Yeremia 7:3 - The Holy Bible In Alur (Lur) Revised Orthography

³ Yehova mir udul, Mungu mir Israel, uwacu kumae, Wuyik yo mu ku giratima mu, man abiketho wubedo i ka maeni.

Yeremia 7:3 ပူးပေါင်းရင်းမြစ်များ

2 Ubimo 17:13

Ento Yehova tuco ni Israel, man ni Yuda, ku jubila ceke kubang’gi kubang’gi, man ku jueulembe ceke kubang’gi kubang’gi, ewacu kumae, Wulokru kud i yo mu ma rac, man wuwor lembang’ola para ku cik para, calku cik ceke m’ang’olo ni kwaruwu, man m’aoro i beng’wu ku jutic para man jubila.

Ezra 10:11

Ka kumeno kawono wutuc ni Yehova, Mungu pa kwaruwu, man wutim yeny ma ie yenyo; man wukoiru giwu ni kodhidhanu m’i ng’om, man ni mon ma juwirok.

Lembrieko 28:13

Ng’atu ma umo kier pare lembe pare bibedo miero ngo; Ento ng’atu ma tek utuco man ewekogi ebinwang’u kisa.

Isaya 55:7

dong’ jadubo wek yo pare, man won gondri pidoic pare; man wek edwog ba Yehova, e kisa binege i kume; man ba Mungu mwa, kum ebiweko ire ma gwei.

Yeremia 17:25

e ju m’ubimo ku judongomawijo m’ujany wi komker pa Daudi, ma gibewotho i magali man wi riuni, gin, ku judongomawijo migi, ma dhanu mi Yuda, man ju m’ubedo i Yerusalem gibilund mondo ku dhugang’ mir adhura maeni; man adhura maeni bidong’ mi nja.

Yeremia 18:11

Ka kumeno kawono, yer ni dhanu mi Yuda, man ni ju m’ubedo i Yerusalem, wac kumae, Yehova wacu kumae: Nen, atheko lem ma rac i kumwu, man aporo lembapora i kumwu: wudwog kawono kubeng’wu kubeng’wu ng’atuman kud i yo pare ma rac, man wuyik yo mu ku giratima mu.

Yeremia 18:8

tek thek maeno, m’awacu pire, ulokre ni dubo migi, abilokra kum lem ma rac ma ia pido ya atim i kumgi.

Yeremia 26:13

Ka kumeno kawono wuyik yo mu ku giratima mu, man wuwor dwand Yehova Mungu mu; e Yehova bilokre kum lem ma rac m’eyero i kumwu.

Yeremia 35:15

Aoro jutic para ceke ma jubila bende i beng’wu, m’aai ko pir man aorogi, m’a wacu kumae, Kawono wudwogi ku ba dhanu ku ba dhanu ng’atuman kud i yo pare ma rac, man wuyik giratima mu, man kud wulub tok mungu mange nia wutim igi, e wubibedo i ng’om m’amio iwu man ni kwaruwu; ento wuciko ithwu ngo, kadi wuwinjo dwanda de ngo.

Yeremia 35:16

Kum calu wot Yonadab ma wod Rekab utimo lembang’ola pa weggi m’eng’olo igi, enro dhanu maeni giwinjo dwanda ngo;

Yeremia 4:1

Tek ibidwogo, E Israel, Yehova wacu, tek ibidwogo i bang’a, man tek ibicoro ginmajudagu peri kud i wang’a; jubilund dakuwu ngo;

Yeremia 6:16

Yehova wacu kumae, Wucung i yo man wunen, wupenj de pi yo ma con, ma yo ma ber ni i ie; man wuwoth i ie, e wubinwang’u yom ni ng’eyong’ec mu: ento giwacu kumae, Wabiwotho i ie ngo.

Yakobo 4:8

Cor i vut Mungu, man ebicoro i vutwu. Wulog cingwu, wu judubo; man wulwok adundewu, wu ju ma pidoiwu ario.