Yocuwa 1:17 - The Holy Bible In Alur (Lur) Revised Orthography

¹⁷ Calu wawinjo ba Musa i gin ceke, wabiwinjo i beng’i kumeca: ento Yehova Mungu peri re bed kudi, calu naka ebedo ku Musa.

Yocuwa 1:17 ပူးပေါင်းရင်းမြစ်များ

2 Samwil 14:17

Bong’ peri lund uwacu kumae, Akwei, wek lembe pa rwoth para m’ubimo ubed mi juk; kum calu malaika pa Mungu, rwoth para m’ubimo bedo kumeca m’eng’io ko gin ma ber ku gin ma rac: e Yehova Mungu peri bed kudi.

1 Ubimo 1:37

Calu Yehova bedo ku rwoth para m’ubimo, dong’ ebed kumeno ku Suleman, man edwok komker pare dwong’ ma sagu komker pa rwoth para m’ubimo Daudi.

I Lemkei 28:20

Man Daudi wacu ni Suleman ma wode kumae, Bed tek man ku tegocwiny ma ber, man itime: kud ilwor, kadi cwinyi de kud ung’abre; kum Yehova Mungu, en e Mungu para, eni kudi; ebirem iri ngo, kadi akuna de ebikuni ngo, cil ma tic ceke mi timotim mi ot pa Yehova bithum ko.

Zaburi 20:1

Yehova lok iri lembe i ceng’ mi can: Nying’ Mungu pa Yakobo ting’i malu;

Zaburi 20:4

Emi iri yeny ma adundeni yenyo, Man etim lembapora peri kakare.

Zaburi 20:9

Bodh, Yehova: Wek Ubimo lok iwa lembe kinde ma walwong’o.

Kitabu Mir Ang’wende Pa Musa Wel 27:18

E Yehova wacu ni Musa kumae, Gam Yocuwa ma wod Nun, ng’atu ma Tipo ni i ie, man iketh cingi i wie;

Kitabu Mir Ang’wende Pa Musa Wel 27:20

Man iketh kum yung peri i wie, kara udul ceke mi nyithindho mir Israel giwor.

Matayo 21:9

E udul dhanu ma wi piro, ku ju m’udong’ cen de, gikok, giwacu kumae, Hosana ni wod Daudi: mugisa ni ng’atu m’ubino ku nying’ Rwoth; Hosana ma malu ngbir.

Poi Mi Cik 34:9

Man Yocuwa ma wod Nun upong’ ku tipo mi rieko; kum Musa ketho cinge i wie: man nyithindho mir Israel uwinjo dwande, man gitimo calu Yehova ng’olo ni Musa.

Yocuwa 1:16

E giloko lembe ni Yocuwa, giwacu kumae, Gin ceke m’ing’olo iwa wabitimo, man ka ceke ma tek iorowa wabicidho.

Yocuwa 1:18

Ng’atu ma tek bijai kum lembang’ola peri, man ebiwinjo lembe peri ngo i gin ceke m’ing’olo ire, jubinege: ento ibed tek man ku tegocwiny ma ber.

Yocuwa 1:5

Ng’atu moko mbe ma bicopo cungo i weng’i i nindo ceke m’ibedo ie kwo: calu abedo ku Musa, abibedo kudi de kumeca; abirem iri ngo, kadi abikuni de ngo.

Yocuwa 1:9

Ang’olo iri ngo? Bed tek man ku tegocwiny ma ber; lworo kud unegi, kadok cwinyi de kud ung’abre: kum Yehova Mungu peri ni i beng’i i ka ceke ma tek icidho i ie.

Yocuwa 4:14

I ceng’ maeca Yehova yungo Yocuwa i wang’ Israel ceke; e gilwore, calu gilworo Musa, i nindo ceke mi bedo pare.

1 Samwil 17:37

Man Daudi wacu kumae, Yehova m’ubodha kud i cing umvor, man kud i cing undiek, ebibodha kud i cing’ Jafilisti maeni. E Saul uwacu ni Daudi kumae, Cidhi, man Yehova bibedo kudi.

1 Samwil 20:13

Yehova tim kumeno ba Yonathan, man mange bende, tek ebibedo ber ni vwa ya etimi rac, tek atuce iri ngo, man aciki ngo, kara icidh ku kwiocwiny: man Yehova bed kudi, calu ebedo ku vwa.