Yakobo 5:5 - The Holy Bible In Alur (Lur) Revised Orthography

⁵ Wubedo abeda i ng’om, wunwang’u mutoro mu de; wucamu ma cwinywu kwio i ceng’ mi nek.

Yakobo 5:5 ပူးပေါင်းရင်းမြစ်များ

Zaburi 17:14

Bodha ni dhanu ku cingi, E Yehova, Ni dhanu m’i ng’om, ma makapiny migi ni i kwo maeni, M’ipong’o igi ku piny m’akana peri: Cwinygi kwio kum nyithindho, Man giweko dong’ piny migi ba nyithindho migi ma thindho.

Zaburi 73:7

Wang’gi wok ni kum mio; Gibedo ku piny ma sagu ma adunde yenyo.

Lembrieko 17:1

Kwen m’utal, karacelo ku kwiocwiny e ber, Sagu ot m’upong’ kud agba karacelo ku dhau.

Lembrieko 7:14

Lam mi lam mi kwiocwiny ni i bang’a; Tin aculo lembang’ola para.

Eklizia 11:9

Anyong’a negi, E jalawobi, i aradu peri, man wek adundeni nyai anyong’a ii i nindo mir awobi peri, man iwoth i yo mir adundeni, man i nenopiny mi weng’i; ento ing’ei, nia Mungu biboli i pokolembe pi gin maeni ceke.

Isaya 22:13

man, nen, anyong’a ku mutoro, kum nego koni dhiang’ ku nego rombe, kum camu ring’o ku madhu pigulok: Wek wacam wamadhi, kum urwo wabitho.

Isaya 3:16

Mange ke Yehova wacu kumae, Kum nyig Sayuni gi jukuhaya, man giwotho acika ng’utgi, man ku wang’ mi dubo, ma gibewotho ko akira tiendgi, ma giyengo ko ngara ku tiendgi de;

Isaya 47:8

Ka kumeno kawono winj maeni, in m’imiri ni anyong’a, m’ibedo ma cwinyi ringo ngo, m’iwacu yo i adundeni kumae, Anuti, man ng’atu moko mbe m’umeda; abibedo calu dhaku ma cware tho ngo, kadok nek mi nyithindho de abing’eyo ngo:

Isaya 56:12

Wubin, giwacu, abikelo pigulok, man wabiyengra giwa ku giramadha ma lake tek; e urwo bibedo calu ceng’ maeni, ceng’ ma dit ma sagu mukero.

Yeremia 12:3

Ento in, E Yehova, ing’eya; inena, man iponjo adundena yor i beng’i: telgi woko calu rombe mi nek, man iyikgi mi ceng’ mi nek.

Yeremia 25:34

Wugoi nduru, wu jukwac, man wuywaki; wuvukru de ku vuru, wu jutego mir udul rombe; kum nindo mi nek mu man lal mu tundo, man wubipodho calu combo ma ber.

Ezekiel 16:49

Nen, maeni kier pa nyameru ma Sodom: kuhaya, man dhir mi kwen, ku bedoyo mi mierolembe ni i ie man i nyige; kadok mio tego ni cing’ jacan kadi jacanpiny de emio ngo.

Ezekiel 39:17

Man in, wod dhanu, Rwoth Yehova wacu kumae: Yer ni winyo ma kwonde tung’ tung’, man ni lim ceke kubang’e kubang’e m’i thim kumae, Wucokru giwu, man wubin; wucokru giwu kun ku kun ba lam para m’alamu piwu, en e lam ma dit wi gudi mir Israel, kara wucam ring’o man wumadh rimo.

Amos 6:1

Can wi ju m’ubedo yo i Sayuni, man ni ju m’ubedo museme kum got mi Samaria, dhanu ma pigi yik mi thek ma kwong’a, ma ot mir Israel ubino i bang’e!

Luka 16:19

Nwang’u jalonyo moko nuti, m’uronjre kud uluga ku bongu ma nwang’ ma ber, man ecamu cemo ma mit ceng’ ceke:

Luka 16:25

Ento Ibrahim wacu kumae, Woda, poi nia i rundi m’ibedo ie kwo inwang’u gin peri ma ber, Lazaro de kumeno enwang’u gin ma rac: ento kawono ejukre keni, in ke ini i ndiba.

Jurumi 13:13

Dong’ wawothu calu ma maku wawothu, calu i dieceng’; i cok ma jucokri ko ku vul ungo ku mer ma jumer ko ku kong’o de ngo, i gier ma jugieri ko swa ku sasa de ngo, i dhau ku ngiri de ngo.

1 Timoteo 5:6

Ento ng’atu m’uketho wang’e gire kum mutoro meca en e avu ma fodi en ke e kwo.

2 Timoteo 3:4

ku juganda de, ku ju ma wigi tek, ku ju ma gitingri, ku ju ma gimaru migi anyong’a mananu ma sagu mer ma gimaru ko Mungu;

2 Petro 2:13

ma gisendri ko ku lem ma rac calu sukulia mi timorac; gi dhanu ma gikwanu cokri ku vul ma ku dieceng’ ni mutoro, gi gin m’ucwinyo man mulima, ma gimer amera kud abombi migi i cemo migi mi mer ka wucamu wukugi;

Yuda 1:12

Joni gi kidi m’upandre i cemo mi mer mu kinde ma wucamu wukugi, gi jukwac ma kakri gigi ma lworo mbe kugi; gin afuru ma pi mbe i igi, ma yamu cidho kudo; gi yen mi oro ma nyinge mbe, m’utho wang’ ario, ma jufudho woko kud ulage;

Lembanyutha 18:7

Wumi ire ndiba ku can kumeni ma rom ku yung m’eyungre ko, man dhetho mi yeny ma ie yenyo: kum ewacu yo i adundene kumae, Abedo ubimo ma dhaku, man an a dhaku ma cwara tho ngo, man abineno can ki ngo.

1 Samwil 25:36

E Abigail udwogo ba Nabal; man, nen, eketho agba i ot pare, calu agba mir ubimo; e anyong’a nego Nabal ku yor i adundene, kum emer dit ku kong’o: kum kumeno eyero ire gin moko ngo, ma nok kadi ma dit, maram piny uru ko.

1 Samwil 25:6

e wubiwacu kumae ni ng’atu ma bedo pare miero, Kwiocwiny ubed i beng’i, man kwiocwiny ubed ba ot peri, man kwiocwiny ubed ba gin ceke m’ibedo ko