Yakobo 2:1 - The Holy Bible In Alur (Lur) Revised Orthography

¹ Juwada, kud wubed ku yic pa Rwoth Yesu Kristu, Rwoth mi dwong’, ma dhanu bedo tung’ tung’ i weng’wu.

Yakobo 2:1 ပူးပေါင်းရင်းမြစ်များ

2 Lemkei 19:7

Ka kumeno kawono wek lworo pa Yehova bed i wiwu; wuketh cwinywu i kume man wutime: kum dubo mbe ku Yehova Mungu mwa, kadi dhanu de bedo tung’ tung’ ungo i wang’e, kadi gamu jamblembe de.

Lembrieko 24:23

Maeni bende en e wec mi jurieko. Bedo tung’ tung’ i wang’jo i pokolembe e ber ungo.

Lembrieko 28:21

Bedo tung’ tung’ i wang’ jo e ber ungo; Kum dhanu bikier pi ng’et kwen.

Lembe Mi Julawi 19:15

Kud wutim gondri i lembapoka: kud inen wang’ jacan ber, kadi kud iyung wang’ ng’atu ma jatego; ento ipok lembe pa wedu pwe.

Matayo 22:16

Gioro julub migi de i bang’e, Juherodiano, giwacu kumae, Japonji, wang’eyo nia in i ng’atu mandha, man iponjo yo pa Mungu i lemandha, man iparu pi ng’atu moko de ngo: kum ineno dhanu ni wang’gi ngo.

Tic Mi Jukwenda 10:34

E Petro alu dhoge, ewacu kumae, Ang’eyo andha nia dhanu bedo tung’ tung’ ungo i wang’ Mungu:

Tic Mi Jukwenda 20:21

abedatuco ni Juyahudi ku Juyunani bende ya gilok cwinygi ba Mungu, man gibed ku yioyic yo ba Rwoth mwa Yesu Kristu.

Tic Mi Jukwenda 24:24

Ento yo ng’ei ceng’ moko, Feliki gibino giku Drusila, ma cege, ma en e Nyayahudi, e elwong’o Paolo, man ewinje pi yioyic ma ni i Kristu Yesu.

Tic Mi Jukwenda 7:2

Man eloko kumae, Umego ku wego de, wukowuwinji: Mungu mi dwong’ unyuthre ni wegwa ma Ibrahim, kan eni i Mesopotamia, ka fodi ebedo i Haran ungo,

Jurumi 1:11

Kum ava nenowu benega dit, kara ami iwu giramia moko mi tipo, kara lembe cung i iwu;

1 Jukorinto 2:8

ma jubim m’i ng’om maeni moko mbe m’ung’eyo: kum tek ande ging’eyo, kuno di gikuguro Rwoth mi dwong’ ungo;

Poi Mi Cik 1:17

Kud wunen dhanu tung’ tung’ i pokolembe; wuwinj ju ma nok ku ju ma dwong’ calacel; kud wulwor wang’ dhanu; kum pokolembe en e pa Mungu: man lembe ma tek m’uloyowu wukel i bang’a, e abiwinje.

Poi Mi Cik 16:19

Kud inyoth pokolembe: dhanu kud ubed tung’ tung’ i weng’i; kadi jambng’om de kud igam; kum jambng’om umo wang’ jurieko, man eloko lembe mi weg bedopwe.

Jukolosai 1:4

ma wadaru winjo pi yioyic mu i Kristu Yesu, man pi mer mu ma wubedo ko yo ba jumaleng’ ceke,

1 Timoteo 1:19

m’ibeceri wi yic m’iyio, ku pidocwiny ma cu; lembene jumoko giweko ketho yioyic migi nyothre:

1 Timoteo 5:21

Ang’olo iri i wang’ Mungu, ku Kristu Yesu, ku malaika ma jugoyo nying’gi, ya iwor gin maeni ma fodi ikung’olo pire ngo, ma k’itimo gin moko ngo ni kum mer m’imaru ko jumoko.

Tito 1:1

Paolo, jamiru pa Mungu, man jakwenda pa Yesu Kristu calku yioyic mi ju ma Mungu goyo nying’gi, man ng’eyong’ec mi lemandha ma en e calku bedo ma ayi Mungu ni i kume,

Tito 2:13

ma wabekio ko genogen mi mugisa man nyuth mi dwong’ pa Mungu ma dit ma Jalar mwa Yesu Kristu;

Juebrania 1:3

en m’e car m’ucare mi dwong’ pare, man en e ayi mi kit kume, man gin ceke thiere ni kum lembe mi tego pare, kan etimo lwok mi dubo, ejany piny yo ku cing’ ma yor acwic mi Dwong’ ka ma malu;

Juebrania 12:2

ma wabeneno ko ba Yesu ma en e jathek ku jadar mi yioyic mwa, ma pi mutoro ma juketho i wang’e eciro yen m’athara, m’ecayu ko lewicne acaya man ejany yo ku cing’ ma yor acwic mi komker pa Mungu.

Yakobo 1:16

Ku juwondwu, umego ma jumerna.

Yakobo 1:19

Umego ma jumerna, wung’eyo lembe maeni. Ento ku ba dhanu ceke wek ng’atuman ubed m’ewinj pio, ebed yo kum wec, kum kwinyo bende;

Yakobo 2:3

e ng’atu m’ukendo kendi ma ber e ma bedo ber i weng’wu, man wuwacu kumae, Dong’ ibed kakae i ka ma ber; ni jacan e ma wuwacu kumae, Cung kaca, kadi ibed the kom mi tienda;

Yakobo 2:9

ento tek dhanu bedo tung’ tung’ i weng’wu, nwang’u wudubo, ma cik utuco wiwu ya wu judubo.

Yakobo 3:17

Ento rieko m’uai malu elar ebedo leng’, macen mi kwiocwiny, yo de, ma yot kum winjo lembe, pong’ ku kisa ku nying’ ma jucego, ma piem umbe, dhok ario de mbe.

2 Petro 1:1

Simon Petro, jamiru man jakwenda pa Yesu Kristu, ni ju ma ginwang’u yioyic ma calacel ma pire tek karacelo kudwa i bedopwe pa Mungu mwa man Jalar Yesu Kristu:

Yuda 1:16

Joni gi jung’ur, gi jupir, ma gilubo tok awanya migi ma rac (ma dhoggi yero lembe ma dit ma yenyo) ma dhanu bedo tung’ tung’ i wang’gi ni kum kuloka.

Lembanyutha 14:12

Keni en e twiocwiny mi jumaleng’, gi ju ma giworo lembang’ola pa Mungu, ku yioyic pa Yesu.