Yakobo 5:7 - The Holy Bible In Alur (Lur) Revised Orthography

⁷ Ka kumeno wutwi cwinywu, umego, cil i bino pa Rwoth. Nen, jatipodho bekuro nying’ cam ma pire tek mi ng’om, m’etwio cwinye i kume, cil ma koth ma kwong’a ku macen de bicwi i wie.

Yakobo 5:7 ပူးပေါင်းရင်းမြစ်များ

Yeremia 5:24

Kadok yor i adundegi de giwacu ngo kumae, Kawono wek walwor Yehova Mungu mwa, m’umio koth ma kwong’a ku ma cen de, i nindone; m’ugwoko iwa yenga m’aketha mi mwoka.

Hoseya 6:3

E dong’ wang’eyu, man wek walubu tok ng’eyo Yehova: wokwoko pare en e andha calu kugweno; man ebibino i bang’wa calu koth, calu koth ma cen ma cwi i ng’om.

Yoel 2:23

Ka kumeno anyong’a negwu, wu nyithindho mi Sayuni, man anyong’a negwu kum Yehova Mungu mu: kum emio iwu koth ma kwong’a i mukero ma pwe, man ekonjo koth iwu, koth ma kwong’a man koth ma cen, i dwi ma kwong’ane.

Zekaria 10:1

Wupenj koth ba Yehova i nindo mi koth ma cen, cil ba. Yehova m’utimo lukoth; man ebimio igi cori mi koth, ku ba dhanu nzu ng’atu man lum ma numu i podho.

Matayo 16:27

Kum Wod dhanu bibino i dwong’ pa Won karacelo ku malaika pare; e ebilund mio ni dhanu ceke kubang’gi calku tic pare.

Matayo 16:28

Awacu iwu andha kumae, Jumoko ma kind ju m’ucungo kakeni bibilo tho ki ngo, ma fodi gikuneno Wod dhanu ngo m’ubebino i ker pare.

Matayo 24:27

Kum calu lukoth uai yo nyangu, junene de cil yo reto; e bino pa Wod dhanu de bibedo kumeca.

Matayo 24:44

Ka kumeno wun bende wubed ayika; kum Wod dhanu bino i saa ma wuwacu nyo ngo.

Luka 18:8

Awacu iwu, nia ebiculo wang’ lembe migi pio. Karacelo ku maeni, ka Wod dhanu bino, ebinwang’u yioyic i ng’omi?

Luka 21:27

E gibilund neno Wod dhanu bebino i afuru ku tego man dwong’ ma dit.

Luka 8:15

Maeno m’i ng’om ma ber ke, joni gi calu ju m’uwinjo lembe i adunde ma ber ma cu de, ma ka giwinjo lembe, gimoko kume ki, man gicego nying’gi ku twiocwiny.

Yohana 21:22

Yesu wacu ire kumae, Tek ayenyo nia ebed cil m’abino, en e ang’o iri? ilub ng’eya.

Yohana 21:23

Lembuni lund uyik kind umego, nia jalub maeno bitho ngo: ento Yesu wacu ire ngo, nia ebitho ngo; ento kumae, Tek ayenyo nia ebed cil m’abino, en e ang’o iri?

Jurumi 15:4

Kum gin ma yang’ ugore egore pi ponji mwa, kara ni kum twiocwiny man ni kum jukojuk mi lembagora pa Mungu wabed ku genogen.

Jurumi 2:7

ni ju ma ni kum twiocwiny i timober giyenyo dwong’ ku yung man nyothri ngo, kwo ma rondo ku rondo:

1 Jukorinto 1:7

ketho wubedo cen ungo kum giramia moko; ma wubekuro ko kanyuth pa Rwoth mwa Yesu Kristu;

Jugalatia 5:5

Kum wan ni kum Tipo ku yioyic wabekuro genogen mi bedopwe.

Jugalatia 6:9

Man ku waol ku timo tic ma ber: kum ka kakare tundo wabikayp, tek wavoc ungo.

Poi Mi Cik 11:14

nia abimio koth mi ng’om mu i nindone, koth ma kwong’a man koth ma cen, kara icok cam peri i ie, ku pigulok peri ma nyasa, ku mo peri.

Jukolosai 1:11

ma wudoko tek ku tego ceke, calku tek mi dwong’ pare, ni twiocwiny ceke ku mwonyolembe ma jumwonyo hai ku mutoro:

1 Jutesaloniki 1:3

ma wapoi ko areri kum tic mu i yioyic man tic mu i mer ma wumulu kudo ku twiocwiny mu mi genogen i Rwoth mwa ma Yesu Kristu, i wang’ Mungu mwa ku Wegwa;

1 Jutesaloniki 2:19

Kum genogen mwa en e ang’o, kadi anyong’a mwa, kadi jamkermi wic mwa mi kulula? Ndhu wun ungo, i wang’ Rwoth mwa ma Yesu i bino pare?

1 Jutesaloniki 3:13

kara eketh adundewu cung ma adote mbe i leng’cwiny wang’ Mungu mwa man Wegwa, i bino pa Rwoth Yesu mwa ku jupare maleng’ ceke.

Juebrania 6:15

Man kumeno, kan edaru ciro ku twiocwinye, enwang’u lembang’olane.

Yakobo 4:11

Kud wuyer nying juwedu ma ng’atuman uyer nying wadi man nying wadi, umego. Ng’atu m’uyero nying umego, kadi m’upoko lembe p’umin, nwang’u eyero kum cik, man epoko lembe wi cik: ento tek ipoko lembe wi cik, meca in i jatim cik ungo, ento in i japoklembe.

Yakobo 5:10

Umego, wuting’ jubila ma giyero lembe ku nying Rwoth ni por mi masendi ku mi twiocwiny de.

Yakobo 5:3

Mola mu ma kwar ku mola mu ma tar de munyali camu: munyaline bibedo ni giranyutha i kumwu, man ebicamu kumwu pami mac. Wukanu piny m’akana mu i dhu kajik mi ng’om.

2 Petro 3:4

ma giwacu de kumae, Lembang’ola mi bino pare nikani? kum, ugambre i ceng’ ma kwaruwa gamu nindo i ie, gin ceke bedo calu ma yang’ ugambre i thangambere mi giracwia pa Mungu.