Yakobo 4:4 - The Holy Bible In Alur (Lur) Revised Orthography

⁴ Wun wu weg gier, wung’eyo ngo nia bedo jarimb ng’om en e adegi ni Mungu? Kumeno ng’atu ma tek uyenyo ebed jarimb ng’om nwang’u ekethre gire ni jadegi pa Mungu.

Yakobo 4:4 ပူးပေါင်းရင်းမြစ်များ

Thangambere 3:15

man abinyayu amone i kindwu wuku dhaku, man i kind kodhini ku kodhine: ebicanyu wii, man ibitong’o ufunytiende.

Zaburi 21:8

Cingi binwang’u judegi peri ceke; Cingi ma yor acwic binwang’u ju m’udegi.

Zaburi 50:18

Kinde m’ineno jakwo, iyio ire, Man makapiny peri ni karacelo ku weg dubriswa.

Zaburi 73:27

Kum, nen, ju ma gini bor kudi gibinyothri: Inyotho dhanu ceke m’utimo tarwang’, ma giweki.

Isaya 57:3

Ento wucor ceng’ni keni, wu wot dhaku ma ajoga, wu kodhi ng’atu ma dubre swa ku won asara.

Yeremia 2:2

Cidhi, man ikok i ith Yerusalem, iwac kumae, Yehova wacu kumae, Apoi piri kum bero mir aradu peri, kum mer mi gambri peri; maram ilubo ko toka i langa, i ng’om ma jucoyo ngo.

Yeremia 9:2

A tek abedo ku kabedo mi juwoth i langa; kara awek dhanu para, man aai woko kud i bang’gi mire! kum kagi ceke gi weg dubri swa, gi cokri mi dhanu ma weg abombi.

Ezekiel 16:32

Dhaku ma dubre swa mire! ma gamu juwirok ka cware mire!

Hoseya 3:1

Man Yehova wacu ira kumae, Cidh kendo, mar dhaku ma jarimbe mare, m’e won dubri swa de, cil calu Yehova maru nyithindho mir Israel, kadok gilokri ba mungu mange, man gimaru kwen mi nyingulok m’uthwo.

Matayo 12:39

Ento edwoko lembe ewacu igi kumae, Dhanum’utuk ma gi rac ma gi weg gier de gibeyenyo giranyutha; giranyutha moko de mbe ma bimire igi, ndhu giranyutha pa Yona ma jabila:

Matayo 16:4

Dhanum’utuk ma rac ma gi weg gier de giyenyo giranyutha; giranyutha de bimire ire ngo, ento giranyutha pa Yona re. E ewekogi, ecidho.

Matayo 6:24

Ng’atu moko mbe ma copo timo ni judongo ario: kum ebidagu acel, ebidong’ maru mucelo; kadi ebimoko bang’ acel, man ebicayu mucelo. Wucopo timo ni Mungu ku ni lonyo de ngo.

Luka 19:27

Ento jukwoja eni, ma giyio ngo nia abim wigi, wukelgi keni, wuneggi de i wang’a.

Yohana 15:19

Dok wun wu mi ng’om, kuno di ng’om umaru ma pare: ento kum wun wu mi ng’om ungo, ento agoyo wiwu kud i ng’om, kum kumeno ng’om udaguwu.

Yohana 17:14

Adaru mio igi lem peri; ng’om de dagugi, kum gi mi ng’om ungo, cu calu an a mi ng’om ungo.

Yohana 7:7

Ng’om copo daguwu ngo; ento an edagu, kum atuco pire, nia tic pare rac.

Jurumi 5:10

Kum tek, kinde ma wa jukwor, jupoto kindwa waku Mungugi ni kum tho pa Wode, ma sagu dit, wan ma kindwa poto, wabiboth i kwo pare;

Jurumi 8:7

kum pidoic mi kum en e adegi ku Mungu; kum e wor ungo ni cik pa Mungu, kadok acopa de ecopre ire ngo andha;

1 Jukorinto 1:20

Jarieko ni kani? jagorcik ni kani? japiem mi rundi maeni ni kani? Mungu dwoko rieko m’i ng’om udoko ni lemkasegu ngo?

1 Jukorinto 1:21

Kum ni rieko pa Mungu ng’om ku rieko pare ng’eyo Mungu ngo, ebedo ber ni Mungu ya ebodh ju m’uyio ku kasegu mi lembayera.

Jugalatia 1:10

Kum kawono abeyenyo dhanu e m’ufoya, kadi Mungu? kadi abeponjo nyayu mutoro i dhanu? tek abeyenyo nyayu mutoro i dhanu, meca an a jamiru pa Kristu ngo.

Yakobo 1:27

Kisoma m’alili ma cido de ngo i wang’ Mungu mwa ma Wegwa e ee, ya julieu kic ku mon ma coggi tho i can migi, man ke gwok ma jugwokri ko gijo ni ng’om ma jukuvukri ngo.