Yakobo 2:5 - The Holy Bible In Alur (Lur) Revised Orthography

⁵ Wuwinji, juwada ma jumerna; Mungu foyo ju ma gi jucan m’i ng’om ungo ya gilony i yioyici, ma gibed ni jucampacu mi ker m’eng’olo ni ju m’umare?

Yakobo 2:5 ပူးပေါင်းရင်းမြစ်များ

1 Ubimo 22:28

Man Mikaya wacu kumae, Tek idwogo ku kwiocwiny, nwang’u Yehova yero kuda ngo. Man ewacu kumae, Wuwinji, wu dhanu, kewu ceke.

Kitabu Pa Yob 34:10

Ka kumeno wuwinj dwanda, wu dhanu mi ng’eyothelembe: Ebed bor ni Mungu, nia etim dubo, Man ni Jategokpo, nia etim kier.

Kitabu Pa Yob 34:19

M’uneno wang’ judongomawijo ngo, Kadi m’uneno ba julonyo ngo ma sagu jucan; Kum gin ceke gi tic mi cinge.

Kitabu Pa Yob 38:14

Elokre calu ulobo ther ayi; Man gin ceke cungo calu kendi:

Ai 20:6

m’anyutho kisa ni rubanga mi ju m’umara m’uworo lembang’ola para.

Lembrieko 13:7

Gin moko nuti ma lonjre gire, ento ebedo ku gin moko ngo: Gin moko nuti ma dwokre gire jacan, ento ebedo ku piny ma dit.

Lembrieko 7:24

Ka kumeno kawono, wota, wuwinja, Man wuketh cwinywu kum lembe m’i dhoga.

Lembrieko 8:32

Ka kumeno kawono, wota, wuwinja; Kum ju m’uworo yo para gi jumugisa,

Isaya 14:32

Jubilund loko lembang’o ni jukwenda mi theki? Nia Yehova guro the Sayuni, man ju ma jusendo mi dhanu pare bipondo i ie.

Isaya 29:19

Ju ma mol bende binyayu mutoro migi i Yehova, man anyong’a binego jucan ma kind dhanu ni kum Ng’atu Maleng’ mir Israel.

Zefania 3:12

Ento abiweko i kindi dhanu ma jucan ma jusendogi, man gibinwang’u gwok i nying’ Yehova.

Zekaria 11:11

E etur i ceng’ maeca; e kumeno ju ma ng’ic mir udul rombe m’uwora ging’eyo nia en e lembe pa Yehova.

Zekaria 11:7

Kum kumeno akwayu udul rombe mi thum, andha ma ng’ic i kind udul rombe. Man agamu ira uluth ario; acel alwong’o Ber, man mucelo alwong’o Giratwia; e akwayu udul rombe.

Matayo 11:5

ju ma abinga maku nenopiny, weg abala bende gibewotho, weg joi de kumgi lony, ju ma ithgi dhing’ bende giwinjo, ju m’utho ndhu de gicer, jucan bende jubeyero igi lembanyong’a ma juboth ko.

Matayo 25:34

Ubimo bilund wacu ni ju ma yo ku cinge ma yor acwic kumae, Wubin wu ju ma Vwa dwokowu jumugisa, wucam pacu mi ker m’ubedo ayika iwu ugambre i thekri mi ng’om:

Matayo 5:3

Mugisa ni jucan mi tipo: kum ker m’i polo en e migi.

Marko 7:14

Man elwong’o udul dhanu kendo i bang’e, ewacu igi kumae, Kewu ceke wuwinj lem para, wung’ei de:

Luka 12:21

Kum ng’atu m’ukanu piny m’akana ire gire bedo kumeni, m’elony ungo de ku ba Mungu.

Luka 12:32

Kud wulwor, wun udul ma nyanok; kum enyayu mutoro i Wegwu nimio iwu ker.

Luka 16:22

Man etimbre, nia jakwaipiny utho, malaika de giyeye gitere kor Ibrahim: jalonyo bende tho, e juyike.

Luka 16:25

Ento Ibrahim wacu kumae, Woda, poi nia i rundi m’ibedo ie kwo inwang’u gin peri ma ber, Lazaro de kumeno enwang’u gin ma rac: ento kawono ejukre keni, in ke ini i ndiba.

Luka 22:29

man ang’olo iwu ker, cil calu Vwa ng’olo ira,

Luka 6:20

Man eng’ayu wang’e malu ba julubne, ewacu kumae, Mugisa iwu wu ju ma jucan: kum ker pa Mungu en e mu.

Yohana 7:48

Kind jubim moko nuti m’uyie, kadi kind Jufarisayo de?

Tic Mi Jukwenda 7:2

Man eloko kumae, Umego ku wego de, wukowuwinji: Mungu mi dwong’ unyuthre ni wegwa ma Ibrahim, kan eni i Mesopotamia, ka fodi ebedo i Haran ungo,

Jurumi 8:17

man tek nyithindho, nwang’u jucampacu; jucampacu pa Mungu, man jucampacu karacelo ku Kristu; tek wasendra wakude, kara juyungwa karacelo wakude.

