Yakobo 5:4 - The Holy Bible In Alur (Lur) Revised Orthography

⁴ Nen, sukulia mi jutic m’unyaru i podho mu, ma wutwonogi kud azindi, ubeywak: man ywak mi ju m’unyaru mondo i ith Rwoth mir udul.

Yakobo 5:4 ပူးပေါင်းရင်းမြစ်များ

Thangambere 4:10

Man ewacu kumae, Itimo ang’o? ba rimb umeru ywak i bang’a kud i ng’om.

Kitabu Pa Yob 34:28

Kum kumeno giketho ywak mi jucan ubino i bang’e, Man ewinjo ywak pa ng’atu ma jusendo.

Kitabu Pa Yob 7:2

Calu jatic ma geno tipopiny hai, Man calu jatic mi sukulia ma kio sukulia pare:

Zaburi 9:12

Kum ng’atu m’uculo rimo epoi pigi; Wie wil ungo kum ywak mi jucan.

Ai 22:27

kum maeno en e jambum pare e kende, en e kendi pare mi dendkume: ebinindo i ang’o? man ebitimbre, kinde m’eywak i bang’a, nia abiwinjo; kum an a won bero.

Ai 3:9

Man kawono, nen, ywak mi nyithindho mir Israel utundo i bang’a: mange ke aneno masendi ma Jumisiri sendo kogi.

Isaya 1:9

Tek Yehova mir udul kuweko iwa nyathi dong’ dhanu moko ngo, kuno di wabedo calu Sodoma, kuno di wabedo calu Gomora.

Isaya 5:7

Kum podho mir ulok pa Yehova mir udul en e ot mir Israel, man dhanu mi Yuda gi yen m’apidha pare ma ber: man egeno pokolembe, ento, nen, dim; egeno bedopwe, ento, nen, ywak.

Isaya 5:9

I itha Yehova mir udul uwacu kumae, Andha udi dupa jubidwoko ni uvuru, udi ma dongo ma beco de, gibibedo ma dhanu mbe i ie.

Yeremia 22:13

Can wi ng’atu m’ugomo ot pare ku gondri, man kusika pare ku lembe ma pwe ngo; ma yio wagi timo ire tic m’umbe sukuliane, man ma mio ire sukulia pare ngo;

Lembe Mi Julawi 19:13

Kud isend wedu, kadi kwalu piny pare: sukulia pa jatic mi sukulia kud ubed i beng’i diewor soro cil kugweno.

Habakuk 2:11

Kum kidi biywak kud i gang’kidi, man riu biloko ire lembe kud i yen.

Malaki 3:5

E abibino ceng’ni wu i pokolembe; man abibedo mulembe ma pio kum weg ajoga, man kum weg dubriswa, man wi ju ma kwong’o kwong’ mi ndra, man kum ju ma vugo ng’atu ma julonyo ku sukulia, man kum ju ma vugo dhaku ma cware tho, ku kic de, man kum ju ma loko umondo kud unwang’ ng’ol pare, man gilwora ngo, Yehova mir udul uwacu.

Matayo 9:37

Elund ewacu ni julubne kumae, Mwoka bedo dit andha ere jutic gilam.

Luka 18:7

E Mungu biculo wang’ lembe mi ju m’egoyo wigi ngo m’uywak i bang’e dieceng’ ku diewor, ento fodi etwio cwinye i kumgi?

Jurumi 9:29

Man, calu Isaya lar uyero kumae, Dok Rwoth mir Udul kuweko iwa kodhi ngo, Kuno di wadoko va Sodom, man kuno di judwoko wa calku Gomora.

Poi Mi Cik 15:9

Dong’ ikuri nia pidoie ma rac kud ubed i adundeni, m’iwac ko kumae, Rundi mir abirone, rundi mi gony, ni ceng’ni; man weng’i bed rac i kum umeru ma jacan, man imie piny moko ngo; man eywak ba Yehova i kumi, e ebed ni dubo iri.

Jukolosai 4:1

Judongo, wumi ni jumiru mu gin m’umaku piny m’uromo kugi de; ma wung’eyo ko y a wun bende wutie ku Jadit i polo.