Yakobo 5:10 - The Holy Bible In Alur (Lur) Revised Orthography

¹⁰ Umego, wuting’ jubila ma giyero lembe ku nying Rwoth ni por mi masendi ku mi twiocwiny de.

Yakobo 5:10 ပူးပေါင်းရင်းမြစ်များ

Juebrania 13:7

Wupoi pi ju m’ubimo wiwu, dhanu ma giyero iwu lem pa Mungu; man ka wubepido pi kajik mi kura bedo migi ma gibedo ko kwo, wukwany ba yioyic migi.

Tic Mi Jukwenda 7:52

Jubila makani ma yang’ kwaruwu gikunyayu ragedo i kumgi ngo? man ginego ju ma gilar ginyutho kabino pa Ng’atu ma Pwe; ng’atu ma kawono wudoko jucibne ku junekne;

Tic Mi Jukwenda 3:21

ma polo kojole be cil i nindo mi dwoko gin ceke, ma yang’ Mungu yero pire ku dhu jubila pare maleng’ ma ginuti por eca ngi.

Luka 6:23

Anyong’a negwu i ceng’ maeno, wupor malu de ni mutoro: kum nen, sukulia mu dit i polo; kum kwaru migi timo kumeno ba jubila.

Yeremia 2:30

Agoyo nyithindho mu kwe; gijolo ponji ngo: palamularu mu ma dhe daru jubila mu, calu umvor m’ubenyotho anyotha.

Isaya 39:8

Hezekia lund uwacu ni Isaya kumae, Lembe pa Yehova m’iyero e ber. Man ke ewacu kumae, Kum kwiocwiny ku lemandha bibedo nuti i nindo para.

2 Lemkei 36:16

ento gicayu jukwenda pa Mungu, man gipiemo lembe pare, gitimo co de ni jubila pare, cil ma kwinyo pa Yehova wok ko kum dhanu pare, maram ma kabothne mbe.

Luka 13:34

E Yerusalem, Yerusalem, m’unego jubila pa Mungu, man m’ucanyu ju ma juoro i bang’e ku kidi! ayenyo wang’ udul acok nyithindho peri karacelo, cil calu min gweno coko nyithindhe the bombe, ere wuyenyo ngo!

Yeremia 26:16

Judongomawijo ku dhanu ceke gilund giwacu ni julam man ni jubila kumae: Ng’atuni romo ku tho ngo: kum eyero iwa ku nying’ Yehova Mungu mwa.

Yeremia 23:22

Ento tek gicungo i lembapora para, kuno di giketho dhanu para winjo lembe para, man kuno di gilokogi kud i yo migi ma rac, man kud i dubo mi giratima migi.

Yakobo 4:11

Kud wuyer nying juwedu ma ng’atuman uyer nying wadi man nying wadi, umego. Ng’atu m’uyero nying umego, kadi m’upoko lembe p’umin, nwang’u eyero kum cik, man epoko lembe wi cik: ento tek ipoko lembe wi cik, meca in i jatim cik ungo, ento in i japoklembe.

Yakobo 5:7

Ka kumeno wutwi cwinywu, umego, cil i bino pa Rwoth. Nen, jatipodho bekuro nying’ cam ma pire tek mi ng’om, m’etwio cwinye i kume, cil ma koth ma kwong’a ku macen de bicwi i wie.

Yakobo 5:9

Umego, kud wung’ur kum juwedu ma ng’atuman ung’ur kum wadi man kum wadi, kara ku jupok lembe i wiwu: nen, japoklembe cungo dhugola.

Yakobo 5:13

Ng’atu moko m’i kindwu besendre? wek erwo. Ng’atu moko anyong’a benege? wek ewer wer mi pak.