1 Jukorinto 2:9

ento calu egore kumae, Gin ma wang’ fokuneno ngo, ku ma ith de fokuwinjo ngo, Ma fokumondo de i adunde dhanu ngo, Gin ceke ma Mungu yiko ni ju m’umare.

2 Jukorinto 4:15

Kum gin ceke en e piwu, kara bero maeni, m’ucikumedre ni kum dhanu dupa, uketh foyofoc usagre ni dwong’ pa Mungu.

2 Jukorinto 6:10

calu ma can ubenego anega, karaman anyong’a benego thiri thiri; calu can piny ubenego, karaman m’ubelonyo dhanu dupa; calu ju ma weg gin moko ngo, karaman weg gin ceke.

2 Jukorinto 8:9

Kum wung’eyo bero pa Rwoth mwa Yesu Kristu, nia kadok elony, ento edoko jacan piwu, kara wun wulony ni kum can pare.

Juefeso 1:18

ma wang’ mir adunde mu bedo ma der ucare, kara wung’ei karamb genogen mi lwong’o pare, karamb lonyo mi dwong’ mi camupacu pare i jumaleng’,

Juefeso 3:8

Bero maeni jumio ira, an nini m’a nok ma sagu jumaleng’ ceke, ya ayer pi lonyo pa Kristu ma yenjre ngo ni Thekdhanumange;

1 Jutesaloniki 2:12

kara nia wuwoth calu uromo ku Mungu, m’elwong’owu i ker pare gire man i dwong’.

2 Jutesaloniki 1:5

m’e giranyutha ngbeng’ mi pokolembe ma pwe pa Mungu; kara jukwanwu ya wuromo ku ker pa Mungu, ma wuneno can pire bende:

1 Timoteo 6:18

kara gitim ber, kara gilony i tic ma ber, kara gibed ayika mi miomic, gibed jungisi de;

2 Timoteo 4:18

Man Rwoth bibodha ni tic ma rac ceke, man ebigwoka cil i ker pare m’i polo: dwong’ ubed ire rondo ku rondo. Amen.

2 Timoteo 4:8

ugambre ka wono jamkermiwic mi bedopwe, judaru kanu ira, ma Rwoth, ma japoklembe ma pwe, bimio ira i ceng’ maeca; endre ira a kenda ngo, ento ni dhanu ceke bende m’umaru nyuth pare m’ebinyuthre ko.

Juebrania 11:26

m’ekwanu cac ma jucayu ko Kristu ni lonyo ma dwong’ ma sagu piny m’akana mi Misiri: kum eneno ba giramia mi sukulia.

Yakobo 1:12

Ng’atu m’uciro abidhe mugisa kwanye; kum ka judaru mulo ie, ebinwang’u jamkermiwic mi kwo, ma Rwoth ung’olo ni ju m’umare.

Yakobo 1:16

Ku juwondwu, umego ma jumerna.

Yakobo 1:19

Umego ma jumerna, wung’eyo lembe maeni. Ento ku ba dhanu ceke wek ng’atuman ubed m’ewinj pio, ebed yo kum wec, kum kwinyo bende;

Yakobo 1:9

Ento dong’ umego ma nyaswaswa de ulule kum yung ma juyunge ko:

1 Petro 1:4

ni camupacu ma nyothre ngo, ma cido de ngo, ma duny woko de ngo, ma jukanu iwu i polo,

2 Petro 1:11

kum kumeno jubimio iwu thwo mondo m’i ker ma nja pa Rwoth mwa ma Jalar Yesu Kristu.

Lembanyutha 2:9

Ang’eyo masendi peri, ku canpiny m’unegi (ento ilony), ku lembacidi mi ju m’uwacu ya gi Juyahudi, man gi kumeno ngo, endre gi cokri pa Jok.

Lembanyutha 21:7

Ng’atu m’uloyo ebilagu gin maeni; man abibedo Mungu pare, man ebibedo woda.

Lembanyutha 3:18

amio iri rieko nia ing’ieu mola ma kwar i bang’a m’uwang’ i mac, kara idok m’i lony; ku kendi ma tar, kara ironjri, kara lewic mi muneru peri kud unen: man mo m’i wang’ de m’iwir ko weng’i, kara inen.

Jupoklembe 9:7

Man ka giyero maeni ni Yotham, ecidho ecungo wi got Gerizim, man eting’o dwande malu, elwong’o de, ewacu igi kumae, Wuwinja, wu dhanu m’i Cekem, kara Mungu winjwu.

1 Samwil 2:30

Ka kumeno Yehova, Mungu mir Israel, uwacu kumae, Awacu andha nia ot peri, ku ot pa wuru, biwotho i wang’a mi nja: ento kawono Yehova wacu kumae, Dong’ ebed bor ira; kum ju m’uyunga abiyungogi, man ju m’ucaya jubikwanugi ni gin moko ngo.

1 Samwil 2:8

Eting’o jucan malu kud i utur, Eting’o ju ma can piny unegogi ku wi udhuru mi weyo, Kara gibed karacelo ku judongomawijo, Man gicam pacu mi komker mi dwong’: Kum mbegi m’i ng’om en e pa Yehova, Man eketho ng’om i wie.