie: ka kumeno bed tek, man inyuthri giri nia in i nico;

I Lemkei 22:13

E lembe bilund bedo miero iri, tek ibiketho weng’i kum timo cik man lembapoka ma Yehova ng’olo ni Musa pir Israel: bed tek, man mi tegocwiny ma ber; lworo kud unegi, kadok cwinyi de kud ung’abre.

I Lemkei 28:10

Bed ku weng’i kawono; kum Yehova goyo wii kara igom ot mi kamaleng’: bed tek, man itime.

I Lemkei 28:20

Man Daudi wacu ni Suleman ma wode kumae, Bed tek man ku tegocwiny ma ber, man itime: kud ilwor, kadi cwinyi de kud ung’abre; kum Yehova Mungu, en e Mungu para, eni kudi; ebirem iri ngo, kadi akuna de ebikuni ngo, cil ma tic ceke mi timotim mi ot pa Yehova bithum ko.

2 Lemkei 15:7

Ento dong’ wubed tek, man kud wuwek cingwu bed ng’ic; kum tic mu binwang’u sukulia.

2 Lemkei 20:11

nen, maram giculo ko iwa, nia gibin gibaiwa woko kud i aba peri, m’imio iwa ya wabed kudo.

2 Lemkei 20:7

E Mungu mwa, iriemo ju m’ubedo i ng’om maeni ngo i wang’ dhanu peri ma Israel, man imie ni kodhi Ibrahim ma jarimbi mi nja?

Zaburi 27:14

Kur Yehova; Bed tek, man wek adundeni bed ku tegocwiny; Eyo, kur Yehova.

Daniel 10:19

Man ewacu kumae, E ng’atu ma jumaru dit, lworo kud unegi: kwiocwiny ubed iri, bed ku tego, eyo, bed ku tego. E kinde m’eyero ira, judwoka tek, man awacu kumae, Wek rwoth para weci, kum idwoka tek.

Hagai 2:4

Ento kawono wubed tek, E Zerubabel, Yehova wacu; man bed tek, E Yocuwa, ma wod Yehozadak, ma jalam ma dit; man wubed tek, wu dhanu ceke mi ng’om, Yehova wacu, man wutim tic: kum wanuti wakudu, Yehova mir udul uwacu,

Zekaria 8:9

Yehova mir udul uwacu kumae: Dong’ cingwu bed tek, wun ma wuwinjo i ceng’ maeni lembe m’uai i dhu jubila ma ginuti i ceng’ ma juguro ie thepiny mi ot pa Yehova mir udul, en e hekalu, kara egombre.

Kitabu Mir Ang’wende Pa Musa Wel 26:53

Jubipoko ng’om ni joni ni aba calku wel nying’.

Kitabu Mir Ang’wende Pa Musa Wel 33:53

e wubimwonyo ng’ombe, man wubibedo i ie: kum amio ng’ombe iwu kara wumwonye.

1 Jukorinto 16:13

Dong’ wukuru, wucung ki ki ki i yioyic, wubed ratego pami co, wubed tek.

Juefeso 6:10

Aha a, wubed tek i Rwoth, man i tego mi tek pare.

Poi Mi Cik 1:21

Nen, Yehova Mungu peri ketho ng’om i weng’i; idh malu, e imwony, calu Yehova, Mungu pa kwaru, uyero iri; lworo kud unegi, kadok cwinyi de kud ung’abre.

Poi Mi Cik 1:8

Nen, aketho ng’om i weng’wu: wumond wumwony ng’om ma Yehova kwong’o ni kwaruwu, ni Ibrahim, ni Isak, man ni Yakobo, ya emi igi man ni kodhigi yo ng’eigi.

Poi Mi Cik 11:8

Ka kumeno wugwok lembang’ola ceke m’ang’olo iri tin, kara wubed tek, man wumond wumwony ng’om, ka ma wukadhu kara wumwonye;

Poi Mi Cik 31:23

Man emio km ni Yocuwa ma wod Nun, ewacu de kumae, Bed jakero man ku tegocwiny ma ber; kum ibitero nyithindho finir Israel i ng’om m’akwong’o igi: e wabibedo wakudi.

2 Timoteo 2:1

Ka kumeno in, nyathin para, bed ku tego i bero ma ni i Kristu Yesu.

Yocuwa 1:18

Ng’atu ma tek bijai kum lembang’ola peri, man ebiwinjo lembe peri ngo i gin ceke m’ing’olo ire, jubinege: ento ibed tek man ku tegocwiny ma ber.

Yocuwa 1:7

Ento bed tek man ku tegocwiny ma dit, kara ikur itim de calku cik kpo, ma Musa ma jatic para ng’olo iri: kud ilokri kud i bang’e yo ku cingi ma yor acwic kadi ma yor acam, kara ibed ku mierolembe ka ceke ma tek icidho i ie.

Yocuwa 1:9

Ang’olo iri ngo? Bed tek man ku tegocwiny ma ber; lworo kud unegi, kadok cwinyi de kud ung’abre: kum Yehova Mungu peri ni i beng’i i ka ceke ma tek icidho i ie.

Yocuwa 10:25

Man Yocuwa wacu igi kumae, Kud wulwor, kadi cwinywu kud ung’abre: wubed tek man cwinywu bed tek: kum Yehova bitimo kumeni kum jukwojwu ceke ma wukiedo wukugi.

Yocuwa 13:6

ju m’ubedo i ng’om gudi ceke ugambre Lebanon cil kum Misrefothmaim, en e Jusidoni ceke; joni abiriemo woko i wang’ nyithindho mir Israel: ento dong’ imie ni Israel ni aba, calu ang’olo iri.

Yocuwa 18:3

Man Yocuwa wacu ni nyithindho mir Israel kumae, Wugalu rokani ma fodi wukumwonyo ng’ombe ngo e, ma Yehova, Mungu pa wegwu, mio iwu?

Yocuwa 21:43

Kum kumeno Yehova mio ng’ombe ceke ni Israel m’ekwong’o nia ebimio ni kwarugi; e gimwonye, man gibedo i ie.

Yocuwa 5:6

Kum nyithindho mir Israel giwotho rundi pier ang’wen i yamba, rama thek dho, ma gi dhanu mir ali m’uai i Misiri, ginyothri ko, kum giwinjo dwand Yehova ngo: ma Yehova kwong’o igi nia ebiweko ngo ginen ng’om ma Yehova kwong’o ni kwarugi ya ebimio iwa, ng’om ma molo cak ku kic.

1 Samwil 4:9

Wubed tek, man wutimbru calu co, E wu Jufilisti, kara kud wubed jutic ni Juebrania, calu naka gibedo iwu: wutimbru calu co, man wukied.