Yakobo 2:6 - The Holy Bible In Alur (Lur) Revised Orthography

⁶ Ento wuranju jucan. Julonyo givoyowu ngo, man ke gin nica e ma giywayuwu i wang’ kom mi pokolembe ngo?

Yakobo 2:6 ပူးပေါင်းရင်းမြစ်များ

Kitabu Pa Yob 20:19

Kum esendo man ekuno jucan; Eyaku ot ku rop, m’egomo ngo.

Zaburi 10:10

Epondo i ka ma ling’ calu umvor i kagonjo pare; Ekanu adhi kara emak jacan: Emaku jacan, kinde m’epeye i voi pare. Eriebre, egung’ piny, E ju ma ng’ic podho ni kum ju ma tek pare.

Zaburi 10:14

Ineno maeni; kum ineno ndre ku lem ma ton ijo, kara ilwong’e ku cingi: Ng’atu ma ng’ic mire gire iri; Ibedo jakony kic.

Zaburi 10:2

Juriemo jucan ni kum kuhaya mi judubo; Wek jumakgi i lembrieko ma igi pido.

Zaburi 10:8

Ebedo i ka ma jukanu ie adhi mi pacu; Enego ng’atu ma dubo mbe kude i ka m’aponda:

Zaburi 12:5

Kum masendi pa jacan, kum cur pa jacanpiny, Abiai kawono, Yehova wacu; Abikethe i kaboth m’eyenyo.

Zaburi 14:6

Wubolo lewic kum lembapora pa jacan, Kum Yehova en e kapondo pare.

Lembrieko 14:31

Ng’atu m’utimo jacan rac nwang’u ecayu Jacwicne. Ento ng’atu ma kisa nege kum jacanpiny nwang’u eyunge.

Lembrieko 17:5

Ng’atu ma tek poro ba jacan nwang’u ecayu Jacwicne; Man ng’atu ma anyong’a nege kum ruvwa ebibedo umbe send ungo.

Lembrieko 18:23

Jucan timo ku pakudhok; Ento julonyo loko lembe ku kwinyo.

Lembrieko 22:16

Ng’atu ma vugo jacan kara unyai kuloka pare, Man ng’atu ma mio ni jalonyo, bitundo kum canpiny kende.

Lembrieko 22:7

Jalonyo bimo wi jacan; Man jagam banja en e jatic ni jami banja.

Eklizia 5:8

Tek ineno send ma jusendo ko jacan, man jurop ma kabu pokolembe ku lembe ma pwe i ng’om moko, ii kud uwang’ lii kum lembene: kum ng’atu ma malu ma sagu ju ma malu eneno; man ju ma ni malu nuti ma sagu gin.

Isaya 53:3

Dhanu caye, man gikwere; en e dhanu mi can, man eng’io ku masendi: man jucaye calu ng’atu ma dhanu panu wang’gi ni kume; e wakwane ni gin moko ngo.

Amos 4:1

Wuwinj lembe maeni, wu dhiang’ mi Bacan, ma ni wi got mi Samaria, m’usendo jucan, m’unyono jucanpiny, m’uwacu ni rwodhigi kumae, Wukel, man wek wamadhi.

Amos 5:11

Ka kumeno kum wunyono jacan, man wugamu girawodha mi nganu i bang’e: wugomo udi mi kidi m’apaya, ento wubibedo i igi ngo; wupidho podho mir ulok ma ber, ento wubimadhu pigulokne ngo.

Habakuk 3:14

Icobo wi jutego pare ku dul pare ma dhe: Gibino calu vira niketha woko; Anyong’a migi en e calu camu jucan nyalwe.

Zekaria 7:10

man kud wuketh lembe bed tek ni dhaku ma cware tho, kadi ni kic, kadi ni umondo, kadi ni jucan; man i ng’atu moko m’i kindwu kud upid rac kum wadi i adundene.

Yohana 8:49

Yesu loko lembe kumae, Pajogi mbe i ia; ento ayungo Vwa, man wun re ma wuketho abedo umbe yung.

Tic Mi Jukwenda 13:50

Ento Juyahudi gipiko lembe i mon ma dongo ma lworo Mungu, ku judongo mir adhurane de, e ginyayu ragedo kum Paolo giku Barnaba, man giriemogi woko kud i kieu migi.

Tic Mi Jukwenda 17:6

E ka ginwang’ugi ngo, gidong’ giywayu Yason kud umego moko i wang’ jubim mir adhura, gikok kumae, Joni ma ginyotho ng’om gibino keni bende,

Tic Mi Jukwenda 18:12

Nie kinde ma Galio bedo jabim mir Akaya, Juyahudi giai wang’ acel kum Paolo gitere i wang’ kom mi pokolembe,

Tic Mi Jukwenda 8:3

Ento Saul unyotho kanisa, m’emondo ko ku ba udi ku ba udi, m’eywayu ko co ku mon de eketho gi i odkol.

1 Jukorinto 11:22

Ei, wun udi mu mbe ma wucam i ie wumadh de i ie? kadi wucayu kanisa pa Mungu acaya, man wunyayu lewic wi ju ma gimbe ku pinyi? Abiyero ang’o iwu? abipakuwu? I maeni apakuwu ngo.

Yakobo 2:3

e ng’atu m’ukendo kendi ma ber e ma bedo ber i weng’wu, man wuwacu kumae, Dong’ ibed kakae i ka ma ber; ni jacan e ma wuwacu kumae, Cung kaca, kadi ibed the kom mi tienda;

Yakobo 5:4

Nen, sukulia mi jutic m’unyaru i podho mu, ma wutwonogi kud azindi, ubeywak: man ywak mi ju m’unyaru mondo i ith Rwoth mir udul.

Yakobo 5:6

Wugonjo ng’atu ma pwe, wunege de; en de egut iwu ngo.