Yocuwa 1:4 - The Holy Bible In Alur (Lur) Revised Orthography

⁴ Ugambre i langa, ku ng’om maeni Lebanon, cil kum kulo ma dit, en e kulo Frati, ng’om ceke mi Juhiti, man ba nam ma dit yo ku mwonyceng’, bibedo kieu mu.

Yocuwa 1:4 ပူးပေါင်းရင်းမြစ်များ

1 Ubimo 10:29

Man magali acel uidho malu ku yo i Misiri mi cekel mi mola ma tar dak abusiel, man riuni acel mi cekel dak acel ku pier abic; man kumeno ni ubimo ceke mi Juhiti, man ni ubimo mi Cami, giwodhogi woko ku kind piny migi.

1 Ubimo 4:21

Man Suleman ubimo wi ker ceke ugambre Kulo cil kum ng’om mi Jufilisti, man kum kieu mi Misiri: gikelo ajok, man gitimo ni Suleman i nindo ceke mi kwo pare.

I Lemkei 18:3

Man Daudi goyo Hadarezer m’ubimo mi Zoba cil kum Hamath, kan ecidho nimwonyo ker pare ceng’ni kulo Frati.

I Lemkei 5:9

man yo nyangu ebedo cil kum kamondo mi langa ugambre kulo Frati, kum lim migi medre i ng’om Gilead.

Ezra 4:20

Naka ubimo ma tek de nuti wi Yerusalem, ma gibimo wi ng’om ceke loka Kulo; man ajok, ku jamng’om, ku piny, jumio igi.

Ai 23:31

Man abiketho kieu peri gambre kum Nam Makwar cil ba nam mi Jufilisti, man ku ba langa cil kum Kulo: kum abiketho dhanu m’i ng’ombe i cingi; man ibiriemogi woko kud i weng’i.

Poi Mi Cik 1:7

wulokru, man wutug woth, wucidh de i ng’om gudi mi Juamori, man i ka ceke ma cok ku keca, i Araba, i ng’om gudi, man i poga, man yor ariwa ma piny, ku dhu nam, man ng’om mi Jukanani, ku Lebanon, cik i kulo ma dit, ma en e kulo Frati.

Poi Mi Cik 11:24

Ka ceke ma die tiendwu binyono bibedo mu kubang’e kubang’e: ugambre i langa, man Lebanon, ugambre kulo, en e kulo Frati, kieu mu bibedo cil kum nam ma yo reto.

Poi Mi Cik 3:25

Akwei, wek akadh man anen ng’om ma ber maeno ma ni loka Yordan, got maeno ma ber, man Lebanon.

Lembanyutha 9:14

acel uwacu ni malaika mir abusiende ma won agwara kumae, Gony malaika ang’wen m’ubedo atwia dhu kulo ma dit ma Eufrati.